сколку изъ котла ораки, первой и другой, и послѣду уточатъ; а у перепуску потому же смѣчать: колко изъ котла укуритъ,—перваго, и средняго, и послѣду. И на погребъ, и на ледникъ, и въ сушило и въ житницы,—безъ себя никого не пускати; и вездѣ самому отдавати, и отмѣрити, и отвѣсити; и сколко кому чего дастъ, то все записати.
А у поваровъ бы, и у хлѣбниковъ, и у всякихъ приспѣшниковъ, была бъ вся порядня: и котлы, и сковороды; и горшки мѣдные, и желѣзные, и таганы, и решотки[2], и чюмичи[3] и корцы, все бъ чисто, и цѣло[4], и звары: всебъ было въ счетѣ и въ писмѣ, а мѣдяное, и оловянное и въ вѣсу; а по вся дни у ключника то бъ было все пересмотрено; чтобъ было все по числу и перекрѣплено, и вымыто, и въ суши, и на мѣстѣ лежало замкнуто; а бочка и всякія суды перемыты, и переклѣплены и лежало бъ въ суши и замкнуто.
По вся дни, и по вся вечеры, исправя си долгъ душевныи во утріи въставати по звону; и, послѣ пѣнія, мужу съ
