кладутъ, и дубъ и желѣзо.—О збитнѣ. Збитенъ дѣлати сицево: вина скляница, уксусу скляница, перцу четверть, фунтъ патоки, три гривенки, и заморскаго у ково лучится, столко же положити туто же и варити съ медомъ, и чтобы не сплыло, а сваря устроится и тогда слити въ судно. Книжица сія пишетъ въ ней веселію потреба, коему человѣку Богъ въ житіи поправитъ тому потреба, въ сію взирати за не же встосная(?) душа всякимъ похотѣмъ сплетна.—Чинъ како пиво варити[1]. Взяти солоду ячнаго четвертокъ, да ржанаго солоду полъ-мѣры, или овсяные муки полъ-мѣры, да затерти по обычаю, да гороховыя муки четверикъ туто же добро понеже чахоту отъ солоду отнимаетъ, и мозглъ отгоняетъ, а кому будетъ пивца… повеселіе, ино какъ сусло слуется даютъ вина въ сусло полведра, по числу смотря, и въ то врямя въ суслѣ вино прокиснетъ въ пивѣ незнаетъ будетъ, и кою пору укроика пиво варитъ, ино въ ту пору и хмѣль бы былъ готовъ и хмѣль положити въ катцу мокровъ (?) горячево кипятка, поливати на хмѣль ковша по два, и закутывать рогожкою на крѣпко, ино… хмѣль прѣетъ, а какъ пиво наж… укрои плотно, чтобъ духъ не выходилъ. А варити пиво, и медъ сытити, и вино курити, въ перекрой мѣсяца молода, велми прибылно живетъ и родно и виножъ; а какъ поспѣетъ пиво, ино сливати въ бочки, а то пиво многимъ живетъ и укуснѣе которое не ходя (годя?) сливаютъ, а дохаживаетъ въ бочкахъ, а тако перецѣдитъ на мѣрникѣ столь пьяно и не… датно испити, а которое пивцо въ даль поблюсти ино въ тѣ…[2].
