Эта страница была вычитана
вялая, и вѣтреная, и въ рогожахъ, и въ коротняхъ, и вандыши, и хохолки: чтобы было все въ счетѣ и въ письмѣ: сколко чего куплено и вывѣшено, и провялено, и положено; и держено бы то бережно[1] и не изгноено, и не измочено, и не измято; убережено бъ отъ всакои пакости[2] и всегда замкнуто[3].
А въ погребѣхъ, и на лѣдникахъ, и на погребицахѣ[4], хлѣбы, и калачи, сыры, и яица, забѣла, и лукъ, чеснокъ, и мясо всякое свѣжее, и солонина, и рыба свѣжая, и просолная, и медъ преснои, и ѣства вареная, и мясная, и рыбная, и всякои запасъ ѣстомой[5], и огурцы, и капуста, соленая и свѣжая, и рѣпа, а всякіе овощи, и рыжики, и икра, росолы ставленые, и морсы[6], квасы яблочные; и воды брусничные, и вина фряскіе[7], и горючіе[8], меды всякіе, и пива,—
- ↑ Ibid.=брежно.
- ↑ Арх. Пог. Цар. отъ мышей, и отъ кошекъ, и отъ собакъ, и отъ робятъ.
- ↑ Ibid. а всегда пересматривати и перебирати, а лутчее вдаль блюсти; а что ся попортитъ, и то напередъ изводити, какъ пригоже, семья кормити, хорошенько удѣлавъ; и нищимъ дать: ино спасенье; а изгной—даромъ за ворота выкинуть.
- ↑ Арх. и Цар.=погребцахъ.
- ↑ Арх.=съѣстной. Пог. Цар.=ѣстовной.
- ↑ Арх. Пог. Цар. и вишневой въ патокѣ, и малиновой; и яблоки, и груши, и дыни, и арбузы въ патокѣ, и сливы, и лимоны, и левашники, и пастилы.
- ↑ Пог.=ѳряжкіе.
- ↑ Арх. Пог. Цар.=горячіе.
