Благословеніе отъ благовещенскаго попа Силиверста[2], возлюбленному и единородному моему сыну, Анѳиму. Милое мое чадо, дорогое! послушай отца своего наказанія, рождьшаго тя, и воспитавша въ добрѣ наказаніи и въ заповѣдѣхъ Господнихъ; и страху Божію, и божественному писанію изучену, и всякому закону христіянскому; и промыслу доброму во всякихъ торговляхъ, и во всякихъ товарѣхъ наказану; и святительское благословеніе на себѣ имѣешъ, и царьское Государево жалованіе, и Государыни царицы, и братіи его, и всѣхъ боляръ; и съ добрыми людями водишся; и со многими иноземцы великая торговля и дружба есть; все еси доброе получилъ, умѣй сіе[3] совершити о Бозѣ: яко же начато при нашемъ попеченіи, и по насъ такожде бы Богъ соблюлъ по тому жити. И законному браку сочтахъ тебѣ, и добру родителю благородную[4] дщерь; и благословилъ есми тебя всякою святынею, и честными кресты, и святыми образы, и благословеннымъ стяжаніемъ, яко же мню отъ праведныхъ трудовъ; а въ невѣданіи Богъ правитель. И нынѣ убо, сыну Анѳимъ, предаю тебѣ и поручаю, и оставляю Создателю нашему, доброму блюстителю, Ісусу Христу, и его матери причистыя Богородоцы заступницы нашея, помощницы и всѣмъ Святымъ: яко же рече писаніе: «потщися дѣти оставити наказаны заповѣдемъ Господнимъ, лутче непра-
