ская, гороховая лапша, яглы, смокви[1], горохъ тертой[2], горохъ битой, двои шти, блины, луковники, левашники, пироги подовые съ макомъ, кисели сладкіе, преснечики малые.—Наказъ о всякихъ медахъ кислыхъ, какъ медъ сытити, всякіе морсы ягодные дѣлати, и квасъ медвяной и простой ставити, и пиво простое подкармливати медомъ и варъ варити, обарно (?) медъ сытити. Сицево обарно медъ ставити: взяти все мѣрою сырцу съ теплою водою, да россытя, медъ процедити ситомъ на чисто безъ вощинъ, да положити въ тотъ медъ вару на всякой пудъ по[3] мѣрѣ хмелю[4], а варя тотъ медъ, пѣна снимати ситомъ, чтобъ было въ котлѣ чисто; да уваря того меду[5] половину, да изъ котла[6] процедити[7] лишь теплой[8], да сложити[9] медъ въ[10] мѣрникъ чисто безъ вощинъ, да украй хлѣба натерти съ дрожжями и съ патокою, да припечи у печи, да положити въ тотъ медъ, и въ мѣрникъ; да квасити; а какъ соймется медъ киснути гораздо, ино его сливать тотъ часъ въ бочки, чтобъ не окислъ.—Наказъ о бѣломъ меду. Бѣлой медъ сытити[11]: сицево выбирати патока бѣлая чистая, да убити патока мутовкою гораздо, чтобъ не было кусья медоваго[12]
