ные суды класти, которые ни въ поварнѣ, ни въ погребѣ не пригодятся; да ставити то въ опричной хороминѣ, и тѣмъ страдные лошади кормити или чѣмъ подмѣшиваючи и невѣйницы, или овсяной муки, или сѣно рѣзаное, или чего иного; а иное коровамъ давати, и свиньямъ, и гусямъ, и уткамъ, и курамъ и собакамъ; и что какъ пригоже и мукою посыпаютъ. И помывки[1] судовые, и горшечные, и котельные и всякіе ѣствы и пригарны, все животинѣ копятъ: животина тѣмъ сыта бываетъ. А въ деревнѣ такой кормъ животинѣ ссылаютъ же.
А на погребѣхъ, и на ледникѣхъ, и въ житницахъ и въ сушилѣхъ, и въ клѣтѣхъ, и въ анбарѣхъ, и въ конюшняхъ по вся дни въ вечере въ кой любо день: пересмотрити самому государю всякого питія и ѣствы, и всякаго обиходу, и всякаго запасу, и всякой рухляди; и въ конюшнѣ, и въ хлѣбнѣ, и въ поварнѣ, и въ чьемъ приказѣ или у ключника, или у повара, или у хлѣбника, или у конюха всего пересмотрити самому, по тому чину и стройно[2], какъ въ сей памяти[3] писано; и перепытати колько чего есть; и всему ли есть счетъ и мѣра, и писмо; да все то смѣтити и сгадати самому: и сколько чего сдѣлано и сколько чего разошлося,
