Викитека

Сказания князя Курбского. Часть I/1833 (ДО)/О побиении княжеских родов

< Сказания князя Курбского. Часть I/1833 (ДО)

[117]

ГЛАВА VI.
О ПОБІЕНІИ КНЯЖЕСКИХЪ РОДОВЪ.
1560—1573.
Неслыханное гоненіе. Первыя казни: друзья и родственники Адашевы. Гибель Князей: Д. Овчинина, М. Рѣпнина, Ю. и И. Кашиныхъ, Д. Шовырева, Д. Курлетева съ семействомъ, П. Оболенскаго-Серебрянаго, А. Ярославова; В. Курлетева, А. Горбатаго-Суздальскаго съ сыномъ, П. и М. Ховриныхъ, Д. Ряполовскаго, С. А. и В. Ростовскихъ, В. Темкина съ сыномъ, П. Щенятева съ братомъ его, Ѳ. Львова, И. Шаховскаго, В. А. и М. Прозоровскихъ, И. Пронскаго, В. Рыбина, Царскаго брата Князя Владиміра, съ матерью, женою и двумя младенцами, Н. Одоевскаго и Михаила Воротынскаго.

Скоро по Алексѣевѣ смерти и по Селивестровѣ изгнанію, воскурилось гоненіе великое, и пожаръ лютости въ землѣ Русской возгорѣлся; и гоненіе воистинну таковое неслыханное не токмо въ Русской землѣ никогда же бывало, а ни у древнихъ поганскихъ Царей: бо и при нечестивыхъ мучителѣхъ[1] Христіане, исповѣдающіе вѣровати Христу и богомъ поганскимъ ругающіеся, имаемы и мучими были, а неисповѣдающихъ и крыемыхъ[2] внутрь себя вѣру, аще и ту стоящихъ, аще и знаемыхъ, аще и братію и сродниковъ, не имано, а ни мучено. А нашъ [118]новоявленный[3] звѣрь первѣе началъ сродниковъ Алексѣевыхъ и Селивестровыхъ писати имена, и не токмо сродныхъ, но о комъ послышалъ отъ тѣхъ же клеветниковъ своихъ, и друзей и сосѣдовъ знаемыхъ, аще и мало знаемыхъ, многихъ же отнюдь и не знаемыхъ, ихъ богатствъ ради и стяжанія, оклеветаемо отъ тѣхъ, многихъ имати повелѣлъ и мучити различиыми муками, а другихъ множайшихъ отъ имѣній ихъ и домовъ изгоняти въ дальные грады. А про чтожъ тѣхъ мучилъ неповинныхъ? Про то: понеже земля возопіяла о тѣхъ праведныхъ въ неповинномъ изгнанію, нарекающе и кленуще тѣхъ предреченныхъ[4] ласкателей, соблазнившихъ Царя: онъ же вкупѣ съ ними, ово аки оправдаяся предо всѣми, ово яко стрегущесь чаровства, не вѣмъ якого, мучити повелѣлъ оныхъ, не единаго, ни дву, но народъ цѣлъ[5], ихъ же именъ, тѣхъ неповинныхъ, яже въ тѣхъ мукахъ помроша, множества ради исписати невозможно.

Тогда-то убіенна Марія преподобная, нарицаемая Магдадина, съ пятьми сынами своими: понеже была родомъ Ляховица[6], потомъ исправилась въ правовѣріе, и была великая и превосходная постница, многажды въ годъ единаго въ седмицу вкушающи, и такъ во святомъ вдовствѣ провозсіявшая, яко на преподобномъ тѣлѣ ея носити ей вериги тяжкія желѣзныя, тѣло порабощающе, [119]да духу покоритъ его; и прочихъ святыхъ дѣлъ ея и добродѣтелей исписати тамо живущимъ оставляю. Оклеветана же предъ Царемъ, аки бы то была чаровница и Алексѣева согласница, того ради ее погубити повелѣлъ и со чады ея, и многихъ съ нею:117) понеже той былъ Алексѣй[7] не токмо самъ добродѣтеленъ, но и другъ и причастникъ, яко Давидъ рече, всѣмъ боящимся Господа и сообщникь всѣмь хранящимъ заповѣди его, и колько десять имѣлъ прокаженныхъ въ дому своемъ, тайнѣ питающе и обмывающе ихъ, многаждыжъ самъ руками своими гной ихъ отирающе.

И тогдажъ убіенъ въ томъ гоненію единъ мужъ Іоаннъ, нареченный Шишкинъ, со женою и съ дѣтками: сродникъ былъ Алекеѣевъ и мужъ воистинну праведный и зѣло разумный, въ родѣ благороденъ и богатъ. Потомъ по лѣтѣхъ[8] двухъ, або трехъ, убіении благородніе мужіе: Данило, братъ единоутробный Алексѣевъ, и съ сыномъ Тархомъ[9], иже былъ еще во младенческомъ вѣку, лѣтъ аки двунадесяти,118) и тесть Данила онаго, Петръ Туровъ, и Ѳеодоръ, и Алексѣй и Андрей Сатины, ихъ же была сестра за Алексѣемъ предречениымъ, и другихъ съ ними119). А Петру оному, аки за мѣсяцъ предъ смертію, видѣніе Божественное дивное явилось, проповѣдающе смерть мученическую,[10] (онъ же мнѣ самъ исповѣдалъ), которое ту, краткости ради писанія, оставляю. [120]

Паки[11] убитъ отъ него тогда Князъ Дмитрій Овчининъ, его же отецъ здѣ много лѣтъ страдалъ за него и умре ту.120) Сіе выслужилъ на сына! бо еще во юношескомъ вѣку, аки лѣтъ двадесяти или мало болѣ, закланъ[12] отъ самого его[13] руки.121)

Тогда же убіенъ отъ него Князь Михайло, глаголемый Рѣпнинъ, уже въ Сигклитскомъ сану сущь. А за чтожъ убіенъ и за якую вину? Началъ пити, съ нѣкоторыми любимыми ласкатели своими, оными предреченными великими, обѣщанными діаволу, чашами, идѣже и онъ по прилучаю призванъ былъ: хотяще бо его тѣмъ аки въ дружбу себѣ присвоити, и упившись началъ со скоморохами[14] въ машкарахъ[15] плясати, и сущіе пирующіе съ нимъ; — видѣвъ же сіе безчиніе, онъ мужъ нарочитый и благородный началъ плакати и глаголати ему: „иже не достоитъ ти, о Царю Христіанскій! таковыхъ творити.“ Онъ же началъ нудити его, глаголюще: „веселись и играй съ нами,“ — и взявши машкару[16] класти началъ на лице его; онъ же отверже ю[17] и потопталъ, и рече: „не буди ми се безуміе и безчиніе[18] сотворити, въ Совѣтническомъ чину сущу мужу!“ Царь же, ярости исполнився, отогналъ его отъ очей своихъ, и по коликихъ дняхъ потомъ, въ день недѣльный, на всенощномъ бдѣнію стоящу [121]ему въ церкви, въ часъ чтенія Евангельскаго, повелѣлъ воинамъ безчеловѣчнымъ и лютымъ заклати его,1565. близу самаго олтаря стояща, аки агнца Божія неповиннаго.122) И тое же нощи убити повелѣлъ Сигклита своего Князя Юрья глаголемаго Кашина, такоже ко церкви грядуща на молитву утреннюю; и закланъ на самомъ празѣ церковномъ, и наполниша помостъ церковный весь кровію его святою.123)

Потомъ убіенъ того Юрья братъ, Князь Іоаннъ. А сродникъ ихъ Князь Дмитрій, глаголемый Шовыревъ, на колъ посаженъ; и глаголютъ, его день быти жива, и аки не чювши[19] муки тоя лютыя, на колѣ, яко на престолѣ сѣдящь, воспѣвалъ канонъ изо устъ Господу нашему Іисусу Христу, а другій канонъ благодарственный Пречистой Богородицѣ,[20] съ ними же вкупѣ правило немалое, глаголемое акаѳистъ, еже въ немъ замыкается все плотское Божіе смотрѣніе: и по окончанію пѣнія онаго, духъ святый[21] предалъ Господеви.124) И тогда же и другихъ Княжатъ немало того же роду побито; а стрыя[22] тѣхъ Княжатъ Дмитрія, глаголемаго Курлетева, постричи во Мнихи1563. повелѣ.... неслыханное беззаконіе!… силою повелѣ всероднѣ,[23] сирѣчь со женою и съ ссущими малыми дѣтками, плачющихъ, вопіющихъ. А по коликихъ[24] лѣтѣхъ, подавлено ихъ [122]всѣхъ. А сей былъ Князъ Дмитрій мужъ совершенный и нарочитый въ разумѣ Сигклитъ,[25] избранный въ родѣ.125)

Потомъ убіенъ отъ него Петръ Оболенскій,1570. глаголемый Сребряный, Сигклитскимъ саномъ украшенъ и мужъ нарочитъ въ воинствѣ и богатъ.126) ГІотомъ того же роду Княжатъ побіено: Александра Ярославова[26] и Князя Владиміра Курлетева, сыновца[27] онаго Дмитрія;127) и были тѣ оба, паче же Александръ, мужіе воистинну Ангеломъ подобные жительствомъ и разумомъ: бо были такъ искусны въ книжномъ разумѣ православныхъ догматъ, иже всѣ священныя писанія во устахъ имѣли; къ тому и въ военныхъ дѣлѣхъ свѣтлы и нарочиты, по роду[28] влекомы отъ Великаго Владиміра, отъ пленицы[29] Великаго Князя Михаила Черниговскаго, яже убіенъ отъ безбожнаго Батыя за то, иже боги его насмѣвалъ и Христа Бога предъ мучителемъ, такъ сильнымъ и грознымъ, со дерзновеніемъ проповѣдалъ… Но и тѣ сродницы его, кровію вѣнчавшіеся, приложени суть,[30] пострадавшіе неповиннѣ, къ пострадавшему за Христа, и преставлени мученики къ мученику.

Тогда же убіенъ1566. отъ него Княжа Суздальское Александръ, глаголемый Горбатый, со единочаднымъ своимъ сыномъ Петромъ,[31] въ цвѣтѣ возраста, аки въ седминадесяти лѣтѣхъ. И тогожъ [123]дня убіенъ съ нимъ шуринъ его Петръ Ховринъ, мужъ Грецкаго роду, зѣло благороднаго[32] и богатаго, сынъ Подскарбія Земскаго; а потомъ и братъ его Михаилъ Петровичъ.128) О томъ то Александрѣ Горбатомъ воспомянухъ, пишучи повѣсть о взятью Казанскомъ: бо тѣ Княжата Суздальскіе влекомы отъ роду Великаго Владиміра, и была на нихъ власть старшая[33] Русская, между всѣми Княжаты, болѣе дву сотъ лѣтъ, и владѣлъ отъ нихъ единъ Андрей, Княжа Суздальское Волгою рѣкою, ажъ до моря Каспійскаго; тѣхъ же то былъ Княжатъ Суздальскихъ сродичъ,[34] Нижняго Новагорода отчичь, славный богатырь[35] въ земляхъ Русскихъ, Князь Янъ Тугой-Лукъ:[36] аще бы о немъ по ряду воспомянути, была бы цѣлая[37] повѣсть рыцарства его;129) отъ него же, памятамись, и Великіе Княжата Тверскіе изыдоша, яко лучше о семъ знаменуетъ въ лѣтописной книгѣ Русской.130) Но и той былъ, новоубіенный Александръ, мужъ глубокаго разума и искусный зѣло въ военныхъ вещахъ, и къ тому послѣдователь тщаливый[38] Священныхъ писаній, яко и при самой смерти ихъ радостны и надежны быша, и неповиннѣ отъ него посѣчени, яко агнцы Бога живаго. И глаголютъ о нихъ при томъ бывшіе и на то зрящіе: егда уже приведены къ самому посѣщенію,[39] тогда, глаголютъ, сына его, первѣе со потщаніемъ приклонивша выю къ мечу,[40] отецъ [124]же возбранивъ ему и рече: „О чадо превозлюбленное и единородный сыне мой! да не узрятъ очи мои отсѣченія[41] главы твоея!“ И первѣе самъ Княжа усѣченъ: младенецъ же оный храбрый, взявъ мученическую честную главу отца своего, и поцѣловавъ и возрѣвъ на ню, рече: „Благодарю тя, о Царю вѣкомъ, Іисусе Христе Боже нашъ, царствующій со Отцемъ и со Святымъ Духомъ! жже сподобилъ еси насъ неповиннымъ, убіеннымъ быти, яко и самъ отъ Богоборныхъ Жидовъ закланъ еси, неповинный агнче! А сего ради пріими души наша въ живодательныя руцѣ твои, Господи!“ И сіе изрекши, приклонився подъ оскордъ[42] ко усѣченію главы своея святыя.... Съ таковымъ упованіемъ и со многою вѣрою ко Христу своему отойдоша.131)

Тогда, въ тѣ же лѣта,1566. або предъ тѣмъ еще мало, убитъ, за повелѣніемъ его, Княжа Ряполовское[43] Дмитрій, мужъ въ разумѣ многъ и зѣло храбръ, искусенъ[44] же и свидѣтельствованъ отъ младости своей въ ботатырскихъ вещахъ: бо не мало, яко всѣмъ тамо вѣдомо, выигралъ битвъ надъ безбожными Измаильтяны, ажъ на дикое поле[45] за ними далеко ходяще. Се выслужилъ! Главою заплатилъ; отъ жены и дѣтокъ оторвать и внезапу смерти предати повелѣлъ.132) Паки побіени отъ него того же лѣта1567. Княжата Ростовскіе Семенъ, Андрей и Василій и друзіи съ ними.133) Паки потомъ тѣхъ же Княжатъ Ростовскихъ, иже [125]и здѣсь страдалъ за него, Василій Темкинъ и со сыномъ своимъ разсѣканы отъ Кромѣшниковъ его, катовъ[46] избранныхъ, за повелѣніемъ его.134)

Паки убіенъ Княжа Петръ,1568. глаголемый Щенятевъ, внукъ Княжати Литовскаго Патрикія: мужъ зѣло благородный былъ и богатый, и оставя все богатство и многое стяжаніе, мнишествовати былъ произволилъ, и нестяжательное, Христоподражательное жительство возлюбилъ; но и тамо Мучитель мучити его повелѣ, на желѣзной сковрадѣ огнемъ разженной[47] жещи и за ногти иглы бити. И въ сицевыхъ мукахъ скончался.135) Тако же и единоколѣнныхъ братію его, Петра, Іоанна, Княжатъ нарочитыхъ, погубилъ.

Въ тѣ же лѣта побиты братья мои Княжата Ярославскіе, влекомые отъ роду Княжати Смоленскаго, святаго Ѳеодора Ростиславича, правнука Великаго Владиміра Мономаха;136) имена ихъ были: Князь Ѳеодоръ Львовъ, мужъ зѣло храбрый и святаго жительства, и отъ младости своей, ажъ до четыредесятнаго лѣта, служилъ ему вѣрнѣ, многажды надъ поганскими языки свѣтлыя одолѣнія поставлялъ, крововяще руку свою, паче же освящающе во крови Бусурманской сущихъ враговъ креста Христова. Другаго Князя Ѳеодора, внука славнаго Князя Ѳеодора Романовича, иже прадѣду того Царя, губителя нашего, въ Ордѣ[48] будучи, даже еще въ неволѣ были Княжата Русскіе у Ординскаго Царя и отъ его [126]руки власти пріимовали, потомъ, за его попеченіемъ, на Царство свое возведенъ бысть137).... Се такъ службы и доброхотствованія прародителей нашихъ ко своимъ прародителемъ воспомянулъ и заплатилъ! Княжата наши Ярославскіе никогдаже отъ его прародителей не бывали отступпи въ бѣдахъ и въ напастехъ ихъ[49], яко вѣрные и доброхотные братія, сущіе по роду влекомы отъ единаго славнаго и блаженнаго Владиміра Мономаха. За тѣмъ-то Княземъ Ѳеодоромъ была сестра его за двухъ рожденная,[50] дщи Князя Михаила Глинскаго, славкаго рыцаря, его же погубила неповиннѣ мати его, сущаго стрыя своего, обличающа ее за беззаконіе.138) Тако же и другихъ тое же пленицы Княжатъ не мало погубилъ: единаго отъ нихъ своею рукою булавою на смерть убилъ на Невлѣ мѣстѣ,[51] идучи къ Полоцку, реченнаго Іоанна Шаховскаго; и потомъ Василья, Алексаидра и Михаила Княжатъ, глаголемыхъ Прозоровскихъ, и другихъ Княжатъ того же роду, Ушатыхъ нареченныхъ, сродныхъ братій ихъ сущихъ, тѣхъ же Княжатъ Ярославскихъ роду, погубилъ всероднѣ: понеже имѣли отчины великія, мню, негли[52] изъ того ихъ погуби[?]ъ[53]. Потомъ Іоанна Княжа Пронское, отъ роду Великихъ Князей Рязанскихъ, мужа престарѣвшагося уже во днехъ, и отъ младости его служаща не токмо ему, еще и отцу его много лѣтъ, многажды Гетманомъ Великимъ бывша и [127]Сигклитскимъ саномъ почтеннаго, (посдѣдиже мнишество возлюбидъ и въ монастырѣ единомъ остриже власы и отрекшися всея суеты міра сего, Христа своего ради), — онъ же такъ мужа престарѣвшаго во днехъ мнозѣхъ и во старости мастистѣй отъ чреды спасенныя[54] извлече и въ рѣцѣ утопити повелѣлъ.139)1569. И другаго Княжа[55] Пронское Василія, глаголемаго Рыбина, погубилъ. Въ той же день и иныхъ[56] не мало благородныхъ мужей нарочитыхъ воинъ, аки двѣсти, избіенно; а нѣцыи глаголютъ и вяще.

Тогдаже убилъ Владиміра, стрыечнаго[57] брата своего,140)1569. съ матерью того Евфросиньею, Княжною[58] Хованскою, яже была отъ роду Князя Великаго Литовскаго Олгерда,[59] отца Ягайла[60], Короля Польскаго, и воистинну святую и постницу великую, во святомъ вдовствѣ и во мнишествѣ провозсіявшую.141) Тогдаже разстрѣляти съ ручницъ[61] повелѣлъ жену брата своего Евдокію, Княжну Одоевскую, такожъ воистинну святую, и зѣло кроткую, и Священныхъ писаній искусную; и пѣнія Божественнаго всего навыкшую, и дву младенцевъ, сыновъ брата своего,[62] отъ тоя святыя рожденныхъ: единому было имя Василій, аки въ десяти лѣтѣхъ, а другій мнѣйшій… Запамятовахъ уже, яко было имя его; но лучше въ Книгахъ животныхъ написанъ, [128]приснопамятныхъ, на небесѣхъ, у самого Христа Бога нашего… И иные мнози слузи ихъ вѣрные избіены, не токмо мужи и юноши благородные, но и жены и дѣвицы свѣтлыхъ родовъ и благородныхъ Шляхетскихъ.142)

Потомъ убіенъ славный и между Княжаты Русскими Михаилъ Воротынскій и Никита Княжа Одоевскій, сродный его, со младенчики дѣтками своими — единъ аки седми лѣтъ, а другій мнѣйшій, и со женою его: всероднѣ погублено ихъ, глаголютъ;[63] его же[64] была сестра, предреченная Евдокія святая, за братомъ Царевымъ, Владиміромъ.143) А что же сему за вина была Княжати Воротынскому? Негли тая точію: егда, по сожженію великаго славнаго мѣста Московскаго,[65] многонароднаго, отъ Перекопскаго Царя и по спустошенію, умиленномъ и жалостномъ ко слышанію, Русскія земли отъ безбожныхъ варваровъ,144) аки годъ единъ спустя, той же Царъ Перекопскій, хотяще уже до конца спустошити землю оную и самого того Князя Великаго выгнати изъ Царства его, и поиде яко левъ кровоядецъ, рыкая, розиня лютую пащеку[66] на пожреніе Христіанъ, со всѣми силами своими Бусурманскими: услышавъ же сіе, наше чудо[67] забѣжалъ предъ нимъ сто и двадесять миль съ Москвы, ажъ въ Новгородъ великій;[68] а того Михаила Воротынскаго поставилъ съ войскомъ, яко [129]могучи,[69] земли оныя спустошенныя и окаянныя[70] бронити повелѣлъ. Онъ же, яко мужъ крѣпкій и мужественный, въ полкоустроеніяхъ зѣло искусный, съ тѣмъ такъ сильнымъ звѣремъ Бусурманскимъ битву великую сведе: не далъ ему распростертися[71] а ни на мнѣе[72] воевати убогихъ Христіанъ; но біяшеся крѣпцѣ зѣло съ нимъ, и глаголютъ, колько[73] дней брань она пребывала. И поможе Богъ Христіаномъ, благоумнаго мужа полкоустроеніемъ, и падоша отъ воинства Христіанскаго Бусурманскіе полки, и самого Царя сынове два, глаголютъ, убіени, а единъ живъ изыманъ на той битвѣ; Царь же самъ едва въ Орду утече, а хоругвей[74] великихъ Бусурманскихъ и шатровъ своихъ отбѣжалъ въ нощи. На той же битвѣ и Гетмана его славнаго, кровопійцу Христіанскаго, Дивія Мурзу[75] изымано[76] жива; и всѣхъ тѣхъ, яко Гетмана и сына Царева, такъ и хоруговь Царскую и шатры его, послалъ до нашего хороняки и бѣгуна, храбраго же и прелютаго на своихъ единоплеменныхъ и единоязычныхъ, непротивяшящихся ему146)…

Что же воздалъ за сію ему службу? Послушай, молю, прилежно прегорчайшія тоя и жалостныя ко слышанію трагедіи.[77] Аки лѣто едино потомъ спустя, онаго побѣдоносца и обронителя своего [130]и всея Русскія земли изымати и связанна привести и предъ собою поставити повелѣ; и обрѣтши единаго раба его, окрадшаго[78] того Господина своего (а мню, наученъ отъ него: бо еще тѣ Княжата были на своихъ удѣлѣхъ, и велія отчины подъ собою имѣли; а колико тысящъ съ нихъ не чту[79] воинства было слугъ ихъ; имъ же онъ зазрѣчи[80], того ради губилъ ихъ) и рече ему: „Се! на тя свидѣтельствуетъ слуга твой, иже мя еси хотѣлъ счаровати и добывалъ еси на меня бабъ шепчущихъ.“[81] Онъ же, яко Княжа отъ младости своея святый, отвѣщалъ: „Не научихся, о Царю! и не навыкохъ отъ прародителей своихъ чаровать и въ бѣсовство вѣрити; но Бога единаго хвалити, въ Троицѣ славимаго, и тебѣ, Цареви, Государю своему, служити вѣрнѣ. А сей клеветникъ, мой есть рабъ, и утече отъ меня, окравши мя: не подобаетъ ти сему вѣрити и ни свидѣтельства отъ таковаго пріимати, яко отъ злодѣя и отъ предателя моего, лжеклевещущаго на мя.“

Онъ же абіе повелѣ, связанна положа на древо между двѣма огни, жещи мужа, въ роду паче же въ разумѣ и въ дѣлѣхъ, наисвѣтлѣйшаго; и притекша глаголютъ самого, яко начальнаго ката къ катомъ,[82] мучившимъ побѣдоносца, и подгребающа угліе горящіе жезломъ своимъ проклятымъ подъ тѣло его святое. Такожде и предреченнаго Одоевскаго Никиту мучити различнѣ повелѣлъ, [131]ово срачицу его пронзинувши[83] въ перси его, тамо и овамо[84] торгати[85]: той же въ таковыхъ абіе мученіяхъ скончался. Онаго жъ преодолѣтеля славнаго, смученна и изженна огнемъ неповиннѣ, наполы мертва и едва дышуща, въ темницу на Бѣлое озеро повезти повелѣлъ; и отвезенъ аки три мили съ того прелютаго пути на путь прохладный и радостный1573. небеснаго возхожденія: ко Христу своему отъиде....

О мужу наилѣпшій и наикрѣпчайшій, и многаго разума исполненный! велія и преславная суть память твоя блаженная! Аще негли недостаточна во оной,[86] глаголю, варварской землѣ, въ томъ нашемъ неблагодарномъ отечествѣ; но здѣ и вездѣ, мню, въ чуждыхъ странахъ паче, нежели тамо, преславнѣйшая, не токмо въ Христіанскихъ предѣлѣхъ, но и у главныхъ Бусурмаиовъ, сирѣчь у Турковъ: понеже немало отъ Турецкаго войска на той-то предреченной битвѣ тогда быша, наипачеже отъ Магмета Баши[87] великаго двора мнози быша на помощь послани Перекопскому Цареви, и за твоимъ благоразуміемъ всѣ изчезоша и не возвратился, глаголютъ, ни единъ въ Константинополь… И что глаголю о твоей славѣ, на землѣ сущей! Но и на небеси, у Ангельскаго[88] Царя, преславна быша память твоя, яко сущаго мученика и побѣдоносца, яко за [132]оную[89] пресвѣтлую побѣду надъ Бусурманы, ее же произвелъ еси и поставилъ мужествомъ храбрости своея; оброняюще Христіанскій родъ;[90] наипачеже сподобился еси мзду премногую получити; еже пострадалъ еси неповиннѣ отъ онаго кровопійцы, и сподобился еси со всѣми оными великими мученики вѣнцовъ[91] отъ Христа Бога нашего, во Царствіи его, яже за его овцы, супротивъ волку Бусурманскому, много отъ младости своей храброствовалъ, ажъ безъ мала до шестьдесятаго лѣта!…

Тѣ два сице близко сродные между себя отъ Мучителя вкупѣ пострадали: бо и тѣ Кияжата Воротынскіе и Одоевскіе отъ роду мученика Князя Михаила Черниговскаго, закланнаго ото внѣшняго врага церковнаго, Батыя безбожнаго; тако же и сей Михайло, побѣдоносецъ тезоименитый и оному сродникъ, созженъ ото внутренняго дракона церковнаго, губителя Христіанскаго, боящагося чаровъ: бо отецъ его Василій со оною предреченною законопреступною женою, юною сущею, самъ старъ будущи, искалъ чаровниковъ презлыхъ отовсюду, да помогутъ ему ко плодотворенію,[92] не хотяще бо властеля быти брата его по немъ:148) бо имѣлъ брата Юрья зѣло мужественнаго и добронравнаго, яко и повелѣлъ, заповѣдающе женѣ своей и окаяннымъ совѣтникомъ своимъ, скоро по смерти своей убити [133]его, яко и убіенъ есть. О чаровникахъ же оныхъ такъ печашеся, посылающе по нихъ тамо и овамо, ажъ до Корелы, (еже есть Филя:[93] сидитъ на великихъ горахъ, подлѣ Студенаго[94] моря), и оттуду провожаху ихъ къ нему[95] лехтущихъ[96] оныхъ и презлыхъ совѣтниковъ сатанинскихъ, и за помощію ихъ отъ прескверныхъ сѣменъ, по произволенію презлому, а не по естеству отъ Бога вложенному, уродилися ему два сына: единъ таковый прелютый и кровопійца и погубитель отечества, иже не токмо въ Русской землѣ такого чуда и дива не слыхано, но воистинну нигдѣже никогдаже, мню: зане и Нерона[97] презлаго превзыде лютостію и различными и неисповѣдимыми сквернами; паче же, не внѣшній, непримирительный врагъ и гонитель церкви Божіей бысть, но внутренній змій ядовитый, жруще и разтерзающе рабовъ Божіихъ; а другій былъ безъ ума и безъ памяти и безсловесенъ, такожъ, аки дивы,[98] якой родился.149) Ту ми зрите и прилежно созерцайте Христіанскіе родове! яже дерзаютъ[99] непреподобнѣ приводити[100] себѣ на помощь и къ дѣткамъ своимъ мужей[101] презлыхъ чаровниковъ и бабъ, смывалей[102] и шептуней, и иными различными чары чарующихъ, общующе[103] со діаволомъ и призывающе его на помощь, что за полезную [134]и яковую помощь отъ того имѣете, въ предреченной неслыханной лютости разсмотрите! Мнози бо, яко слышахомъ многажды, за мало сіе еебѣ важатъ[104] и смѣющесь глаголютъ: „малъ сей грѣхъ, и удобнѣ покаяніемъ исправится.“ Азъ же глаголю: не малъ! и воистинну превеликъ зѣло, понеже тѣмъ Божію заповѣдь великую во обѣтованію раззоряете: бо Господь глаголетъ: да не убоишися никого же, а ни послужиши, сирѣчь: ни у когоже помощи не имаши[105] развѣ меня, а ни на небеси горѣ, а ни на землѣ низу, а ни подъ безднами;[106] и паки: аще кто отвержется мене предъ человѣки, отвержуся и азъ его предъ отцемъ моимъ небеснымъ. И вы, забывше таковыя страшныя заповѣди Господа нашего, течете къ діаволу, просяще его чрезъ чаровники! А чары,[107] яко всѣмъ есть вѣдомо, безъ отверженія Божія и безъ согласія со діаволомъ, не бываютъ. Воистинну, яко мню, и се неисцѣлимый грѣхъ есть тѣмъ, иже внимаютъ имъ, и ко покаянію неудобенъ: неисцѣльный[108] и того ради, зане за малый его себѣ мните; неудобенъ же ко покаянію, понеже безъ отверженія Іудина,[109] чары и относы и смыванія, прежнія ради купѣли, и стиранія союзми ради[110] святаго помазанія, шептанія же скверныя, явственныхъ ради обѣщаній ко Христу на святомъ крещенію, и относы, приношенія ради на святомъ жертовницѣ[111] у пресвятаго[112] агнца, и [135]безъ согласія, сирѣчь, безъ обѣщанія діаволу и безъ отверженія Христова, яко рѣхомъ, чаровницы сихъ не могутъ дѣйствовать; но всяко діяволомъ,[113] тѣхъ ради всѣхъ, отъ предреченныхъ презлыхъ человѣковъ согласниковъ діаволихъ умышлено. Господь Богъ нашъ, премногія ради благодати своея, да избавитъ всѣхъ правовѣрныхъ отъ таковыхъ! Аще же кто таковымъ не внимаетъ, тому и боятися не подобаетъ: понеже яко дымъ отъ знаменія честнаго креста исчезаетъ и отъ простыхъ[114] людей вѣрующихъ во Христа, нетокмо отъ искусныхъ Христіанъ, доброю совѣстію живущихъ, у которыхъ бываютъ на сердцахъ скрижалей плотяныхъ написаны заповѣдей Христовыхъ Евангельскія слова: о семъ бо и самъ Богъ-Слово свидѣтедьствуетъ въ молитвѣ оной, ею же поучалъ ученики свои молитися, при концѣ глаголюще:[115] яко есть твое царство и сила и прочее. Блаженный же Златоустъ ясно толкуетъ въ бесѣдѣ 19, еже отъ Матвѣя Евангеліе: „иже нѣсть царство, а ни сила иная, а ни боятись кого достоитъ Христіаномъ, развѣ единаго Бога, аще и діаволъ нѣгдѣ на насъ возмогаетъ мученьми, сіе Богу попущающу; а онъ безъ воли Божіей, аще и злорадный[116] и прелютый и непримирительный врагъ нашъ, не токмо на насъ человѣковъ не возмогаетъ, ни на свиніяхъ, ни на воловыхъ стадахъ, ни на другихъ скотѣхъ безъ Божія воли.“ Яково[117] все [136]свидѣтельствуется и во Евангеліи. А лѣпѣ,[118] прочитаючи, узрите во ономъ священномъ толкованію златаго языка.

Сихъ, еликихъ[119] памятью моглъ объяти,[120] написахъ о Княжецкихъ родѣхъ.

Примѣчанія

править
  1. ↑ Изъ Э.; въ П. Б. и Р. мучителей.
  2. ↑ Въ Э. крыющихъ.
  3. ↑ Въ Р. но извоявленный.
  4. ↑ Словъ: въ неповинномъ изгнанію, нарекающе и кленуще тѣхъ предреченныхъ нѣтъ въ П.; они взяты изъ Б. Р. и Э.
  5. ↑ Въ Э. цѣлый; въ Р. народцѣхъ.
  6. ↑ Полька, Католичка.
  7. ↑ Во всѣхъ сп. на полѣ: о Адашевѣ глаголетъ.
  8. ↑ Изъ Р.; въ К. и Б. послѣ тѣхъ; въ П. повеле тѣхъ.
  9. ↑ Въ Э. Тахомъ.
  10. ↑ Въ Р. младенческую.
  11. ↑ Во всѣхъ сп. на полѣ: о побіеніи Княжескихъ родовъ.
  12. ↑ Въ Б. заклалъ.
  13. ↑ Т. е. Іоанновой.
  14. ↑ Въ П. ошибкою: и скорлорохами.
  15. ↑ Въ Р. мошкарахъ; въ Э. и П. на полѣ: рожахъ.
  16. ↑ Въ Э. личину.
  17. ↑ Такъ въ проч. сп. въ П. сіурагу або личину.
  18. ↑ Въ Э. безчестіе.
  19. ↑ Въ Э. не слыша.
  20. ↑ Въ Б. на полѣ: тебя было пса, на такойже вострой престолъ посадить альта припѣвать.
  21. ↑ Въ Р. и Э. свой.
  22. ↑ Въ Б. старыя. (дядю съ отцовской стороны).
  23. ↑ Въ Б. всеродіе; въ Э. всенародне. (со всѣмъ родомъ).
  24. ↑ Въ Э. не поколикихъ.
  25. ↑ Въ Э. Сигклитикъ.
  26. ↑ Въ Э. Ярославскаго.
  27. ↑ Племянника.
  28. ↑ Въ Э. по ряду; въ Р. по руду.
  29. ↑ Плена, связь, цѣпь.
  30. ↑ Изъ Б. и К. въ П. и Р. предложени судъ.
  31. ↑ Въ П. на полѣ: о Князѣ Александрѣ Горбатомъ.
  32. ↑ Въ Б. благодаднаго.
  33. ↑ Въ Р. на полѣ: большая; въ Э. первая.
  34. ↑ Въ Р. и роди; въ К. и родити.
  35. ↑ Въ Р. богатый.
  36. ↑ Такъ я читаю: въ П. и Э. Янтугъ-Онлукъ; въ Р. и К. Іоаннъ Тубулукъ.
  37. ↑ Въ Р. Цесаря.
  38. ↑ Въ Э. счастливый; въ П. прослѣдователь тщаливый (тщательный).
  39. ↑ Въ Р. посѣченію.
  40. ↑ Въ Э. подъ мечь.
  41. ↑ Въ Э. отеческія.
  42. ↑ Въ Э. мечь.
  43. ↑ Въ Б. Рюполовское; въ Р. Княжата Половское.
  44. ↑ Въ Б. искусней.
  45. ↑ Въ степи.
  46. ↑ Изъ Б. и К.; въ П. каковъ; на полѣ: мучителей (палачей); въ Э. мучителей.
  47. ↑ Въ Р. рождеженной.
  48. ↑ Въ Р. вездѣ.
  49. ↑ Изъ К. и Р.; въ П. и Б. иже.
  50. ↑ Въ Э. двоюродная (тетка).
  51. ↑ Въ Э. въ Нѣвлѣ градѣ.
  52. ↑ Въ Б. не гля; въ Р. не глаголи (вѣроятно).
  53. ↑ Одна буква не видна. — Примѣчаніе редактора Викитеки.
  54. ↑ Въ Э. отъ среды спасенія.
  55. ↑ Въ Э. Княжество.
  56. ↑ Въ Б. изъ иныхъ.
  57. ↑ Въ Р. стрѣчнаго; въ Э. стрыечнаго; въ Б. стричнаго (двоюроднаго).
  58. ↑ Такъ во всѣхъ проч. сп. въ П. княжатою.
  59. ↑ Въ Б. Алгерда; въ Р. Лгирда.
  60. ↑ Въ Б. отъ Ягайла.
  61. ↑ Такъ во всѣхъ проч. спис.; въ П. срошницъ (изъ ружей).
  62. ↑ Слово своего приб. изъ Р. и Э.
  63. ↑ Въ Б. погубленъ и о ихъ глаголютъ; въ Э. погублены.
  64. ↑ Въ Э. Сего Князя Никиты.
  65. ↑ Въ Э. града Москвы.
  66. ↑ Въ Э. имѣя распростерты злыя свои челюсти (пасть, зѣвъ).
  67. ↑ т. е. Іоаннъ.
  68. ↑ 145)
  69. ↑ Сколь возможно.
  70. ↑ Въ П. на полѣ, и въ Э. оплаканные; въ Р. окоянныя; въ Б. покаянные (злополучной).
  71. ↑ Въ Э. распространитися.
  72. ↑ Въ К. и Р. а ни на мнѣ; въ Э. а ни ма мнозѣ (менѣе).
  73. ↑ Т. е. нѣсколько; въ Б. толко; въ Р. колка; въ Э. колико.
  74. ↑ Въ Э. знаменъ.
  75. ↑ Въ Р. Дивей Мурау; въ Э. дивную Мурзу.
  76. ↑ Въ Б. изымани; въ Р. и Э. изымано.
  77. ↑ Въ П. въ текстѣ, въ проч. спис. на полѣ: трагедія есть плачевная, иже радостію начинается и зѣло многими бѣдами и скорбями скончавается.
  78. ↑ Въ Б. откратшаго.
  79. ↑ Изъ К. и Р. въ П. и Э. о колико тысящъ съ нихъ почту; въ Б. съ нимъ почту.
  80. ↑ Въ Э. и въ П. на полѣ: завидя (завидуя).
  81. ↑ Въ Э. шептущихъ; въ Р. приб. и вѣщихъ.
  82. ↑ Такъ въ проч. спис. въ П. скотомъ.
  83. ↑ Въ К. и П. прознинувши
  84. ↑ Въ Б. тамо и овоми; въ Э. семо и овамо.
  85. ↑ Въ Р. пергати; въ К. дергати.
  86. ↑ Въ Б. во ономъ глаголѣ.
  87. ↑ Въ Б. Багмета Баши.
  88. ↑ Въ Э. Архангельскаго.
  89. ↑ Въ Б. заочную.
  90. ↑ Въ Э. народъ; въ Р. родной и паче.
  91. ↑ Въ Б. вѣнцомъ.
  92. ↑ Въ Э. дѣторожденію.
  93. ↑ Въ Р. еже есть Ѳинляндія и Аждокія Ляпуніи, еже той языкъ сидитъ.
  94. ↑ Въ Р. на полѣ: море глацыалемъ; тако бо Русскимъ языкомъ нарицается Ледопоетъ (Ледовитое?) море.
  95. ↑ Изъ Э. въ П. и др. сп. къ нимъ.
  96. ↑ Такъ я читаю, т. е. возбуждающихъ; въ П. Б. и Э. лѣтущихъ; въ К. и Р. летущимъ.
  97. ↑ Въ Р. не рода.
  98. ↑ Въ Э. диво; въ Р. дивъ; на полѣ: якое чудо родилося.
  99. ↑ Въ Э. держатъ.
  100. ↑ Въ Б. производити.
  101. ↑ Въ Б. мужемъ.
  102. ↑ Въ Э. смывателей; въ Р. и рабемывалей (Наговорною водою окачивающихъ.)
  103. ↑ Въ Б. общую; въ Э. общающихся.
  104. ↑ Въ П. на полѣ вмѣняютъ; въ Р. вожатъ; въ Э. внимаютъ.
  105. ↑ Въ Б. не имамъ; въ Р. не ищеши.
  106. ↑ Въ Э. подъ землею.
  107. ↑ Въ Э. волхвованія.
  108. ↑ Въ Б. неисцѣливый.
  109. ↑ Въ Б. и едина.
  110. ↑ Въ Р. согю мира ради; въ К. солію мира ради.
  111. ↑ Въ Р. и Э. жертвеннице.
  112. ↑ Въ Р. у пречистаго; въ Э. пречистаго.
  113. ↑ Въ Р. но вся ко діаволомъ; въ Э. всяко діаволъ.
  114. ↑ Въ Э. прочихъ.
  115. ↑ Изъ Р. въ П. и Б. глаголю; въ Э. глаголя.
  116. ↑ Въ Р. злорядный.
  117. ↑ Въ Р. яко воени; въ Э. и вси.
  118. ↑ Въ Р. лепѣй; Въ Э. лучше.
  119. ↑ Въ Б. великихъ.
  120. ↑ Въ Б. объявити.
Источник — https://ru.wikisource.org/w/index.php?title=Сказания_князя_Курбского._Часть_I/1833_(ДО)/О_побиении_княжеских_родов&oldid=3539270