мѣися игры творя ему: о малѣ бо ся осклабиши[1], а о велицѣ поболиши скорбя, и послѣди яко оскомину сотвориши души своеи. Не даи же ему власти въ юности, но сокруши ребро, донели же растетъ. Аще еси ожесточавъ не повинитъ ти ся; и будетъ ти оть нето досажденіе и болѣзнь души, и тащета домови, и погибель имѣнію и укоризна отъ сосѣдъ, и посмѣхъ предъ врази и предъ властели платежъ и досада зла[2]. Аще дѣти своя воспитаете во страхѣ Божіи, и въ поученіи, и во всякомъ наказаніи, и до совершена возраста сохраниши ихъ во всякомъ цѣломудріи, и въ чистотѣ тѣлеснои, и законннаго бракосочетанія со благословеніемъ устроиши, и будутъ наслѣдницы имѣнію твоему и дому, и всему стяжанію твоему, иже имаши, и упокоятъ тя на старость твою, и по смерти вѣчную память сотворятъ родителеми своимъ и сами во благословеніи будутъ[3] и отъ Бога великую мзду получатъ, въ семъ вѣцѣ и въ будушемъ, пребывающе въ заповѣдехъ Господнихъ[4].
Душевную бо чистоту имѣти и безстрастіе тѣлесное; ступаніе кротко; гласъ умиленъ; слово благочинно; пищу и питіе не мятежно; при старѣишихъ молчаніе; при мудрѣишихъ послушаніе; къ преимящимъ[5] повиновеніе; къ равнымъ себѣ и меншимъ любовь имѣти нелицемѣрну; отъ
