безчестіемъ, и укоризною и поношеніемъ; и во злое время никто ему не поможетъ, отъ своего безумія стражетъ; отъ отъ Бога грѣхъ, а отъ людей посмѣхъ. Ино надобѣ всякому человѣку тщеславія и похвалы бѣгати, и неправеднаго стяжанія[1]; и жити по силѣ и по промыслу и подобытку своему смѣтя, прямою силою. Ино житіе благопріятно и угодно Бугу[2], а отъ людей похвално, и себѣ и дѣтемъ своимъ прочно.
Подобаетъ убо мужемъ поучати женъ своихъ съ любовію и благоразсуднымъ наказаніемъ. Жены мужеи своихъ вопрошаютъ о всякомъ благочиніи, како душа спасти, и Богу и мужу угодити, и домъ свои добре строити, и во всемъ мужу[7] покорятися и, что онъ накажетъ, то съ любовію и со страхомъ внимати и творити по сему писанію. Первое имѣти страхъ Божіи и чистота тѣлесная, якожъ и преже[8] указано бысть. Воставъ отъ ложа своего и очистивъ[9] себя, и
