оброти, и морхи лысины; и похви, и остроги, и плети, и кнуты, и возжи: моржовые, ременные, и шлеи, и хомуты, и дуги, и оглобли, и миндеры[1], и мѣхи дымчаты, и сумы, и мѣхи холщевые, и припоны, и шатры, и пологи; и ленъ, и поскони, и веревки, и ужица; и мыло, и зола, и ветчанои[2] запасъ всякои; и обрѣзки, и остатки, и ветчаное, и новое, и платяные, и кожаные, и желѣзныя обломки всякіе, и гвоздье, и чепи, и замки, и топоры, и заступы, и всякои желѣзнои запасъ, и всякая рухлядь, и все то разобрати, что пригоже въ коробяхъ положити, или въ бочкахъ, иное по грядкамъ, иное по спицамъ, иное въ коробѣхъ гдѣ что пригоже, туто и устроити въ сусѣ[3], и въ покрытѣ, отъ снѣга беречи, и отъ всякія пакости; и все бъ было въ счетѣ ивъ писмѣ;—и сколко чего надо, и сколко ветчанаго; а что по портилося, то починивать; а всегда бы было готово, всякій запасъ какъ спросятъ[4]. А въ иныхъ подклѣтѣхъ, или въ подсѣніи, или въ анбарѣ, устроити: сани, дровни, тѣлеги, колеса, одры страдные, дуги, оглобли, хомуты, рогожи[5], лыка, мочала, веревки лычные, оброти, тяжи, шлеи, попоны и иной дворовой запасъ конской,—гдѣ что поставити, или положити, или повѣсити. А лутчіе сани[6], коптана, калымага, укрыти на подкладкахъ,—и все бъ было бережно и въ сушѣ, за замкомъ. А въ въ иномъ анбарѣ: бочки, и мѣрники, и цепники, высытки[7], корыта, жолобы, и зва-
