нецъ. Питіе бы было въ погребѣ, на ледникѣ. Пила бъ безхмѣльную брагу и квасъ, дома и въ людехъ. Аще ли пріидутъ отколе жены о здоровіи вопросити[1], тѣмъ питія піянаго не давати жъ; а свои женки и дѣвки до пьяна не поити жъ ни дома, ни въ людехъ. А женѣ въ таи мужа своего не ясти и не пити; и похоронокъ на ѣству и на питіе, потаи мужа своего не держати; а у подругъ и у племяни, потаи мужа своего, питія, и ѣства, и здѣлки[2], и поминочковъ[3] не просить и самои не давати, и у себя чюжаго[4], безъ мужня вѣдома, не держати и о всемъ совѣтовати съ мужемъ, а ни съ холопомъ, ни съ рабою. И отнюдь беречися всякаго зла; а слугъ[5] своихъ ложными словесы мужу своему не оговаривати, и посердки[6] не держати; кто что сбродитъ и то мужу сказати прямо безъ прибавки[7]. А мужу и женѣ ни какожъ не слушати безлепицъ, не доносити; а чего сама не можетъ управити, которое бѣздѣлное[8] дѣло и то мужу сказати въ правду, а въ чемъ которая женка или дѣвка согрѣшитъ, и не послушаетъ слова, и наказанія не имѣетъ[9], и какову пакость учинитъ—и о томъ о всемъ съ мужемъ переговорити: и каково кому наказаніе учинити. А гостьи коли лучатся, и ихъ подчивати питіемъ, какъ пригоже; а самои пьяна-
- ↑ Конш.=спросить.
- ↑ Ibid.=сдѣлки.
- ↑ Р. Т. № 1 и 38=поминковъ Конш. всякихъ.
- ↑ Р. Т. № 38 ничего.
- ↑ Ibid. и Конш.=рабъ своихъ и рабынь.
- ↑ Р. Т. № 1=на сердци.
- ↑ Р. Т. № 1 и 38 и Конш., а мужу женѣ отнюдъ оговору ни на кого не слушати, и не вѣровати безъ обыску безъ прямаго.
- ↑ Ibid.=дурное.
- ↑ Конш.=неиметъ.
