тока съ пивомъ въ котлѣ до кипятка, чтобъ патока съ пивомъ[1] смѣшалася, да и простудити холодно, да положити то[2] пиво съ патокою въ[3] бочку.—Указъ о всякихъ овощахъ о разныхъ, какъ ихъ строити и дѣлати: Какъ реткѣ дѣлати: ретка толчи или терти на желѣзе, да обваляти, да мочити трижды[4] выжимая въ трехъ водахъ, да въ нее положити патоки съ зеліемъ.—О арбузахъ: Арбузы пасти про себя[5], извѣсти[6] въ сито гривенное да доспѣти[7] щелокъ, а доспѣвъ, варити, чтобы очистился чисто; да взяти арбузъ изрѣзати въ слои, да сѣма и съ тѣломъ вырѣзывати[8] оставить перста на два отъ кожи, да маленько зеленово, мало толще бумаги отлупити, да положити въ щелокъ, да держати до тѣхъ мѣстъ[9]; да тотъ щелокъ перемѣняти, да положити въ другой; и держати до тѣхъ же мѣстъ[10]; да вземъ патоки, и варити тихимъ варомъ, а пѣна на чисто ситомъ снимати; а какъ не будетъ пѣны, то патока поспѣла, да въ горячею положити зелія перецъ, имбиръ, гвоздика, корица, цвѣтъ мушкатной или мушкатъ; и приварить да чисто бы патоки не пережечъ, да класти въ ставъ, да положити арбузы въ патоку.—О дыняхъ: Дыни рѣзати полосами, а лупити же тонко, а тѣло вырѣзывати вполы
