Викитека

Сказания князя Курбского. Часть I/1833 (ДО)/Начало злу

< Сказания князя Курбского. Часть I/1833 (ДО)

[100]

ГЛАВА V.
НАЧАЛО ЗЛУ.
1560.
Клеветники. Удаленіе Сильвестра и Адашева. Ихъ винятъ въ смерти Царицы Анастасіи. Новые любимцы. Опричники. Монахи. Ссылка Сильвестра въ монастырь Соловецкій. Смерть Адашева. Новый образъ жизни Іоанновой. Пиры. Бѣдствія Россіи. Сожженіе Москвы Татарами. Дѣла Іоанна III. и сына его Василія. Смерть Іоанна Младаго, Царя Димитрія, матери его Елены, Андрея Углицкаго, Семена Ряполовскаго, Михаила Верейскаго, Василія Ярославича. Іоанновы слова о нихъ. Время, когда писалъ Курбскій свою Исторію.

Чтожъ по семъ Царъ нашъ начинаетъ? Егда уже обронился,[1] Божіею помощію, храбрыми своими отъ окрестныхъ враговъ его, тогда воздаетъ имъ! Тогда платитъ презлыми за предобрѣйшее, прелютыми за превозлюбленнѣйшее, лукавствы и хитролествы[2] за простыя и вѣрныя ихъ службы. А якоже сіе начинаетъ? Сице: первѣе, отгоняетъ дву мужей оныхъ отъ себя предреченныхъ, Селивестра, глаголю, Презвитера, и Алексѣя предреченнаго, Адашева, туне и ни въ чемъ же предъ нимъ согрѣшившихъ, отворивши оба ухи своимъ презлымъ ласкателемъ, (надъ нихъ же, уже яко многажды рѣхомъ ни единъ прыщь смертный во Царствѣ [101]повѣтреннѣйшъ[3] быти можетъ), яже ему уже клеветаша и сикованціи[4] во уши шептаху заочно на оныхъ святыхъ мужей, паче же шурья его и другіе съ ними нечестивые губители всего тамошняго Царства. Чего же ради сіе творяху? Того ради воистинну: да не будетъ обличена злостъ ихъ и да невозбранно будетъ имъ всѣми нами владѣти, и судъ превращающе, посулы грабити и другія злости плодити[5] скверныя, пожитки свои умножающе. Что же клевещутъ и шепчутъ во ухо? Тогда Цареви жена умре:106)7 Авг. 1560. они же рѣша, аки бы счаровали ее оные мужи: (подобно, чему сами искусны и во что вѣруютъ, сіе на святыхъ мужей и добрыхъ возлагали). Царь же, буйства исполнився, абіе имъ вѣру ялъ.[6] Услышавъ же сіе, Селивестръ и Алексѣй начаша молити, ово эпистоліями посылающе, ово чрезъ Митрополита Русскаго, да будетъ очевистное глаголаніе съ ними. „Не отрицаемся, рече, аще повинни будемъ, смерти; но да будетъ судъ явственный предъ тобою и предо всѣмъ Сенатомъ твоимъ.“

Презлые же къ сему что умышляютъ? Эпистолій не допущаютъ до Царя; Епископу старому запрещаютъ и грозятъ; Цареви же глаголютъ: „Аще, рече, припустишь ихъ къ себѣ на очи, очаруютъ тебя и дѣтей твоихъ; а къ тому, любяще ихъ все твое воинство и народъ, нежели тебя самого, побіютъ тебя и насъ каменіемъ. Аще ли и сего не будетъ: обвяжутъ тя паки и покорятъ [102]тя аки въ неволю себѣ. Такъ худые люди и ничему годные чаровницы тебя Государя, такъ великаго и славнаго и мудраго, Боговѣнчаннаго Царя, держали предъ тѣмъ, аки въ оковахъ, повелѣвающе тебѣ въ мѣру ясти и пити и со Царицею жити, не дающе тебѣ ни въ чесомъ же своей воли, а ни въ малѣ, а ни въ великомъ, а ни людей своихъ миловати, а ни Царствомъ твоимъ владѣти! И аще бы не они были при тебѣ, такъ при Государѣ мужественномъ и храбромъ и пресильномъ, и тебя не держали аки уздою, уже бы еси мало не всею вселенною обладалъ: а то творили они своими чаровствы, аки очи твои закрывающе, не дали ни на что зрѣти, хотяще сами царствовати и нами всѣми владѣти. И аще на очи припустишь[7] ихъ, паки тя очаровавши, ослѣпятъ. Нынѣ же, егда отогналъ еси ихъ, воистинну образумился еси, сирѣчь во свой разумъ пришелъ, и отворилъ еси себѣ очи, зряще уже свободно на все свое Царство, яко помазанецъ Божій, и никто же инъ, точію самъ единъ тое управляюще и имъ владѣюще.“

И иными таковыми множайшими и безчисленными лжесшиванцы, согласясь со отцемъ своимъ діаволомъ, (паче же рещи, воистинну языкъ ему и уста самому глаголанію бываютъ на пагубу роду Христіанскому), сице подходятъ даскателъными глаголы мужа, и сице опровергаютъ Царя Христіанскаго душу, добрѣ живущаго и въ покаянію сущаго, и сице растерзаютъ пленицу[8] [103]оную, Богомъ[9] соплетенную въ любовь духовную, (якоже Самъ Господь рече: идѣже собрани два или три во имя мое, ту азъ посреди ихъ); изъ посреди[10] Бога отгоняютъ оные, проклятые, и паки реку: сицевыми прелестными[11] глаголы Царя Христіанскаго губяще, добраго бывшаго много лѣтъ, покаяніемъ украшеннаго и къ Богу усвоеннаго, въ воздержанію всякомъ и въ чистотѣ пребывающа..... О злые и всякія презлости и лукавства исполненные, своего отечества губители, пачеже рещи, всего Святорусскаго Царства! Что вамъ принесетъ сіе за полезное? Въ малѣ узрите надъ собою дѣломъ исполняемо и надъ чады своими, и услышите отъ грядущихъ родовъ проклятіе всегдашнее!

Царь же, напився отъ окаянныхъ, со сладостнымъ ласканіемъ смѣшаннаго, смертноснаго яду, и самъ, лукавства, пачеже глупости, наполнився, похваляетъ совѣтъ, и любитъ и усвояетъ ихъ въ дружбу и присягами[12] себя и ихъ обвязуетъ, вооружающесь на святыхъ неповинныхъ, къ тому и на всѣхъ добрыхъ и добро хотящихъ ему и душу за него полагающихъ, аки на враговъ своихъ,[13] и собравъ и учинивъ уже окрестъ себя яко пресильный и великій полкъ сатанинскій. И чтожъ еще къ тому первѣе начинаетъ и дѣлаетъ? Собираетъ соборище не токмо весь Сенатъ свой [104]мірскій, но и духовныхъ всѣхъ, сирѣчь Митрополита и градскихъ Епископовъ призываетъ, и къ тому присовокупляетъ прелукавыхъ нѣкоторыхъ Мниховъ, Мисаила, глаголемаго Сукина, издавна преславнаго въ злостяхъ, и Васьяна Бѣснаго, поистиннѣ реченнаго, неистоваго, и другихъ съ ними таковыхъ тѣмъ подобныхъ, исполненныхъ лицемѣрія и всякаго безстыдія діяволя и дерзости; и посаждаетъ ихъ близу себя, благодарнѣ послушающе ихъ, вѣщающихъ и клевещущихъ ложное на святыхъ и глаголющихъ на праведныхъ беззаконіе, со премногою гордынею и уничиженіемъ. Что же на томъ соборищѣ производятъ? Чтутъ пописавши вины оныхъ мужей заочнѣ, яко и Митрополитъ тогда предъ всѣми реклъ: „Подобаетъ, рече, приведеннымъ имъ быти здѣ предъ насъ, да очевистѣ[14] на нихъ клеветы будутъ, и намъ убо сдышати воистинну достоитъ, что они на то отвѣщаютъ.“ И всѣмъ ему добрымъ согласующе такоже рекшимъ; губительнѣйшіе же ласкатеди вкупѣ со Царемъ возопиша: „Не подобаетъ, рече, о Епискупе! Понеже вѣдомые сіи злодѣи и чаровницы велицы, очаруютъ Царя, и насъ погубятъ, аще пріидутъ!“ И тако осудиша ихъ заочнѣ. О смѣху достойное, паче же бѣды исполненное, осужденіе[15] прельщеннаго отъ ласкателей Царя!…

Заточенъ бываетъ отъ него Селивестръ Презвитеръ, Исповѣдникъ его, ажъ на островъ, иже на Студеномъ морѣ, въ монастырь Соловецкій, [105]край Корелска языка, въ Лопи дикой лежащь.107) А Алексѣй[16] отгоняется отъ очей его, безъ суда, въ нововзятый градъ отъ насъ, Феллинъ, и тамо Антипатъ[17] бываетъ на мало время.108) Егда же услышали презлые, иже и тамо Богъ помогаетъ ему: понеже не мало градовъ Лифляндскихъ, еще не взятыхъ, хотяще поддатись ему, его ради доброты, ибо, и въ бѣдѣ[18] будуще положенъ, служаше Царю своему вѣрнѣ; онижъ паки клеветы къ клеветамъ, шептаніе къ шептанію, лжесшиваніе ко лжесшиваніямъ Цареви прилагаютъ, на мужа онаго и праведнаго и добраго. И абіе повелѣлъ оттуду свести въ Дерптъ и держанъ быти подъ стражею; и по дву мѣсяцѣхъ потомъ, въ недугъ огненный[19] впалъ: исповѣдався и взявъ святыя Христа Бога нашего тайны, къ Нему отъиде.109) Егдажъ о смерти его услышавше, клеветницы возопиша Цареви: „се твой измѣнникъ самъ себѣ задалъ ядъ смертоносный и умре.“[20]

А той Селивестръ Презвитеръ, еже прежъ, даже не изгнанъ былъ, видѣвъ его, иже не по Бозѣ всякія вещи начинаетъ, прѣтивъ ему и наказуя много, да во страсѣ Божіи пребываетъ и въ воздержанію жительствуетъ, и иными множайшими словесы Божественными поучая и наказуя много, — онъ же [106]отнюдь того не внимаше и ко ласкателемъ умъ свой и уши приклонилъ: разсмотрѣвъ же вся сія Презвитеръ, иже уже лице свое отъ него отвратилъ, отшелъ бысть въ монастырь, сто миль отъ Москвы лежащь, и тамо во мнишествѣ будуще, нарочитое и чистое свое жительство препровожалъ. Клеветницы жъ, слышавше, иже тамо въ чести имѣютъ оные Мниси его, сего ради, завистію разсѣдаеми,[21] ово завидяще мужу славы, ово боящеся, да не услышитъ Царь о семъ и паки да не возвратитъ его къ себѣ, и да не обличатся ихъ неправды и превращеніе судовъ, и много-взимательные, любимыя издавна обыкновенія ихъ, посулы, и новоначалныя піянства и нечистоты паки да не пресѣкутся отъ оного свѣтлаго:[22] и оттуды похватиша его и заведоша на Соловки, яже прежъ рѣхомъ, идѣже бы и слухъ его не обрѣлся, похваляющись, аки бы то соборнѣ осудиша его, мужа нарочитаго и готоваго отвѣщати на клеветы.

Гдѣ таковъ судъ слышанъ подъ солнцемъ, безъ очевистнаго вѣщанія? Яко и Златоустый пишетъ во эпистоліи свой ко Иннокентію, Папѣ Римскому, нарекающе на Ѳеофила и на Царицу и на все[23] соборище его о неправедномъ изгнаніи своемъ, емужъ начало: „Первѣе, нежели отданы[24] суть эпистоліи наши, мню,[25] благочестіе твое слышавше, яковый здѣ мятежъ творити дерзнула неправда;“ и паки при концѣ въ той же:[26] „и [107]аще противники обрѣли, иже такъ презрѣніе[27] сосотворили, и аще замышляютъ ложныя клеветы, понеже насъ безвиннѣ изгнали, не давше намъ а ни преписей, а ни книжецъ, а ни объявивши[28] клеветниковъ имѣти и оброняти,[29] и мы на судъ[30] будемъ и покажемъ оныхъ самихъ, а не насъ, быти винными, что на насъ воскладаютъ: понеже неповинны есмы. И сопротивъ еже они сотворили? сопротивъ всѣмъ правиломъ, сопротивъ всѣмъ церковнымъ канономъ; — и что глаголю канономъ церковнымъ? а не въ поганскихъ судѣхъ, а ни въ варварскихъ престолѣхъ таковыя когда случились; а ни Скиѳы, а ни Сармацы[31] когда судили судъ повелѣти единой сторонѣ заочнѣ на оклеветанныхъ,“ и прочія, тѣмъ подобныя, яко въ томъ его посланіи лучше, читаючи, разсмотрится. Се соборный Царя нашего Христіанскаго таковъ судъ! се декретъ,[32] знаменитѣ произведенъ отъ вселукаваго сонмища ласкателей, грядущимъ родомъ на срамоту вѣчныя памяти и уничиженіе Русскому языку! понеже у нихъ въ землѣ уродилися таковые лукавые, презлые, ехиднины[33] отроды, иже у матери своей чрево прогрызли, сирѣчь земли Святорусскія, яже породила ихъ и воспитала, воистинну на свою бѣду и спустошеніе....

Чтожъ, по сихъ, за плодъ[34] отъ преславныхъ ласкателей, пачежъ презлыхъ губителей, [108]возрастаетъ? и во что вещи обращаются? и что Царь отъ нихъ пріобрѣтаетъ и получаетъ? Абіе съ ними діаволъ[35] умышляетъ первый входъ ко злости, сопротивъ узкаго и мѣрнаго пути Христова, по пространному[36] и широкому пути свободное хожденіе. А якожъ сіе начинаютъ и како Царева[37] житія прежнюю мѣрность[38] раззоряютъ, еже нарицали неволею обвязанна? Начинаютъ пиры частые со многими піянствы, отъ нихъ же всякія нечистоты родятся. И что еще къ тому прилагаютъ? чаши великія, воистинну діаволу обѣщанныя, и чаши таковыя, положивши въ нихъ зѣло пьянаго питья, и совѣтуютъ первую Цареви выпити, потомъ всѣмъ сущимъ пирующимъ съ нимъ: и аще ли тѣми до обумертвія,[39] пачежъ до неистовства, не упіются, они другія и третьи прилагаютъ, и не хотящихъ ихъ пити и таковая беззаконія творити заклинаютъ со великими прещеньми; Цареви же вопіютъ: „Се! рече, онъ сице, и онъ сице (имя рекше), не хощетъ на твоемъ пиру веселъ быти, подобно тебя и насъ осуждаетъ и насмѣваетъ, аки пьяницъ, являющь праведный лицемѣріемъ! И подобно твои суть недоброхоты, иже съ тобою не согласуютъ и тебя не слушаютъ, и еще Селивестровъ или Алексѣевъ духъ, (сирѣчь обычай), не вышелъ изъ нихъ!“ И иными словесы бѣсовскими множайшими, нежели тѣхъ, многихъ трезвыхъ мужей [109]и мѣрныхъ[40] во жительствѣ добромъ и во нравѣхъ наругаютъ и посрамощаютъ,[41] льюще на нихъ чаши оныя проклятыя, ими же не хотяще упиватися, або отнюдъ не могуще, и къ тому имъ смертьми и различными муками претяще, яко и мало послѣди, многихъ того ради погубиша.... О! воистинну новое идолослуженіе, и обѣщаніе и приношеніе не болвану Аполлонову и прочимъ, но самому Сатанѣ и бѣсомъ его, не жертвы воловъ и козловъ приношаще, влекомыя насиліемъ на заколеніе, но самыя души свои и тѣлеса самовластною волею, сребролюбія ради и славы міра сего, ослѣпше, сіе творяще!.. И сице первѣе Царское честное и воздержальное жительство раззоряютъ, презлые и окаянные!

Се, Царю! получилъ еси отъ шепчущихъ ти во уши любимыхъ твоихъ ласкателей: вмѣсто святаго поста твоего и воздержанія прежняго, піянство губительное со обѣщанными діаволамъ[42] чашами; и вмѣсто цѣдомудреннаго и святаго жительства твоего, нечистоты, всякихъ сквернъ исполненныя; вмѣстожъ крѣпости и суда твоего Царскаго, на лютость и безчеловѣчіе подвигоша тя; вмѣстожъ молитвъ тихихъ и кроткихъ, ими же ко Богу твоему бесѣдовалъ еси, лѣности и долгому спанію научиша тя, и по снѣ зіянію,[43] главоболію съ похмѣлья и другимъ злостямъ неизмѣрнымъ и неисповѣдимымъ. А еже возхваляша тя, и возношаша и глаголаша тя Царя велика, непобѣдима и храбра: и воистинну таковъ былъ [110]еси, егда во страсѣ Божіи жительствовалъ. Егдажъ надутъ[44] отъ нихъ и прельщенъ, что получилъ еси? вмѣсто мужества твоего и храбрости, бѣгунъ предъ врагомъ и хороняка…[45] Царь Великій Христіанскій!.. предъ Бусурманскимъ волкомъ,[46] иже прежде предъ нами мѣста не нашелъ и на дикомъ полѣ, бѣгая. А за совѣтомъ любимыхъ твоихъ ласкателей и за молитвами Чудовскаго Левки и прочихъ вселукавыхъ[47] Мниховъ, что добраго и полезнаго и похвальнаго и Богу угоднаго пріобрѣлъ еси? Развѣ спустошеніе земли твоея, ово отъ тебя самого съ Кромѣшники твоими, ово отъ предреченнаго пса Бусурманскаго, — и къ тому злую славу отъ окрестныхъ сусѣдовъ, и проклятіе и нареканіе слезное ото всего народу? И что еще прегоршаго и срамотнѣйшаго и ко слушанію претягчайшаго: самое отечество твое, превеликое мѣсто и многонародное, градъ Москва, во вселенной славный, созженъ и потребленъ со безчисленными народы Христіанскими[48] внезапу....110) О бѣда претягчайшая и ко слышанію жалостная! Али не часъ было образумитися и покаятися къ Богу, яко Манасія, и отклонити волю естественнаго самовластія по естеству ко своему Сотворителю, искупившему насъ наидражайшею[49] кровію своею, нежели то самовластіе со произволеніемъ самовольнымъ покоряти чрезъ естество супостату человѣческому и внимати вѣрнымъ слугамъ его, глаголю, презлымъ ласкателемъ его? [111]

Еще ли ся[50] не разсмотришь, о Царю! къ чему тя привели человѣкоугодниды? и чѣмъ тя сотворили любимые маньяки[51] твои? и яко опровергли и опроказали прежде святую и многоцѣнную,[52] покаяніемъ украшенную, совѣсть души твоей? И аще намъ не вѣришь, нарицающе насъ туне измѣнниками прелукавыми, да прочтетъ Величество твое во словѣ златовѣщательными устами изреченномъ о Иродѣ,[53] ему жъ начало, (днесь намъ Іоанново преподобіе!): „Иродова лютость егда возвѣщалась, смутились внутренныя, сердца вострепетали, зракъ помрачился, разумъ притупился,“ или что твердо въ чувствахъ человѣческихъ, егда погубляетъ добродѣтели ведичество злостей множество, и паки мало пониже:[54] „Достойнѣ[55] убо смущались внутренныя, сердца трепетали: понеже Иродъ осквернилъ Церковь, Іерейство отнялъ,“ (яко ты аще не Іоанна Крестителя, но Филиппа Архіепископа съ другими святыми смутилъ) „чинъ скверно содѣлалъ, Царство сокрушилъ; что было благочестія, что правилъ, что житія, что обычаевъ, что вѣры, что наказанія — погубилъ и смѣсилъ.“ „Иродъ, рече, мучитель гражданъ, воиновъ, разбойникъ, друговъ[56] спустошитель:“ твоего же Величества произобиліе злости! иже не токмо друговъ, но и всея Святорускія земли съ Кромѣшники твоими спустошеніе, домовъ ихъ[57] грабитель и убійца сыновъ.... отъ чего, Боже! сохрани [112]тебя и не попусти тому быти, Господи Царю вѣкомъ!..[58] бо уже и то[59] аки на острею сабли[60] виситъ: Понеже аще не сыновъ, но соплеменныхъ[61] и ближнихъ[62] въ роду братью уже погубилъ еси,111) наполняюще мѣру кровопивцевъ, отца своего и матери твоей и дѣда. Яко отецъ твой и мати, иже всѣмъ вѣдомо, колико погубили: тако жъ и дѣдъ твой, со Гречкою[63] бабою твоею, сына предобраго Іоанна, отъ первыя жены своея, отъ Тверскія Княжны Святыя Маріи рожденна, наимужественнѣйшаго и преславнаго въ богатырскихъ исправленіяхъ,[64] и отъ него рожденнаго, благовѣнчаннаго[65] внука своего, Царя Димитрія, съ матерію его святою Еленою, ового смертоноснымъ ядомъ,112) а того многолѣтнымъ заключеніемъ темничнымъ, послѣдиже удавленіемъ, погубиша, отрекшисъ и забывши любови сродства.113) И не удовлѣвся тѣмъ! Къ тому брата единоутробнаго, Андрея Углицкаго, мужа зѣло разумнаго и мудраго, тяжкими веригами въ темницѣ за малые дни удавилъ, и двухъ сыновъ его, отъ сосецъ матернихъ оторвавши.... о умиленно ко услышанію и тяжко ко изреченію! человѣческая злостъ въ толикую презлостъ провозрастаема, пачежъ отъ Христіанскихъ начальниковъ!.. многолѣтнымъ заключеніемъ темничнымъ нещадно поморилъ.114) Князя Симеона жъ, глаголемаго Ряполовскаго, мужа зѣло пресильнаго и разумнаго, влекомаго отъ роду Владиміра, главнымъ [113]посѣченіемъ убилъ.115) И другихъ братію свою, ближнихъ ему въ роду, овыхъ разогналъ до чуждыхъ земель, яко Верейскаго Михаила и Василія Ярославича116) а другихъ, во отроческомъ вѣку еще сущихъ, такоже темничнымъ[66] заключеніемъ, на скверной и проклятой завѣтной грамотѣ… о увы! о бѣда! ко слышанію тяжко!… заклинающе сына своего Василья, повелѣлъ неповинныхъ погубити неотрочнѣ.[67] Такожъ сотворили и инымъ многимъ, ихъ же, долготы ради писанія, здѣ оставляется. Ко предреченному Златоустову возвращаюся, о Иродѣ пишущу: „окрестныхъ, рече, мужей убійца, напаяюще землю кровію, въ жаждѣ[68] крове содержался.“ Сія Златоустый о Иродѣ во словѣ своемъ рече, и прочее.

О Царю! прежде зѣло любимый отъ насъ! не хотѣлъ бы малыя сея части презлости твоей изрещи; но преодоленъ быхъ и принужденъ любовію Христа моего и ревностію любви распаляхся по мученицѣхъ, отъ тебя избіенныхъ неповиннѣ, братьяхъ нашихъ. Яко и отъ тебя самого не токмо слышахъ, но и видѣхъ и дѣломъ исполняемо, и о семъ, еще аки хвалющесь, глаголалъ еси: „Азъ, рече, избіенныхъ отъ отца и дѣда моего одѣваю гробы ихъ драгоцѣнными аксамиты[69] и украшаю раки неповиннѣ избіенныхъ праведныхъ“ (се! Господне слово сбылось на тебя, къ Жидамъ реченное: А сего ради, рече, согласуете и соблаговоляете, наполняюще мѣру, дѣлы презлыми, убивство презлости отцевъ вашихъ, и показуете сами себя, [114]сирѣчь свидѣтельствуете сами о себѣ, иже есте сынове убійцевь исповѣдающесь):[70] а отъ тебя и отъ твоихъ Кромѣшниковъ, твоимъ повелѣніемъ, безчисленныхъ убіенныхъ мучениковъ, кто будетъ украшати гробы и позлащати раки ихъ? О! воистинну смѣху достойно, со многимъ плачемъ смѣшенному,[71] и непотребно сіе отнюдь, аще бы было то отъ сыновъ твоихъ дѣйствуемо, которые бы хотѣли, отъ чего Боже сохрани, мѣру твою сохраняти.[72] Но яко, а ни Богъ, а ни тѣ избіенные отъ человѣкоубійцевъ древнихъ, того не желали, иже бы неповиннѣ избіенни были, такъ и отъ сыновъ, произволеніемъ злымъ согласующихъ отцемъ своимъ, не желаютъ сего по смерти, не токмо гробомъ и ракамъ украшаемымъ и позлащаемымъ быти; но и самимъ величаемымъ и похваляемымъ: но праведные отъ праведныхъ, мученики отъ кроткихъ и по закону Божію жительствующихъ, похваляеми и почитаеми быти достоятъ.

А сему уже и конецъ положимъ:[73] понеже и сіе краткое сего ради произволихомъ написати, да не отнюдь въ забвеніе придутъ: ибо того ради славныя и нарочитыя исправленія великихъ мужей отъ мудрыхъ человѣковъ Исторіями описашася, да ревнуютъ имъ грядущіе роды: а презлыхъ и лукавыхъ пагубныя и скверныя дѣла того ради написаны, иже бы стреглись и соблюдались отъ нихъ человѣцы,, яко отъ [115]смертоносныхъ ядовъ, или повѣтрія, не токмо тѣлеснаго, но и душевнаго. Такожъ и мы вкратцѣ написахомъ малую часть, яко прежде многажды рѣхомъ, все оставляюще Божію суду нелицепріятному, хотящему воздати и сокрушити главы враговь своихъ, ажъ и до власъ приходящихъ во прегрѣшеніяхь своихъ,[74] сирѣчь: отомститъ и наималѣйшую обиду убогихъ своихъ отъ пресильныхъ; и паки той же: озлобленія ради нищихъ и воздыханія убогихъ, нынѣ воскресну, глаголетъ Господь: положуся во спасеніе и не обинюся о немъ;[75] яко индѣ тѣмъ же Пророкомъ реклъ: помыслилъ еси, рече: беззаконіе, аки былъ бы тебѣ подобенъ; обличю тя и поставлю предъ лицемь твоимь грѣхи твоя;[76] аки бы реклъ: аще не покаетеся о неправдахъ своихъ и о обидахъ убогихъ Закхеевымъ покаяніемъ. А къ тому до наилѣпшей памяти тамо живущимъ оставлю: понеже азъ, еще во среду бѣды тое презѣльныя, отъидохъ отъ отечества моего; а уже и тогда видѣннаго и слышаннаго о таковыхъ злостяхъ и гоненіяхъ, не моглъ бы на цѣлую книгу написати, яко вмалѣ и вкратцѣ воспомянухъ о семъ въ предисловію, отъ насъ написанномъ на книгу словесъ Златоустовыхъ, глаголемую Новый Маргаритъ, емужъ начало: „Въ лѣто осмыя тысячи, вѣку звѣринаго, яко глаголетъ во святой Апокалипсіи,“[77] и прочее. Но достоитъ ми убіенныхъ оныхъ безъ правды благородныхъ и свѣтлыхъ мужей, свѣтлыхъ, глаголю, не токмо въ родѣхъ, но и въ обычаяхъ, воспомянути, колико [116]память ми снесетъ,[78] паче же благодать Святаго Духа подастъ, уже во старости немощнымъ тѣломъ сущу, бывшу ми паче же бѣдами и напастьми отъ ту живущихъ человѣковъ всякими ненавистьми объяту. Аще что и забудетется, да оставится ми, молю, отъ острозрительныхъ въ разумѣ, и въ памяти должайшей и неутружденной сущихъ. Се уже по возможности моей начну исчитати имена благородныхъ мужей и юношъ, паче же, (достоитъ со дерзновеніемъ нарицати ихъ), страдальцевъ и новыхъ мучениковъ, неповинныхъ сущихъ[79] избіенныхъ.

Примѣчанія править

  1. ↑ Въ Р. обратился; въ П. на полѣ: начало злому.
  2. ↑ Въ Э. хитроплетствы.
  3. ↑ Въ Р. на полѣ: смертнносны.
  4. ↑ Въ Э. сіи коварницы (клевета).
  5. ↑ Такъ въ проч. сп. въ П. владити.
  6. ↑ Въ Б. вѣруемъ (повѣрилъ).
  7. ↑ Такъ въ Р. К. и Э.; въ П. и Б. приступишъ.
  8. ↑ Связь, цѣпь.
  9. ↑ Въ Р. глаголомъ.
  10. ↑ Въ Э. изъ среды; въ Б. и посреди.
  11. ↑ Въ Э. привѣтными.
  12. ↑ Въ Р. на полѣ: клятвами.
  13. ↑ Въ П. одномъ послѣ слова своихъ: Зѣло достойно здѣ вкратцѣ рещи Римскую древнюю пословицу, въ презломъ и въ прелукавомъ Котелинѣ реченную ихъ языкомъ: понеже такова Царя нашего учинили ласкатели и таковъ стался, сирѣчь въ Русскую бѣду, рекше вѣчный и всегдашній врагъ или непріятелъ пріятелсй своихъ.
  14. ↑ Въ Э. очевидые.
  15. ↑ Такъ въ пр. сп. въ П. усажденіе.
  16. ↑ Въ Э. прибавл. Адашевъ.
  17. ↑ Въ Р. Анѳипадъ (намѣстникъ).
  18. ↑ Въ Э. гнѣвѣ.
  19. ↑ Горячка.
  20. ↑ Въ П. въ текстѣ, въ Р. и К. въ примѣчаніи: Зри здѣ исполнено Златоустомъ реченное, яко онъ индѣ глаголетъ, иже всѣ страсти и злости человѣческія житіемъ разрушаются, а зависть и ненависть и по смерти не угасаетъ, яко и на самого Христа нашего отъ богоборныхъ Іудеевъ, ведущихъ лжесшівіе по премногому лукавству ихъ, учаще воиновъ лгати: „рцыте, рече, яко намъ спящимъ украдоша его ученицы“ и прочее; и промчеся то слово между ими и по се время; такожде и между тѣми нечестивыми промчесь лгальство ихъ, аки бм святый, истою смертію отшедшій, самъ собѣ ядъ задалъ.
  21. ↑ Разсѣдаться — треснуть.
  22. ↑ Въ проч. спис. святаго.
  23. ↑ Въ Р. и на наше.
  24. ↑ Въ Р. отдати.
  25. ↑ Въ Б. леню.
  26. ↑ Т. е. эпистоліи.
  27. ↑ Въ Р. презлѣ.
  28. ↑ Въ Б. объявится; въ Э. объявиша.
  29. ↑ Въ Э. оборонити.
  30. ↑ Изъ Э. въ Б. мыслить; въ Р. мы судъ; въ П. и мы суть.
  31. ↑ Въ Б. Самарцы; въ Р. Всармацы; въ Б. Сарманцы.
  32. ↑ Въ П. и Б. на полѣ: осужденіе (приговоръ).
  33. ↑ Въ Б. эхитнины; въ Э. эхидныя.
  34. ↑ Въ П. и Р. и К. закладъ; въ Б. за плодъ.
  35. ↑ Въ Б. на полѣ: съ тобою, проклятый! діаволъ; а мы сынове Божіи.
  36. ↑ Изъ Р; въ П. Б. и Э.; по преславномъ.
  37. ↑ Въ Э. и тако; Царева; въ П. и како Царства; въ проч. и како Царева.
  38. ↑ Въ Р. и П. на полѣ: цѣломудріе.
  39. ↑ Въ Р. да убумертвія; въ Э. дьявольскими до умертвія; въ Б. да алибо умертвія (до обморока).
  40. ↑ Въ Э. многихъ (умѣренныхъ).
  41. ↑ Осрамляютъ.
  42. ↑ Въ Р. и Б. діаволами; въ Э. діаволамъ.
  43. ↑ Въ Э. степанію.
  44. ↑ Въ Р. найдутъ.
  45. ↑ Трусъ.
  46. ↑ Въ Э. вонскомъ и алоснымъ волкомъ.
  47. ↑ Въ Р. и Э. всѣхъ лукавыхъ.
  48. ↑ Въ Б. Христіанъ съ ними.
  49. ↑ Въ Б. надражайшаго; въ Р. надражайшему; въ Э. предражайшею.
  50. ↑ Такъ въ проч. списк. въ П. ащели ша.
  51. ↑ Въ Б. маянки; въ Р. магьяки; на полѣ: ласкатели, похлѣбники (безумцы).
  52. ↑ Въ Б. и Р. много-денную; въ Э. драгоцѣнную.
  53. ↑ Въ Б. сирѣчь.
  54. ↑ Въ Б. понеже.
  55. ↑ Въ Б. достойніе.
  56. ↑ Въ Э. недруговъ.
  57. ↑ Въ Б. домовыхъ.
  58. ↑ Въ Р. и Э. вѣковъ.
  59. ↑ Въ Б. кто.
  60. ↑ Въ Э. меча.
  61. ↑ Въ Б. сопленныхъ.
  62. ↑ Въ Б. и ближе.
  63. ↑ Въ Э. Греческою.
  64. ↑ Въ Э. устроеніяхъ.
  65. ↑ Въ Р. и Э. боговѣнчаннаго.
  66. ↑ Въ Р. темничныхъ.
  67. ↑ Въ Р. но отрочіе; въ Э. на отрочне.
  68. ↑ Въ Б. вражде.
  69. ↑ Въ Р. искомиты (бархатомъ).
  70. ↑ Еванг. Матѳ. гл. 23.
  71. ↑ Въ Б. смѣшенныхъ; въ Р. смешеннымъ.
  72. ↑ Въ Р. наполняти.
  73. ↑ Въ Р. положили; въ Э. положилъ.
  74. ↑ Псал. 67.
  75. ↑ Псал. 11.
  76. ↑ Псал. 49.
  77. ↑ Апок. гл. 17.
  78. ↑ Въ Э. придетъ.
  79. ↑ Въ Р. сицыхъ.
Источник — https://ru.wikisource.org/w/index.php?title=Сказания_князя_Курбского._Часть_I/1833_(ДО)/Начало_злу&oldid=3538709