кихъ скорбехъ за очищеніе грѣховъ своихъ, царства ради небеснаго, не токмо грѣховъ свободу улучитъ, но и вѣчныхъ благъ наслѣдникъ будетъ. Написано[1] бо есть во святомъ Апостолѣ: многими скорбми подобаетъ намъ внити въ царство небесное и во святомъ Евангеліи речено бысть: узкіи и прискорбныи путь, вводя въ животъ, а широкіи вводя въ пагубу и паки рече Господь: нужно есть царство небесное и нужницы восхищаютъ е[2].
Воспомянемъ святыхъ мужеи страданія Бога ради и много различныхъ недугъ и болѣзнеи терпѣнія со благодареніемъ, не презывающе къ себѣ ни чародѣевъ, ни кудесниковъ, и волхвовъ, ни зелеиниковъ и никакихъ бѣсовскихъ чарованіи, но все упованіе возлогающе на Бога и со благодареніемъ[3] терпяще, очищенія ради грѣховъ своихъ и вѣчныхъ благъ наслажденія, яко долготерпѣливыи Іовъ и нищыи Лазарь, иже предъ враты богатого на гноищы лежалъ, гноенъ и червми ядомъ; а нынѣ на лонѣ Авраамле почивая и якожъ Симеонъ столпникъ самъ гноя тѣло свое, червьми кипя. И мнози праведніи, отъ вѣка Богу угодивше, всякими болѣзньми и различными недуги страждуще, со благодареніемъ терпяще спасенія ради душа своея, и жизни ради вѣчныя; и тѣми скорбьми внидоша въ царство небесное. Мнози богатіи и убозіи, христіянского рода, во всякихъ чинѣхъ княжеска и болярска, и священническаго и мнишеского, много различными болезньми и недуги страждуще, и всякими одержими бываху скорбьми и обиды, Бога ради терпяще, и у Бога милости просяще, и милости[4] ча-
