кое угодіе неправдою и насиліемъ творитъ[1]; или ограбитъ, и покрадетъ, и разбіетъ на дорогѣ, и на стану грабитъ, и біетъ и соромитъ, и пустошитъ луги, и пашню толочитъ и всякую обиду творитъ[2], или кого чемъ поклеплетъ, или подкинетъ, оклевещетъ и ополишнитъ[3], и напрасно продастъ въ работу неповинныхъ; лукавствомъ и насиліемъ охолопитъ, или не прямо судитъ, или не прямо[4] обыскиваетъ, или на кривѣ послушествуетъ, и кающимся немилостивъ, или лошади и всякую животину и всякое стяжаніе: села, и винограды, варницы, мелницы, лавки, анбары и всякое угодіе силно отниметъ; или дешево въ неволю[5] купитъ, и ябедничествомъ вытянетъ[6], или корчебнымъ[7] прикупомъ[8], и всякимъ лукавымъ ухищреніемъ, или росты и наспы[9] и всякимъ неправеднымъ собраніемъ богатѣетъ, и всякая неподобная дѣла творитъ: блудъ, нечистоту, сквернословіе и срамословіе, и клятвопреступленіе, ярость и гнѣвъ, и злопамятство[10], или съ женою не законно живетъ, или отъ жены блудитъ, и содомскій грѣхъ содѣваетъ, или корчмитъ, всегда ястъ[11] и пьетъ безъ воздержанія, во объяденіе и пьянство;
