сухотная, и кашель и главоболіе[1] и зубная болѣзнь, и грыжа, и усови, и камчюгъ и френьчюгъ, и разслабленіе и трясеніе[2], и желви, и железы, и шелуди, и горбы, и глава, и щеки, и руки и ноги закорчены, и очи искривлены[3] и всякіе тяжкіе различные недуги наказаніе гнѣва Божія. И сія вся презрѣхомъ и въ покояніе не внидохомъ; ничто же не уцѣломудри насъ и не устраши насъ, и накажемся о семъ, видя Божіе наказаніе на себѣ и болѣзни тяжкіе, за премногія грѣхи наша. Оставя Бога создавшаго ны, и милости, и прощенія грѣховъ отъ него не требуя, еже злѣ содѣяхомъ, и приступихомъ къ нечистымъ бѣсомъ отъ нихъ же отрекохомся во святомъ крещеніи, и всѣхъ дѣлъ его и призываемъ къ себѣ чародѣевъ, и кудесниковъ, и волхвовъ и всякихъ кудесниковъ[4] и зелеиниковъ и съ кореніемъ: отъ нихъ же чаемъ душетлѣнныя помощи, временныя и готоваемъ[5] себя діаволу во дно адова во вѣки мучитися. О безумніи человѣци! Оле неразумія вашего! не разсуждаемъ своихъ грѣховъ за что ны Богъ наказуетъ и казнитъ и не каемся о нихъ, и не престаемъ отъ злобъ и отъ всякихъ неподобныхъ дѣлъ; не помышляемъ вѣчнаго, но желаемъ тлѣнного и временного. Молю, и паки молю престаните отъ злобъ и отъ всякихъ душетлѣнныхъ дѣлъ и очистимъ себя истиннымъ покаяніемъ, яко да милостивъ Господь помилуетъ отъ грѣхъ и подастъ тѣлесамъ здравіе и душамъ спасеніе и вѣчныхъ благъ не лишитъ. Аще кто и потрудится въ семъ вѣцѣ со благодареніемъ въ различныхъ болѣзнѣхъ и во вся-
