морю[1], или деревню пашетъ, и онъ съ торгу, еи выть[2] наимѣнитъ, а въ деревнѣ по тому же или животину роститъ еи съ приплодомъ; и отъ ея выти, что Богъ пошлетъ, купитъ полотна и ущины[3], ширинки, и убрусы, и рубашки, по всякъ годъ и кладетъ во причеснои[4] сундукъ, или въ коробья: платіе, и саженіе и маниста[5], и суды оловяные, и мѣдяные, и деревянные; и, прибавливая по немножку всегда, на всякъ годъ, по прежписанному, а не вдругъ; ино себѣ въ досаду, а всего, дастъ Богъ будетъ полно[6]. Ино дочи ростетъ, и страху Божію, и вѣжеству всякому, и рукодѣлію учится, а приданое съ нею вдругъ пребываеть; а какъ замужъ сговорятъ, и отецъ, и мати будутъ безпечалны[7], занежъ далъ Богъ всего у нихъ полно, и въ веселіи и въ радости бракъ у нихъ будетъ. Аще ли[8] отецъ и мати не запасны[9], и своеи дочери попрежеписанному не изготовили, и выти еи не въ чемъ не удѣливали, и учнутъ ея замужъ давати, и въ тѣ поры все покупати; ино скорая женитба вѣдомая работа, и отецъ и мати будутъ въ печали о таковѣ брацѣ, занеже все вдругъ, и дорого купити. А по судбамъ Божіимъ, кая[10] дочи преставится: ино ея надѣлкомъ поминати и по ея душѣ сорокоустіе[11] или милостыню изъ того да-
