деніе, и отъ судеи продажа и мученіе, ово бездождіе, ово безвременныи дождь[1], и нестроины лѣта, и неугодна зяма, и лютые мразы, и земли безплодіе, и всякому скоту животному падежъ, и звѣремъ, и птицамъ, и рыбамъ и всякому обилію скудость; родителемъ, женѣ и чадомъ нужными и напрасными и скорыми смертьми лишеніе; отъ многоразличныхъ и нужныхъ и тяжкихъ недугъ страданіе[2]. Многи[3] убо праведницы истинно Богу работаютъ, по заповѣдемъ Господнимъ живутъ межу нами грѣшными; но на семъ свѣтѣ равно со грѣшники казнима суть отъ Бога, да свѣтлѣишихъ вѣнцовъ отъ Бога сподобятся, намъ же грѣшнымъ на большее мученіе, яко праведницы казними быша всякими скорбьми за наше беззаконіе[4] и о всѣхъ сихъ настоящихъ бѣдахъ не уцѣломудримся и не накажемся въ покояніе, и въ чювство, и въ страхъ Божіи не внидемъ, видя таковаго праведнаго гнѣва Божія наказанія за премногія грѣхы наша. И паки Господь, наказуя ны, и обращая къ покаянію, яко же праведнаго и долготерпѣливаго Іова искушая, посылая различныя скорби, и болѣзни, и тяжкія недуги отъ духовъ лукавыхъ мучими, тѣлу согнитіе, костемъ ламота, отокъ и опухоль на всѣ уды, проходомъ обоимъ закладъ, и камень въ удахъ[5], и кила и таинымъ удомъ согнитіе и отоки[6] и глухота, и слѣпота, и нѣмота; во утробѣ терзаніе и блеваніе злое; и на низъ во оба прохода и кровь и гнои,
