Викитека

Страница:Домострой. По рукописям Императорской Публичной Библиотеки (Яковлев 1867).djvu/104

Эта страница была вычитана


ла; а толко по винѣ и по обыску прямому; а не кается и не плачется о грѣхѣ своемъ и о винѣ: то уже наказаніе жестоко подобаетъ[1] дати, чтобы виноватои былъ въ винѣ, а правои въ правдѣ, а всякому грѣху покаяніе[2].

ГЛАВА ЛѲ[3].
КАКЪ ЗАПАСЪ[4] КУПИТИ ПОТРЕБНАЯ У КОГО СЕЛЪ НѢТЪ; И ВСЯКОИ ДОМАШНЕИ ОБИХОДЪ И ВЪ ЛѢТѢ, И ВЪ ЗИМѢ ДЕРЖАТИ И ДОМА ЖИВОТИНА ВСЯКАЯ ВОДИТИ, И ѢСТВА, И ПИТІЕ ДЕРЖАТИ ВСЕГДА.

Годовои обиходъ домовитому человѣку, мужу и женѣ, у кого помѣстья, и вотчинъ, и селъ, и пашенъ нѣтъ; ино купити годовои запасъ хлѣбъ и всякое жито, въ зимѣ на возѣхъ; а полтевое мясо, такожъ и рыбу всякую[5], и длинную осетрину, на провѣсъ[6], всякую и бочешную въ годъ, и семжину[7] и икру, и сиговую, и черную; и медъ преснои; и которая рыба въ лѣто ставити, и капуста, тѣ сосуды[8] въ ледъ засѣкати глубоко, и питіе запасное потомужъ, покрывъ и лубкомъ[9] засыпати; какъ то надобится въ лѣтѣ, тогда

  1. ↑ Р. Т. № 38=надобе. Конш. надобеть.
  2. ↑ Р. Т. № 38 и Конш. поклоннои головы мечь не сѣчетъ, а покорно слово кость ломитъ, этимъ оканчивается глава.
  3. ↑ Р. Т. № 38 и Конш. глава МВ. № 1 МS.
  4. ↑ Ibid.=коли что.
  5. ↑ Конш. и свѣжую.
  6. ↑ Цар.=просолъ.
  7. ↑ Р. Т. № 1 Цар. и Арх.=семгу.
  8. ↑ Ibid. съ медомъ.
  9. ↑ Р. Т. № 1 и 38 и Конш.=лубомъ.
Источник — https://ru.wikisource.org/w/index.php?title=Страница:Домострой._По_рукописям_Императорской_Публичной_Библиотеки_(Яковлев_1867).djvu/104&oldid=3378661