трудовъ и отъ благихъ плодовъ и себѣ прочно, а Богу въ даръ принести достоино; и таковый человѣкъ Богу угодилъ и людямъ честенъ, и всякъ ему во всемъ вѣритъ; въ семъ вѣцѣ добрымы дѣлы Богу угодитъ, а въ будущемъ вѣцѣ во вѣки царствуетъ.
А[4] самому государю жену, и дѣти, и домочадцевъ учить не красти, не блясти, не лъгати[5], не оклевѣтати, не завидѣти, не обидѣти[6], чюжаго не похищати[7], не прѣтися всуе неосужати, не бражничати, не просмѣивати, не помнити зла, не гнѣватися ни на кого. Ко большимъ быти послушну и покорну, а къ среднимъ любовну, къ меншимъ и къ убогимъ привѣтну и милостиву; со всякимъ управа безъ волокиты; наипаче[8] наимита наимомъ не изабиди[9], а всякую обиду[10] со благодареніе терпи[11], Бога ради, и поносъ и укоризну. Аще по дѣломъ поносятъ и укоряютъ, сіе съ любо-
