юще и милосердныи Господь многоразличныя милости на рабы своя излияетъ и исцѣленіе даруетъ, и грѣховъ свобождаетъ, и отъ скорби спасаетъ овыхъ отъ животворящихъ крестовъ, и отъ чюдотворныхъ иконъ святыхъ и образовъ Христовыхъ и Богородичныхъ и Архангельскихъ и всѣхъ Святыхъ мощеи, и отъ освященія воды, и отъ масленаго освященія и отъ молебнаго соборнаго пѣнія, и на божественныхъ литургіяхъ и на всенощномъ предстояніи во святыхъ Божіихъ церквахъ, и во святыхъ честныхъ монастырехъ, и въ чюдотворныхъ мѣстехъ, и въ дому, и на пути, и на водахъ и вездѣ; призывающе вѣрою Господа Бога и пречистую Богородицу и ихъ угодниковъ милость получающе, здравіе тѣлеси и душамъ спасаніе. Мнози искончашася въ тѣхъ недузѣхъ и въ тяжкихъ болѣзнехъ и въ различныхъ скорбехъ, тѣми очистишася отъ грѣховъ, и жизнь вѣчную получиша. Вонмемъ себѣ опасно и подражаемъ тѣхъ житію и терпѣнію, и поревнуемъ святыхъ отецъ житію, пророкомъ и апостоломъ, святителемъ и мученикомъ, и преподобнымъ уродивымъ Христа ради, и святымъ женамъ и православнымъ царемъ, и княземъ и священническому, и мнишескому чину и всѣмъ христіаномъ Богу угодившимъ[1] отъ вѣка: како въ житіи семъ скорбми пострадаша Христа ради, ова постомъ и молитвами и всякимъ долготерпѣніемъ, гладомъ и жаждею, наготою и мразомъ, и солнечнымъ сженіемъ, поруганіемъ и оплеваніемъ и всякими укоризнами и біеніемъ и мученіемъ различныхъ мукъ отъ нечестивыхъ цареи Христа ради усѣкаеми, и огнемъ сожигаеми, и звѣрми снѣдаеми, и каменіемъ побиваніемъ, и въ водахъ потопляеми, и въ вертепехъ и въ пустыняхъ, и въ
- ↑ Ibid.=богоугодно жившимъ.
