земляничные и брусничные и всякихъ ягодъ дѣлати: сице варити ягоды долго[1] и какъ разварятся[2] протерти[3] сквозѣ сито, да съ патокою упарити[4] густо, паря[5] мѣшати, не переставая, чтобъ не пригорѣло; и какъ будетъ добрѣ густо, то лити на доски, а доска перво намазати патокою; да какъ сядетъ, ино въ другіе да и въ третіе налити; а не сядетъ отъ солнца, ино противу печи сушити, ино вертеть[6] въ трубы.—О яблочной постилѣ. Яблочные постилы дѣлаются: сице[7] яблока въ четвертной сытѣ варити, чтобъ ихъ по выше сыта поняла, и парити долго, да протерти сквозъ сито, да положить патоки доволно; а паря безпрестано, мѣшати и бити, и унимати[8] и какъ будетъ густо,—ино класти на доску, помазавъ[9] патокою, да чтобъ[10] напаяти гораздо патокою[11], какъ вступитъ, класти на голо въ кинодати мѣдные, луженые, сирѣчь[12] творила,—обмазавъ патокою; а изъ творилъ опрометывати, что сыры, на блюда, и ставити на столъ.—О уксусѣ[13]. Уксусъ взяти послѣ сусла патоки, да изъ сусла взяти добраго, квасити четыре недѣли или болши, на печи, и класти въ тотъ уксусъ меду, патоки, гривинка или болши, да гороху, да и пшеницы ковшикъ положити, да и клюкву
