же возбранивъ ему и рече: „О чадо превозлюбленное и единородный сыне мой! да не узрятъ очи мои отсѣченія[1] главы твоея!“ И первѣе самъ Княжа усѣченъ: младенецъ же оный храбрый, взявъ мученическую честную главу отца своего, и поцѣловавъ и возрѣвъ на ню, рече: „Благодарю тя, о Царю вѣкомъ, Іисусе Христе Боже нашъ, царствующій со Отцемъ и со Святымъ Духомъ! жже сподобилъ еси насъ неповиннымъ, убіеннымъ быти, яко и самъ отъ Богоборныхъ Жидовъ закланъ еси, неповинный агнче! А сего ради пріими души наша въ живодательныя руцѣ твои, Господи!“ И сіе изрекши, приклонився подъ оскордъ[2] ко усѣченію главы своея святыя.... Съ таковымъ упованіемъ и со многою вѣрою ко Христу своему отойдоша.131)
Тогда, въ тѣ же лѣта,1566. або предъ тѣмъ еще мало, убитъ, за повелѣніемъ его, Княжа Ряполовское[3] Дмитрій, мужъ въ разумѣ многъ и зѣло храбръ, искусенъ[4] же и свидѣтельствованъ отъ младости своей въ ботатырскихъ вещахъ: бо не мало, яко всѣмъ тамо вѣдомо, выигралъ битвъ надъ безбожными Измаильтяны, ажъ на дикое поле[5] за ними далеко ходяще. Се выслужилъ! Главою заплатилъ; отъ жены и дѣтокъ оторвать и внезапу смерти предати повелѣлъ.132) Паки побіени отъ него того же лѣта1567. Княжата Ростовскіе Семенъ, Андрей и Василій и друзіи съ ними.133) Паки потомъ тѣхъ же Княжатъ Ростовскихъ, иже
