пропастяхъ земныхъ скончавшихся, во юзахъ, и въ темницахъ заключаеми, и плѣненіи и всякія терпѣша скорби и труды различная муки ихъ кто исповѣеть—яко же кто повѣстуетъ святое писаніе; и сихъ ради различныхъ страданіи и всякихъ мукъ како возмѣздіе пріяша отъ Христа въ семъ вѣцѣ и въ будущемъ вѣчныхъ благъ наслажденіе,—ихъ же око не видѣ и ухо не слыша и на сердце человѣку не взыде—яже уготова Богъ любящимъ Его. Како прославляются нынѣ, якожъ церковь Божія вопіетъ. Мы же убо тѣхъ святыхъ молимъ и на помощь призываемъ къ Богу молитися о насъ; и, отъ тѣхъ чюдотворныхъ образовъ и честныхъ мощеи цѣлбу получаемъ. Поревнуемъ тѣхъ святыхъ житію и страданію со благодареніемъ и долготерпѣніемъ; такову жь благодать отъ Бога обрящемъ.
Вдавшимся волшбамъ или глаголющемъ мудрецемъ и сотникомъ или кимъ таковымъ: аки отъ тѣхъ навыкиути хотяще, аще открыти хотятъ: по первому отъ святыхъ отецъ отъ нихъ же заповѣданію да повинуются правила канону 6 лѣтъ. Тацѣмъ же запрещеніемъ покорити подобаетъ и влачащая медвѣди или какова животная; нѣкако наруганіе простѣяшимъ людемъ, и полученіе, рожество и родословіе по[1] звѣздословію и таковыхъ нѣкихъ глаголы народопрелестное блядство приглашающая. Глаголемые же облакопрогонники, и чаровники, и хранительники, и волшебники; пребывающая же въ тѣхъ, и неотъбѣгающая пагубныхъ тѣхъ еллинскихъ начинаніи вся вездѣ отъ церкви отмѣтати заповѣдаемъ[2] яко же священницы нынѣ[3] повелѣвають.
