сотонѣ, и вкупѣ радуются погибели христіанскои; и та вся дѣла предстанутъ въ день страшнаго суда. О горе дѣющимъ таковая. Егда жидовы въ пустынѣ сѣдоша ясти и пити и объявшися[1] и упившися[2], и восташа играти и блудъ творити и тогда пожре ихъ земля 25000. О, устрашитеся сего, людіе и творите волю Божію якожъ въ законѣ писано; а отъ сего зла и безчинія соблюди Господи всякого христіанина; ясти бы и пити во славу Божію, а не объядатися, ни упиватися, и пустошныхъ не творити! И аще предъ кого поставляеши ѣству и питіе, и всякое брашно или предъ тебя поставляютъ не мози похулити; и глаголати: се гнило, или кисло, или прѣсно, и солоно, и горко, и затхлося, и сыро, и переварено, или какую хулу ни буди возлагати; но подобаетъ даръ Божіи, всякое брашно и питіе похваляти и со благодареніемъ вкушати; ино Богъ обоняетъ вонею благоуханія, и въ сладость претворитъ; и аще которая ѣства и питіе непотребно, ино о томъ наказывати домочадцевъ, кто дѣлалъ, чтобъ впредь таково не было[3]. Отъ евангелія. Егда званъ будеши кимъ на бракъ, не сяди на преднемъ мѣстѣ, егда кто частнѣе тебя будетъ званныи[4] и пришедъ, иже тебя звавыи и оного, и речетъ ти, ты даждь ему мѣсто; и тогда начнеши со студомъ послѣднее мѣсто держати; но егда званъ будеши шедъ сяди на послѣднемъ мѣстѣ, да егда пріидетъ звавыи тя речетъ ти: друже, посяди выше того,
