Егда трапезу представляеши вначалѣ священницы Отца и Сына и Святаго Духа прославляютъ, потомъ Дѣву Богородицу[2] и пречистои хлѣбъ вынимаютъ и по совершеніи[3] трапезы, пречистыи хлѣбъ воздвизаютъ; и отпѣвъ достоино, вкушаютъ, и чашу пречистыя пьютъ. И потомъ о здравіи и за упокои да глаголютъ[4]. И егда ядяху со благодареніемъ, и съ молчаніемъ, или съ духовною бесѣдою, тогда ангели невидимо предстоятъ и написуютъ дѣла добрая, и ѣства и питіе въ сладость бываетъ; и аще начнутъ представленную ѣству и питіе хулити[5] тогда мотыла обращаются сіи вкушаютъ; и, аще начнутъ смрадны и скаредны рѣчи и блудны и срамословіе и смѣхотвореніе и всяко глумленіе или гусли, и всяко гудѣніе, и плясаніе и плесканіе[6] и всякія игры бѣсовскія, тогда якожъ дымъ отгонитъ пчелы, такожъ отъидутъ ангели Божія отъ тоя трапезы[7] и смрадныя бѣси предстанутъ тѣ и возрадуются и волю свою улучатъ и вся угодная своя съ ними сотворятъ[8], да такожъ и еще начнутъ безчинствовати[9] зернью, и шахматы, и всякими игры бѣсовскими тѣшитися; даръ Божіи и ѣству, и питіе и всякія овощы въ поруганіе помѣщутъ, и проливаютъ и другъ друга шибаютъ, и обливаютъ[10] всячески и поругаются[11]; и написуютъ дѣла ихъ бѣси[12] и приносятъ къ сотонѣ, и вкупѣ радуются погибели христіанскои; и та вся дѣла предстанутъ въ день страшнаго суда. О горе дѣющимъ таковая. Егда жидовы въ пустынѣ сѣдоша ясти и пити и объявшися[13] и упившися[14], и восташа играти и блудъ творити и тогда пожре ихъ земля 25000. О, устрашитеся сего, людіе и творите волю Божію якожъ въ законѣ писано; а отъ сего зла и безчинія соблюди Господи всякого христіанина; ясти бы и пити во славу Божію, а не объядатися, ни упиватися, и пустошныхъ не творити! И аще предъ кого поставляеши ѣству и питіе, и всякое брашно или предъ тебя поставляютъ не мози похулити; и глаголати: се гнило, или кисло, или прѣсно, и солоно, и горко, и затхлося, и сыро, и переварено, или какую хулу ни буди возлагати; но подобаетъ даръ Божіи, всякое брашно и питіе похваляти и со благодареніемъ вкушати; ино Богъ обоняетъ вонею благоуханія, и въ сладость претворитъ; и аще которая ѣства и питіе непотребно, ино о томъ наказывати домочадцевъ, кто дѣлалъ, чтобъ впредь таково не было[15]. Отъ евангелія. Егда званъ будеши кимъ на бракъ, не сяди на преднемъ мѣстѣ, егда кто частнѣе тебя будетъ званныи[16] и пришедъ, иже тебя звавыи и оного, и речетъ ти, ты даждь ему мѣсто; и тогда начнеши со студомъ послѣднее мѣсто держати; но егда званъ будеши шедъ сяди на послѣднемъ мѣстѣ, да егда пріидетъ звавыи тя речетъ ти: друже, посяди выше того, да будетъ ти слава и предъ званными[17] съ тобою, яко всякъ возносяися смирится, а смиряися вознесется[18].И аще къ сему приложи земьскій обычаи, егда званъ будеши на бракъ и не мози упитися до многа піянства, ни до позда сидѣти, за нежъ во мнозе піянствѣ, и въ долзесидѣніи бываетъ брань, и сваръ, и бои, притчею и кровопролитіе, и ты бывъ тутожъ, аще не дерешися, и не бранишися будеши въ тои брани и въ дракѣ не послѣднеи, но и первои, за неже долго сѣдиши и брани дожидаешися. И государю въ томъ на тебя помолва жъ будетъ: спати къ себѣ неидешь, а домочадцемъ покоя въ томъ нѣтъ и расправки съ иными зваными; аще ли упіешися до піяна, а къ себѣ спати не сошедше, или не съѣдеши тутъ уснеши гдѣ пилъ, и будеши небрегомъ ни кимъ же, занежъ на пиру людіе мнози, а не ты единъ; и въ томъ во всемъ піянствѣ и небреженіи, платіе на себѣ изгрязниши, колпакъ или шапку истерзаеши[19], аще ли будетъ денегъ въ мошонкѣ или въ калитѣ[20] то вымутъ, и ножъ[21] соимутъ, ино въ томъ государю у кого пилъ въ тебѣ кручина, а тебѣ наипаче, а се истерялся, а отъ людеи срамота, и молвятъ самому піяну. Видиши ли каковъ срамъ и укоръ, и тщета имѣнію во мнозѣ піянствѣ; аще ли соидѣши или съѣдеши, а во мнози піянствѣ и ты на пути уснеши, а до дому не доѣдиши и ты постражеши и горше перваго, соимутъ съ тебя и все платіе, и что имаше съ собою, то все обыщутъ не оставятъ ни срачицы. Аще ли не изтрезвишися, и конечно[22] упіешися реку: съ тѣломъ и душу отщетиши, мнози бо піяніи отъ вина умираютъ и на пути озябаютъ. Не реку: не пити не буди то; но реку: не упиватися во піянство злое. Азъ дара Божія не похуляю, но похуляю тѣхъ, иже піютъ безъ воздержанія. Апостолу Павлу къ Тимоѳею пишущу: Пеи[23] мало вина немощи ради и частыхъ недугъ. Къ намъ же пиша глаголетъ: пеи[24] мало[25], веселія ради, а не піянства ради[26]. Тои же Апостолъ пишетъ: братіе, не упиваитеся виномъ, въ немъ же нѣсть спасенія, въ немъ же есть блудъ; піяницы царства Божія не наслѣдятъ, но уготована имъ мука вѣчная съ прелюбодѣи, и со идолослужители; мнози человѣци и земнаго имѣнія піянствомъ лишаются[27]. Аще кто начнетъ держатися питія незаконнаго, хвалимъ будетъ неразумними, послѣди же и отъ тѣхъ поруганъ будетъ, яко во зло истощи имѣніе свое[28], за нежъ упиваніе, а не во славу Божію[29], погибель души и тѣлу, а имѣнію тощета. Піяницы со земнымъ симъ имѣніемъ лишаются и небеснаго, зана не Бога ради, а піянства ради погибе; токмо бѣсомъ единымъ радованіе и съ ними въ жребіи, аще не покаются. Видиши ли, человѣче, каковъ срамъ и укоръ отъ Бога и отъ святыхъ его! И причитаетъ Апостолъ піяницу и всяко грѣхъ творяща сеже суть неугодна Богу, въ жребій съ бѣсы аще истиннымъ покаяніемъ не очистятся. Будижъ всѣмъ христіаномъ, иже по Бозе въ правословнои вѣрѣ живущимъ, въ жребіи съ Господомъ нашимъ Ісусомъ Христомъ, и со святыми его, славящимъ Святую Троицу, Отца и Сына и Святаго Духа во вѣки аминь. Тако на предлежащее поидемъ, о немъ же намъ слово, аще подати кому ясти или пити государю дому, или отъ предстоящихъ его, или въ столъ, или послати куды, разсуждая по достоинству, и по чину и по совѣту; вся сія отъ болшаго бываетъ; а отъ прочихъ сія не бываетъ. Аще за любовь и за нѣкое послушаніе искусно да сдѣлаются, и о всемъ да спрошаются отъ настоящаго. А отъ стола или отъ трапезы ѣства или питіе таино износити, или выслати, не по повелѣнію настоящаго и безъ благословенія—святокрадство[30] есть и самочиніе; таковыхъ всячески безчествуютъ. Егда на трапези поставятъ ти многоразличныя яди и питіе, егда кто честнѣе тебя будетъ званныхъ, не начни преже вкушати ни что жъ; аще ли ты начальственъ будеши, поставленную ядь, разсужая, начинаи. У нѣкіихъ боголюбцевъ изобильно бываетъ вкушеніе различная ѣства и питіе, излишнее цѣло снимаютъ, ино въпредь[31] на потребу или въ подачю или въ разсылку. Кто не чювственъ, и не искусенъ, и не вѣжливъ[32], и не разсуждая, всякую ѣству[33], въ пресыщеніе начинаетъ и небрегомо творить будетъ, и самъ поруганъ и обещестенъ отъ Бога и отъ человѣкъ. А ѣству и питіе на столъ понести, осмотря, чтобы судно было чисто, въ чемъ несетъ, и дно подтерто, и ѣства и питіе чисто жъ, безъ пороху и безъ пригарины, и безъ плѣсни, и ставити, осмотря, и поставивъ ѣству и питіе, тутъ не кашляти, ни плевати, ни сморкати, отшедъ на сторону вычистити носъ или откашлятися ино не скаредно и вѣжливо, а сморкнути или плюнути, отъ людеи заворотясь, да и потерти ногою. Коли лучится накормити пріѣзжихъ людей[34] и всякихъ гости званыхъ или Богомъ избраныхъ, богата и убога, и священническіи чинъ и мнишескіи, ино государю и государыне разсуднымъ достоитъ быти, и должную честь воздавати по чину и по достоинству всякому человѣку, съ любовью и со благодареніемъ и съ ласковымъ привѣтомъ[35][36], а инымъ послати, и всякого наити, и всякого обрадовати; которыя въ сѣняхъ или на дворѣ сѣдятъ, тѣхъ всѣхъ напоити и накормити, и въ столѣ памятовати: ясти и пити всѣмъ тѣмъ посылати; или у кого сынъ или вѣрныи слуга, и онъ бы вездѣ дозиралъ, и всякого бы почтилъ, и добрымъ словомъ привѣталъ[37], а никого бы не избранилъ, ни обезчестилъ, ни осоромотилъ, ни осмѣялъ, ни осудилъ, а ни государю, ни государынѣ, ни ихъ дѣтемъ[38] напрасно не нанесъ; а гости и гостьи помежъ себя побранятся, ино ихъ унимати добродѣтелью: а кто неустроенъ, ино бережно его спровадити ко двору своему, отнюдь отъ брани беречи всякого. Съ любовію и съ благодареніемъ, напоивъ и накормивъ честно отпустити, ино Богу въ даръ, а добрымъ людемъ въ честь. А нищимъ такожъ въ милость и въ благодареніе; а себѣ отъ Бога мзда, а отъ людеи добрая слава. А въ монастырехъ кормя, или по родителехъ память: такожъ творити, кормити, и поити и милостыня давати, елика сила, за здравіе и за упокои. Аще кто накормитъ, и напоитъ и одаритъ, а послѣ обещеститъ, и излаетъ или осудитъ и пересмѣетъ, или за очи переговоритъ, или мѣстомъ обезчеститъ, или не накормивъ, да излаетъ и ударитъ, да сошлетъ съ двора, или слуги кого обезчестятъ: и того[39] столъ или пиръ бѣсомъ на утѣху, а Богу на гнѣвъ, а людемъ на позоръ, и на гнѣвъ и на вражду, а обесчещенымъ[40] на срамъ и на оскорбленіе. А безумному тому государю или государыне и слугамъ отъ Бога грѣхъ, а отъ людеи укоризна и вражда, а отъ убогихъ клятва, а не благословеніе. Аще кого и не покормити, ино тихонко отмолвити, и не излаявъ, и не ударя, и не обесчестивъ[41], отпустити и вѣжливо отказати; а поидетъ кто со двора ропщучи государевымъ недозоромъ или государининымъ, ино вѣжливои слуга[42] гостю разговарити: неподиви, господине, на многихъ людяхъ государемъ нашимъ, не поспѣли тебя уподчивати, и они тебѣ впредь челомъ бьютъ, а ты на нихъ нынѣ не помолви. И послѣ пиру тому слугѣ своему государю сказати про того гостя какъ[43], а будетъ надобнои гость, ино въ тѣ поры государю сказати и они какъ похотятъ. А у государыни жены добры и всякія гостьи, каковы случатся у нея, и еи симъ же образомъ творити, какъ въ сеи главѣ писано, и дѣтемъ ея и слугамъ[45].
Примѣчанія
править- ↑ Въ Р. Т. № 38 и ркиси Конш. глава XI.
- ↑ Въ Р. Т. № 38 этого мѣста нѣтъ.
- ↑ Царс. Арх. Болш.=отшествіи.
- ↑ Въ Р. Т. № 38 продолжается.
- ↑ Конш.=похулять.
- ↑ Ibid. и скоканіе Арх. Болш. Цар. скоктаніе.
- ↑ Конш. и смрадныя беседы.
- ↑ Ibid.=творится имъ.
- ↑ Конш.=да такоже безчиньствуютъ и
- ↑ Цар.=обливаются.
- ↑ Конш. дару Божію.
- ↑ Ibid.=діаволи.
- ↑ Ibid.=обьядашася.
- ↑ Ibid.=опившися.
- ↑ Въ Р. Т. № 38 глава оканчивается, продолженіе же отнесено къ главѣ I҃. Въ спискахъ Конш. Цар. Бол. Пог. Арх. это отнесено къ предъидущей главѣ.
- ↑ Конш. имъ.
- ↑ Ibid.=возлежащими.
- ↑ Ibid. продолженіе главы.
- ↑ Арх. Болш. Цар. Пог.=истеряешь.
- ↑ Цар.=платѣ.
- ↑ Цар. Болш. Пог.=а ножъ.
- ↑ Ibid.=конечнымъ.
- ↑ Ibid.=пій.
- ↑ Ibid.=пейте.
- ↑ Ibid. вина.
- ↑ Ibid. это мѣсто читается такъ: піяницы царствія Божія не послѣдятъ. Мнози земнаго имѣнія піянствомъ лишаются человѣцы.
- ↑ Ibid. продолжается.
- ↑ Ibid. слѣдуетъ: Апостолу рекшу: не упивайтеся виномъ, въ немъ же нѣсть спасенія; но упивайтеся, во славу Божію и во славословіи Божіи, реку молитвою и постомъ и милостынею, къ церкви хожденіемъ съ чистою совѣстью; тѣ хвалимы суть Богомъ и отъ него мзду примутъ во царствіи Его; а винное упиваніе.
- ↑ Ibid. продолжается.
- ↑ Конш.=святотатство суть.
- ↑ Ibid. инымъ.
- ↑ Ibid.=и не ученъ и невѣжда.
- ↑ Ibid.=всякаго брашня.
- ↑ Ibid. или торговыхъ или иноземцовъ.
- ↑ Ibid. слѣдуетъ: всякого почтити и всякого примолвити и добрымъ словомъ привѣчати; и ѣсти и пити поставити или подати изъ своихъ рукъ, съ добрымъ привѣтомъ.[Место этого примечания в книге не указано. Поставлено произвольно. — Примечание редактора Викитеки.]
- ↑ Ibid. продолжается.
- ↑ Ibid.=привѣчалъ.
- ↑ Ibid. ни слугамъ ихъ.
- ↑ Ibid. тотъ.
- ↑ Ibid.=обезчестнымъ.
- ↑ Ibid.=обезчестити.
- ↑ Ibid. вежливо.
- ↑ Ibid. съ двора.
- ↑ Арх. Бол. Пог.=пролозѣ.
- ↑ Цар. слѣдующее окончаніе: Видѣніе святаго Нифонта въ пролѣтіи[44] писано, и во Антіохіи о ядѣніи.
