Эта страница была вычитана
всякому разуму, и вѣжеству, и промыслу и рукодѣлію; и тѣ чада, съ родители своими бываютъ отъ Бога помиловани, а отъ священнаго чина благословени и отъ добрыхъ людеи хвалимы, и егда[1] будутъ въ совершеніе возраста, и добрые люди, съ радостію и со благодареніемъ сынове у нихъ женятъ, а дщери вдаютъ, прибирая по своеи верстѣ и по суду Божію; аще отъ таковыхъ которое чадо Богъ возметъ, въ покаяніи и съ причастіемъ, то отъ родителя безкровная[2] жертва Богу принесится, и въ вѣчныя кровы вселяются; и имѣютъ дерзновеніе у Господа[3], прося милости и оставленія грѣховъ о родителяхъ своихъ.
А у кого дочи родится, ино разсудныи отецъ которымъ[5] промысломъ себя питаетъ, во градѣ ли куплю дѣетъ, или по
- ↑ Ibid.=а.
- ↑ Ibid.=безскверная.
- ↑ Ibid.=Бога.
- ↑ Конш. глава XVI читается слѣдующимъ образомъ: А у кого дочь родится, ино разсудны люди, отъ всякого приплода на дочерь откладываютъ, на ее имя, или животинку ростятъ съ приплодомъ; а у полотенъ и у вусчинъ, и у ширинокъ, и у вубрусовъ и рубашекъ, по вся годы ей въ пришенной сундукъ кладутъ: и платье, и саженные, и монисто и святость, и сосуды оловяные и мѣдные и деревяные; прибавливати не-по-множку всегда, а не вдругъ: себѣ не въ досаду, а всево будетъ полно. Ино дочери растутъ, а страху Божію и вѣжству учатся, а приданое съ ними вдругъ прибываетъ; и какъ за мужь сговорятъ, ино все готово. А толко ранѣе хто о дѣтехъ не смышляетъ, да какъ за мужь давать, и въ ту пору все покупать: ино скорая женитва видомая работа. А по судбамъ Божіимъ толко та дочь преставится, ино ее надѣлкомъ поминаютъ: по ей души сорокоустъ, и милостыню изъ того даютъ. А толко иные дочери есть: такожъ о нихъ промышляти.
- ↑ Арх. Болш. Пог. Цар.=торгомъ.
