браго человѣка, и у порядливои жены, и у добрыя и у смышленныхъ и у разумныхъ[1] людеи и у годоваго запасу, и у рухляди, и у ѣствъ, и у питія, и у хлѣбнаго, и у воложнаго, и у мяснаго[2], у рыбнаго, и у ветчиннаго, и у салонины, и у вялаго, у вѣтряняго, и у просолу, и сухари, мука, и толокно и инои запасъ: макъ, пшено, горохъ, масло, конопли, соль, дрова, солодъ, хмѣль, медъ, мыло, и сало[3], и всякои запасъ, чему мочно впредь быти[4] и не изгноено. А всякого бы году во всякомъ обиходѣ, и въ запасѣ сходилося, въ инои годъ и чего не родилося или дорого, ино тѣмъ запасомъ, какъ припасено даромъ проживетъ, а нужнаго, и болнаго, и недостаточнаго ссудитъ, подможетъ, кому какъ пригоже. Какъ чего изобилно припасено въ дешевую пору[5], ино въ дороговлю и продасть; ино самъ ѣлъ, и пилъ, и носилъ даромъ, а денги опять дома. Добраго человѣка и добрыя жены, ни какъ[6] ни въ чемъ меженина не иметъ. А старые запасы держати на многіе лѣта, кои не портятся.
У котораго человѣка огородецъ есть, и кто пашетъ огородъ самъ ли государь дозираетъ[8], или кому приказано.
