ный[1] звѣрь первѣе началъ сродниковъ Алексѣевыхъ и Селивестровыхъ писати имена, и не токмо сродныхъ, но о комъ послышалъ отъ тѣхъ же клеветниковъ своихъ, и друзей и сосѣдовъ знаемыхъ, аще и мало знаемыхъ, многихъ же отнюдь и не знаемыхъ, ихъ богатствъ ради и стяжанія, оклеветаемо отъ тѣхъ, многихъ имати повелѣлъ и мучити различиыми муками, а другихъ множайшихъ отъ имѣній ихъ и домовъ изгоняти въ дальные грады. А про чтожъ тѣхъ мучилъ неповинныхъ? Про то: понеже земля возопіяла о тѣхъ праведныхъ въ неповинномъ изгнанію, нарекающе и кленуще тѣхъ предреченныхъ[2] ласкателей, соблазнившихъ Царя: онъ же вкупѣ съ ними, ово аки оправдаяся предо всѣми, ово яко стрегущесь чаровства, не вѣмъ якого, мучити повелѣлъ оныхъ, не единаго, ни дву, но народъ цѣлъ[3], ихъ же именъ, тѣхъ неповинныхъ, яже въ тѣхъ мукахъ помроша, множества ради исписати невозможно.
Тогда-то убіенна Марія преподобная, нарицаемая Магдадина, съ пятьми сынами своими: понеже была родомъ Ляховица[4], потомъ исправилась въ правовѣріе, и была великая и превосходная постница, многажды въ годъ единаго въ седмицу вкушающи, и такъ во святомъ вдовствѣ провозсіявшая, яко на преподобномъ тѣлѣ ея носити ей вериги тяжкія желѣзныя, тѣло порабощающе,
