Павелъ рече: аще нѣкіи братъ именуется блудникъ или лихоимецъ, или идолослужитель, или ругатель, или піяница или хищникъ съ таковымъ ни ясти ни пити, и паки рече: нельстити себе ни блудники[1] ни идолослужители, ни прелюбодѣи[2], ни малакія, ни мужеложниоы, ни лихоимцы, ни татіе, ни піяницы, ни досадители, ни хищницы царствія Божія не наслѣдятъ; но достоитъ всякому христіянину отъ всякого зла блюстится[3]. А всякому христіанину всегда четки въ рукахъ держати и молитва Ісусова во устѣхъ непрестанно имѣти, и въ церкви и въ дому, и въ торгу ходя, и стоя, и сѣдя, и на всякомъ мѣстѣ; по пророку Давиду: на всякомъ мѣстѣ: благослови душе моя Господа, глаголати жъ еще молитва: Господи Ісусе Христе сыне Божіи помилуи мя грѣшнаго еще глаголяти Х҃ молитвъ; а седмое сто пречистои еже есть: Владычице моя пресвятая Богородице помилуи мя грѣшнаго, и паки обращатися на первое и еще глаголати всегда. Аще кто сію молитву, требуя ея, глаголетъ, яко изъ ноздрію дыханіе по первомъ лѣтѣ вселится въ него Христовъ сынъ Божіи; по второмъ лѣтѣ внидетъ въ него Духъ Святыи, по третьемъ лѣтѣ пріидетъ къ нему Отецъ; и вшедъ въ него, и обитель въ немъ себѣ сотворитъ Святая Троица; и пожретъ молитва сердце, а сердце пожретъ молитву и начнетъ клицати безпрестанно сію молитву, день и нощь; и и будетъ свободенъ[4] отъ всѣхъ сѣтеи вражіихъ, о Христѣ Ісусѣ Господѣ нашемъ, нынѣ и присло и во вѣки вѣкомъ[5]
