Эта страница была вычитана
аминь. И причистая Богородица со всѣми небесными силами, и со всѣми святыми, будетъ помощница отъ всѣхъ кознеи діявольскихъ, въ семъ вѣцѣ и въ будущемъ, вѣрою молящемуся, и въ заповѣдехъ Божіихъ пребывающу.
Како[2] подобаетъ святителемъ и священническому и иноческому чину, и царемъ и княземъ и всѣмъ христіяномъ поклонятися образу Спасову и животворящему кресту и пречистой Богородицѣ и святымъ небеснымъ силамъ и всѣмъ святымъ и священнымъ[3] сосудомъ и святымъ честнымъ мощемъ[4]. Правая рука устроити персты первыи краинеи
- ↑ Ibid.=образу спасову.
- ↑ Ibid.=тако.
- ↑ Ibid.=освященнымъ.
- ↑ Въ Пог. Арх. Цар. Болш. здѣсь идетъ слѣдующее: И еще долженъ есть творити кійждо благочестивыи христіанинъ крестъ свой первѣе убо да совокупитъ три персты своя за Святую Троицу: великій перстъ и другіе два, сущіе близь его. Первѣе убо да положитъ ю на челѣ своемъ, второе на чревѣ своемъ, третіе на правомъ рамѣ и четвертое на лѣвомъ рамѣ. Егда творитъ тако, тогда знаменуетъ истинныи крестъ. И слышите кій есть разумъ креста: егда полагаемъ руку нашу на челѣ, та же низводимъ ю на чрево, хощемъ рѣщи: яко Господь нашъ Іисусъ Христосъ Сынъ Божій, бѣ и есть Богъ; убо нашего ради спасенія и да вѣруемъ мы въ Него, сниде съ небесъ долу, на землю и паки иде дальнѣише земли, сіи рѣчь: въ муку, и свободи тамошнія мучимыя души. Егда же паки по сихъ положимъ ю на десномъ рамѣ, та же на лѣвомъ: хощемъ рѣщи, яко, отнеле же свободи души праведныхъ отъ муки, вознесся на небеса, и седѣ отдесную Бога и Отца; и паки имать пріити, судія всего міра, поставити праведныя убо одесную Своея
