мѣлкаго; а взяти медъ[1] въ четверо разсытить водою[2] теплой, а вару положити на всякой пудъ по мѣрѣ[3] хмѣлю; да съ дрожжами наквасити; а какъ медъ киснетъ, ино дрожжи сымати съ меду ситомъ до чиста, а какъ поспѣетъ, такъ и сливати[4] въ бочки:—О паточномъ меду. Паточный медъ сытити[5]; взяти патоки въ пятеро, да разсытити водою лѣть тепло, да процедити чисто, да сложити въ мѣрникъ, а вару положити на два[6] пуда, мѣра хмѣлю да съ дрожжами наквасити; и какъ медъ киснетъ, ино дрожжи снимати съ меду[7] до чиста; а какъ поспѣетъ, такъ и сливати вскоре.—О простомъ медѣ. Простой медъ сытить[8]: взяти сырцу въ шестеро и разсытити водою чють[9] тепло, да процѣдити до чиста, да положити вару на всякой пудъ по мѣре[10] хмелю, да съ дрожжами наквасити; а какъ киснетъ медъ, ино дрожжи снимати съ меду ситомъ до чиста; а какъ поспѣетъ, то и сливати[11] въ бочки.—О боярскомъ меду. Боярскій медъ сытити[12]: сняти вощина, да патоки взяти въ шестеро, да разсытити горячею водою, а вару положити на всякой пудъ по четверику хмѣлю, да наквасити съ дрожжами чисто безъ вощинъ, а киснути въ мѣрникахъ недѣля да сложити въ бочки.
