Како вѣровати во Святую Троицу и Пречистую Богородицу, и кресту Христову и святымъ небеснымъ безплотнымъ силамъ, и Великому по пророцѣхъ Ивану Предтечи и всѣмъ святымъ и святымъ мощемъ поклонятися имъ
Како царя или князя чтити и повиноватися ему во всемъ и всякому властному покарятися и правдою служити имъ во всемъ къ болшимъ и къ среднимъ и маломощнымъ и всякому человѣку какову быти и себѣ о всемъ внимати
Како врачеватися христіаномъ отъ болѣзнеи и отъ всякихъ скорбеи и царемъ и всякимъ чиновникомъ и святительскому чину и священническому и мнишескому и всѣмъ христіяномъ
Како поучати мужу своя жена Богу угодити и мужу своему наровити. Како домъ свои строити и всякая домашняя порядня и рукодѣліе всякое знати и слугъ учити и самои дѣлати
Женамъ наказъ о піянствѣ и о піяномъ питіи и слугамъ тако же и о потаи не держати ничего нигдѣ и у слугъ лжи и клеветы не слушати и безъ управы ихъ не держати и како наказывати грозою жену тако же и какъ въ гостяхъ быти и дома у себя устраивати во всемъ
Како сосуды всякія и во всемъ устроино держати и какъ избная порядня держати государыне слугъ учити и мужу надъ женою того надзирати и учити и страхомъ спасати
Како запасъ купити потребная у кого селъ нѣтъ и всякии домашніи обиходъ въ лѣтѣ и зимѣ держати и дома животина всякая водити и ѣства и питіе держати всегда
Оуказъ какъ держати всяки запасъ прѣнеи въ кадехъ и въ бочкахъ и въ мѣрникахъ и во чанехъ и въ ведерцахъ мясо, рыба, капуста, огурцы, сливы и лимоны, икра, рыжики, грузди