[му]жъ; а будетъ сушеная рѣдка толчена, и въ трехъ водахъ [ва]рити; а будетъ коя въ катышкахъ дѣлати, табъ была по[?]лче протерта сквозѣ частую рѣшетку, и выжити до чис[то,] чтобъ воды небыло, да патоки положити и перцу въ мѣ[?] что бъ было не горько, а слышати бъ было и иныхъ зе[?]; и положити, да ожарити, а коя дѣлати житкая, та протерти сквозѣ рѣдкую рѣшетку, и варити, и выжати вода потомужъ, и медъ развести водою положити въ треть и перцу класти менши, какъ въ катышки.
О рѣдкѣ жъ. Дѣлати рѣдка толкши или терти на желѣзѣ, да обваляти, да мочити три дни, выжати въ трехъ водахъ, да положити въ нее натоки съ зеліи.
Поставити мѣсто да обити ковромъ, а на мѣстѣ положити подушка отласная или бархатъ золотной; да у мѣста держать двумъ человѣкомъ по 40 соболей; да у мѣста жъ поставити столъ, а на столъ наслати; да поставити на столъ судки столовые и перепечи, калачи положити на блюдѣ, да поставити сыръ, да перепеча положити, которая рѣзати; да на другомъ блюдѣ поставити осыпало, хмѣль да деньги золотые и новгородки золоченые, да положити 9 соболей да камокъ и тафтъ всякихъ; да на 3-мъ блюдѣ положити ширинки, да на четвертомъ блюдѣ положити кика, да подъ кикою положити подзатыльникъ, да подубрусникъ, да волосникъ, да покрывало; да поставити чарка золотая или серебряная, а въ чаркѣ поставити медку не множко, да хмѣльку, да 2 маковицы; да гребешокъ положити у кики на блюдѣ; да посторонь у мѣста поставити двѣ скамейки маленькіе—на
- ↑ Въ Арх. сп. глава 90.
