Много кратъ ото многихъ свѣтлыхъ мужей вопрошаемъ быхъ, съ великимъ стужаніемъ[1]: „откуды сія приключишася, такъ прежде доброму и нарочитому Царю, многажды за отечество и о здравіи своемъ не радящу, и въ военныхъ вещахъ[2], сопротивъ враговъ креста Христова, труды тяжкіе, и бѣды, и безчисленные поты претерпѣвающу, и прежде отъ всѣхъ добрую славу имущему?“ И многажды умолчахъ со воздыханіемъ и слезами, не восхотѣхъ отвѣщати; послѣди же, частыхъ ради вопрошеній, принужденъ быхъ нѣчто рещи отчасти о случаяхъ, приключшихся[3] таковыхъ, и отвѣщахъ имъ: аще бы изъ начала[4] и по ряду рѣхъ, много бы о томъ писати, яко въ предобрый Рускихъ Князей[5] родъ всѣялъ діаволъ злые нравы, наипаче же женами ихъ злыми и чародѣйцами[6] яко и во Израильтескихъ Царѣхъ, паче же которыхъ поимовали отъ иноплеменниковъ2). Но сія вся оставя, нѣчто изреку о томъ самомъ настоящемъ. Яко глаголютъ многіе премудрые: „доброму началу и конецъ бываетъ добръ“; такожде и сопротивъ: злое злымъ скончавается; а наипаче, отъ самовластнаго человѣческаго естества, злымъ произволеніемъ и по всему супротивнымъ[7] противу Божіихъ заповѣдей дерзати.
Князь Великій Василій Московскій ко многимъ злымъ и сопротивъ закона Божія дѣломъ своимъ3) и сіе приложилъ, (иже и писати, ни считати, краткости ради книжицы сея, не вмѣстно, а еже достоитъ воспомянути, зѣло вкратцѣ напишемъ по силѣ): живши со женою своею первою, Соломонидою[8], двадесять и шесть лѣтъ, остригъ ее во мнишество, не хотящу и не мыслящу ей о томъ, и заточилъ въ далечайшъ монастырь, отъ Москвы больше дву-сотъ миль, въ землѣ Каргопольской лежащь, и затворити казалъ[9] ребро свое въ темницу, зѣло нужную[10] и унынія исполненную, сирѣчь жену,1526. ему Богомъ данную, святую и неповинную4). И понялъ себѣ Елену, дщерь Глинскаго, аще и возбраняющимъ[11] ему сего беззаконія многимъ святымъ и преподобнымъ, не токмо Мнихомъ, но и Сигклитомъ[12] его: отъ нихъ же единъ Вассьянъ, пустынникъ, сродникъ ему сущь по матери своей, а по отцѣ, внукъ Княжати Литовскаго, Патрикіевъ[13], и оставя мірскую славу, въ пустыню вселился5), и такъ[14] жестоко и свято препровождалъ во мнишествѣ, подобнѣ великому и славному древнему Антонію6). Да не зазрите[15] кто дерзостнѣ рещи, Іоанну Крестителю ревностію[16] уподобился: бо и оный о законопреступномъ браку Царю возбранялъ, беззаконіе творящу. Онъ въ Моисеевскомъ, сей же во Евангельскомъ беззаконовалъ. А отъ мірскихъ Сигклитовъ, возбранялъ ему Семенъ, реченный[17] Курбскій, съ роду Княжатъ Смоленскихъ и Ярославскихъ; о немъ же и о святомъ жительствѣ его не токмо тамо Русская земля вѣдома, но и Герберштенъ[18], нарочитый мужъ Цесарскій и великій Посолъ, на Москвѣ былъ и увѣдалъ, и въ Кроницѣ своей свидѣтельствуетъ, юже[19] Латинскимъ языкомъ, въ Медіоланѣ, славномъ градѣ, будучи, написалъ7). Той Герберштенъ приходилъ два кратъ къ Москвѣ, Посломъ великимъ отъ славнаго Цесаря Христіанскаго, Карлуса, о великихъ дѣлѣхъ, или паче, постановляющи миръ вѣчный между Царствы Христіанскими, и вооружающи ихъ и подвизающи сопротивъ поганомъ: и аще мужъ былъ искусный въ шляхетныхъ наукахъ и дѣлѣхъ, но въ варварскихъ языцѣхъ, глубокихъ ради ихъ[20] и жестокихъ обычаевъ, не возмогъ сего достохвальнаго дѣла до конца исправити8).
Онъ же, предреченный Василій, Великій, паче же въ прегордости и въ лютости, Князь, не только ихъ не послушалъ, такъ великихъ и нарочитыхъ мужей, но онаго блаженнаго Вассьяна, по плоти сродника своего, изымавъ, заточити повелѣлъ, и связанна святаго мужа, аки злодѣя, въ прегорчайшую темницу, къ подобнымъ себѣ въ злости[21], презлымъ Осифляномъ[22], въ монастырь ихъ отослалъ и скорою смертію уморити повелѣлъ9). Они же, яко лютости его скорые послушницы и во всѣхъ злыхъ потаковницы[23], паче же еще и подражатели, умориша его вскорѣ. И другихъ святыхъ мужей, овыхъ заточилъ на смерть, отъ нихъ же единъ — Максимъ Философъ, о немъ же напреди[24] повѣмъ10); а другихъ погубити повелѣлъ, ихъ же имена здѣ оставлю. А Князя Семена отъ очей своихъ отогналъ, даже до смерти его.
Тогда зачался нынѣшній Іоаннъ нашъ, и родилася15 Августа 1530.[25], въ законопреступленію и во сладострастію, лютость, яко рече Іоаннъ Златоустый[26], въ словѣ о женѣ злой, ему же начало днесь намъ Іоанново преподобіе: и Іродова лютость егда возвѣщалася[27] смутились внутреннія, сердца вострепетали, зракъ помрачился, разумъ притупился, слухъ скутался[28], и прочее11). И аще святые великіе Учители ужасалися, пишуще отъ мучителей[29] на святыхъ дерзаемыя: кольми паче намъ грѣшнымъ подобаетъ ужасатися, таковую трагедію возвѣщати! Но послушаніе все преодолѣваетъ, паче же стужанія, або[30] докучанія вашего ради частаго. Но и сіе къ тому злому началу еще возмогло: понеже остался отъ отца своего зѣло младъ, аки дву лѣтъ; по немногихъ же лѣтѣхъ, и мати ему умре;Апрѣля 1538 потомъ питаша его велицые гордые Паны, по ихъ языку Боярове[31], его на свою и дѣтей своихъ бѣду, ретящеся[32] другъ предъ другомъ, ласкающе и угождающе ему во всякомъ наслажденію и сладострастію.
Егда же началъ приходити въ возрастъ, аки лѣтъ въ дванадесять, и впредь что творилъ, умолчу иныя и иныя[33], обаче же возвѣщу сіе: началъ первѣе безсловесныхъ крови проливати, съ стремнинъ высокихъ мечюще ихъ, (а по ихъ языку, съ крылецъ, або[34] съ теремовъ), такожъ и иныя многія неподобныя дѣла творити, являющи хотящее быти не милосердое[35] произволеніе въ себѣ, яко Соломонъ глаголетъ: мудрый, рече, милуетъ души скотовъ своихъ, такожъ и безумный біетъ ихъ нещадно12); а пѣстуномъ ласкающимъ, попущающе сіе и хваляще, на свое горшее отрока учаще. Егда же уже приходяще къ пятомунадесять лѣту, и вяще; тогда началъ человѣковъ уроняти. И собравши четы юныхъ[36] около себя дѣтей и сродныхъ оныхъ предреченныхъ Сигклитовъ, по стогнамъ и по торжищамъ началъ на конехъ съ ними ѣздити и всенародныхъ человѣковъ, мужей и женъ, бити и грабити, скачуще и бѣгающе всюду неблагочиннѣ. И воистинну, дѣла разбойническія самыя творяше, и иныя злыя исполняше, ихъ же не токмо глаголати излишно, но и срамно; ласкателемъ же все таковое на свою бѣду восхваляющимъ: „о храбръ,[37] глаголюще, будетъ сей Царь и мужественъ!“ Егда же пріиде къ седьмомунадесять лѣту, тогда тѣжъ прегордые Сигклитове начаша подущати[38] его и мстити имъ свои недружбы, единъ противъ другаго; и первѣе убиша1542. мужа пресильнаго,[39] зѣло храбраго Стратига[40] и великороднаго, иже былъ съ роду Княжатъ Литовскихъ, единоколѣненъ Кролеви Польскому Ягайлу, именемъ Князь Иванъ Бѣльскій, иже не токмо былъ мужественъ, но и въ разумѣ многъ[41] и въ священныхъ писаніяхъ въ нѣкоторыхъ[42] искусенъ13).
1545.По малѣ же[43] времени, онъ же самъ повелѣлъ убити такожде благородное едино Княжато, именемъ Андрея Шуйскаго, съ роду Княжатъ Суздальскихъ14). Потомъ, аки по двухъ лѣтѣхъ, убилъ трехъ великородныхъ мужей: единаго, ближняго сродника своего, рожденнаго съ сестры[44] отца его,1546. Князя Іоанна Кубенскаго, иже былъ у отца его великимъ Земскимъ Маршалкомъ; а былъ роду Княжатъ Смоленскихъ и Ярославскихъ, и мужъ зѣло разумный и тихій, въ совершенныхъ уже лѣтѣхъ15); и вкупѣ побіени съ нимъ предреченные[45] мужіе, Ѳеодоръ и Василій Воронцовы16), родомъ отъ Нѣмецка языка, а племени Княжатъ Решскихъ[46]. И тогда же убіенъ Ѳеодоръ, глаголемый Невѣжа, зацный[47] и богатый землянинъ. А мало предъ тѣмъ, аки за два лѣта, удавленъ отъ него Князя Богдана сынъ Трубецкаго, въ пятинадесяти лѣтѣхъ младенець, Михаилъ именемъ, съ роду Княжатъ Литовскихъ17); и потомъ, памятамися[48], тогожъ лѣта убіени отъ него благородные Княжата: Князь Іоаннъ Дорогобужскій, съ роду Великихъ Княжатъ Тверскихъ18), и Ѳеодоръ, единочадный сынъ Князя Іоанна, глаголемаго Овчины[49], съ роду Княжатъ Торусскихъ и Оболенскихъ19), яко ягнцы неповинные заколены[50], еще въ самомъ наусіи[51]. Потомъ, егда началъ всякими безчисленными злостьми превосходити, тогда Господь, усмиряющій лютость его, посѣтилъ градъ великій, Москву, презѣльнымъ огнемъ, и такъ явственнѣ гнѣвъ Свой навелъ; аще бы по ряду писати, могла бы повѣсть цѣлая быти, обо[52] книжица; а предъ тѣмъ, еще во младости его, безчисленными плѣненьми варварскими, ово отъ Царя Перекопскаго[53], ово отъ Татаръ Нагайскихъ, сирѣчь Заволжскихъ, а наипаче и горше всѣхъ, отъ Царя Казанскаго, сильнаго и можнаго[54] мучителя Христіанскаго, иже подъ властію своею имѣлъ шесть языковъ различныхъ20), ими же безчисленное и неисповѣдимое[55] плѣненіе и кровопролитіе учинялъ, такъ, иже уже[56] все было пусто за осьмнадесять миль до Московскаго мѣста[57]. Такожъ и отъ Перекопскаго, або[58] оть Крымскаго Царя, и отъ Нагай вся Рязанская земля, ажъ по самую Оку рѣку, спустошена; а внутрь человѣкоугодникомъ, со Царемъ младымъ, пустошающимъ и воюющимъ нещадно отечество21). Тогдажъ случилось, послѣ того предреченнаго пожару, презѣльнаго и воистинну зѣло страшнаго, о немъ же никтожъ сумнится рещи, явственный гнѣвъ Божій: а чтожъ тогда бысть?
22 іюня 1547.Бысть возмущеніе великое всему народу, яко и самому Царю утещи отъ града со своимъ дворомъ22); и въ томъ возмущеніи убіенъ вуй[59] его Князь Юрій Глинскій отъ всего народа, и домъ его весь разграбленъ23); другой же вуй его[60] Князь Михаилъ Глинскій, который былъ всему злому начальникъ, утече, и другіе человѣкоугодницы сущіе съ нимъ разбѣгошася. И въ то время дивно бѣ[61], яко Богъ руку помощи подалъ отдохнути землѣ Христіанской, образомъ симъ: тогда убо, тогда, глаголю, пріиде къ нему единъ мужъ, Презвитеръ чиномъ, именемъ Селивестръ, пришлецъ отъ Новаграда Великаго, претяще ему отъ Бога священными писаньми и строзѣ[62] заклинающе его страшнымъ Божіимъ именемъ; еще къ тому, и чудеса и аки бы явленіе отъ Бога повѣдающе ему: не вѣмъ, аще истинныя, або такъ ужасновенія пущающе[63], буйства его ради, и для дѣтскихъ неистовыхъ его нравовъ, умыслилъ былъ себѣ сіе. Яко многажды и отцы повелѣваютъ слугамъ[64] дѣтей ужасати мечтательными страхи, и отъ излишныхъ игоръ презлыхъ сверстниковъ: сице и сей, мню[65], блаженный малую грозу присовокупляетъ благокозненія[66], ею же великое зло цѣлити умыслилъ. Яко и врачеве дѣлаютъ, по неволѣ, согнившія гагрины[67] стружуще и рѣжуще желѣзомъ, або дикое мясо, возрастающее на ранѣ, обрѣзающе ажъ до живаго мяса; сему негли подобно, и онъ блаженный, льстецъ[68] истинный, умыслилъ; яко и послѣдовало дѣло: иже душу его отъ прокаженныхь ранъ исцѣлилъ и очистилъ былъ, и развращенный умъ исправилъ, тѣмъ и овымъ[69] наставляюще на стезю правую24). Съ нимъ же соединяется, во общеніе, единъ благородный тогда юноша, къ доброму и полезному общему, именемъ Алексѣй Адашевъ; Цареви жъ той Алексѣй въ то время[70] зѣло любимъ былъ и согласенъ, и былъ онъ общей вещи зѣло полезенъ, и отчасти, въ нѣкоторыхъ нравѣхъ, Ангеломъ подобенъ. И аще бы вся по ряду изъявилъ[71] о немъ, воистинну вѣрѣ не подобно было бы предъ грубыми[72] и мірскими[73] человѣки25). И аще же воззримъ, яко благодать святаго Духа вѣрныхъ въ новомъ[74] Завѣтѣ украшаетъ, не по дѣломъ нашимъ, но по преизобильности щедротъ Христа нашего, иже не токмо не дивно будетъ, но и удобно: понеже и крови своей Сотворителъ всяческихъ не жаловалъ[75] за насъ изліяти. Но прекративъ сіе, до предреченныхъ паки возвратимся.
Что же сіе мужіе два творятъ полезное землѣ оной, спустошенной уже воистинну и зѣло бѣднѣ сокрушенной? Приклони же ужъ уши, и слушай со прилежаніемъ! Сіе творятъ, сіе дѣлаютъ! Главную доброту начинаютъ — утверждаютъ Царя, и якого Царя? Царя юнаго, и во злострастіяхъ[76] и въ самовольствіи безъ отца воспитаннаго, и преизлище прелютаго, и крови уже напившагося всякія, не токмо всѣхъ животныхъ, но и человѣческія. Паче же, и согласныхъ его на зло прежде бывшихъ, овыхъ отдѣляютъ отъ него (яже[77] быша зѣло люты), овыхъ же уздаютъ[78] и воздержатъ[79] страхомъ Бога живаго. И что же еще по семъ придаютъ? Наказуютъ опаснѣ благочестію; молитвамъ же прилежнымъ къ Богу, и постомъ, и воздержанію внимати со прилежаніемъ,[80] завѣщаваетъ оный Презвитеръ, и отгоняетъ отъ него оныхъ предреченныхъ прелютѣйшихъ звѣрей, сирѣчь, ласкателей и человѣкоугодниковъ, надъ нихъ же ничтоже[81] можетъ быти повѣтреннѣйшаго26) во Царствѣ, и отсылаетъ и отдѣляетъ отъ него всяку нечистоту и скверну, прежде ему приключшуюся отъ сатаны; и подвижетъ на то и присовокупляетъ себѣ въ помощь Архіерея онаго великаго града27) и къ тому, всѣхъ предобрыхъ и преподобныхъ мужей, Презвитерствомъ[82] почтенныхъ: и возбуждаютъ[83] Царя къ покаянію, и исчистивъ сосудъ его внутренній, яко подобаетъ, къ Богу приводятъ, и святыхъ, непорочныхъ Христа нашего Таинъ сподобляютъ, и въ сицевую высоту онаго,[84] прежде бывшаго окаяннаго, возводятъ, яко и многимъ окрестнымъ языкомъ дивитися обращенію его и благочестію.
И къ тому еще и сіе[85] прилагаютъ: собираютъ къ нему Совѣтниковъ, мужей разумныхъ и совершенныхъ, во старости мастистѣй[86] сущихъ, благочестіемъ и страхомъ Божіимъ украшенныхъ; другихъ же, аще и въ среднемъ вѣку, такожъ предобрыхъ и храбрыхъ, и тѣхъ и онѣхъ въ военныхъ и земскихъ вещахъ по всему искусныхъ: и сице ему ихъ въ пріязнь и въ дружбу усвояютъ, яко безъ ихъ совѣту, ничесоже устроити или мыслити. Воистинну премудрому Соломону глаголющему: Царь, рече, добрыми совѣтники, яко градъ претвердыми[87] столпы утвержденъ; и паки: любяй, рече, совѣтъ, хранитъ свою душу, а не любяй его, совсѣмъ изчезнетъ: понеже, яко безсловеснымъ надлежитъ чувствомъ по естеству управлятися, сице всѣмъ словеснымъ, совѣтомъ и разсужденіемъ. И нарицались тогда оные совѣтницы у него Избранная Рада[88] воистинну по дѣломъ и нареченіе имѣли28): понеже все избранное и нарочитое совѣты своими производили, сирѣчь: судъ праведный, нелицепріятенъ, яко богатому, тако и убогому, еже бываетъ въ Царствѣ наилѣпшее;[89] и къ тому Воеводъ, искусныхъ и храбрыхъ мужей, сопротивъ враговъ избираютъ, и Стратилатскіе чины устрояютъ, яко надъ ѣздными[90], такъ и надъ пѣшими; и аще кто явится мужественнымъ въ битвахъ, и окровитъ[91] руку въ крови вражьей, сего дарованьми почитано, яко движными вещи, такъ и не движными. Нѣкоторые жъ отъ нихъ, искуснѣйшіе, того ради и на вышніе степени возводились29). А паразитовъ,[92] или тунеядцовъ, сирѣчь подобѣдовъ или товарищей[93] трапезамъ, яже блазенствомъ[94] или шутками питаются, и кормы хаютъ,[95] не токмо тогда не даровано, но и отгоняемо, вкупѣ съ скомрахи,[96] и со иными, прелукавыми и презлыми, таковыми роды; но токмо на мужество человѣковъ подвизаемо и на храбрость, всякими роды даровъ или мздовоздаяньми, каждому по достоянію30).
Примѣчанія править
- ↑ Въ Р. и К. докучаніемъ (неотступная просьба).
- ↑ Въ Э. дѣлѣхъ; въ Б. во иныхъ вещахъ.
- ↑ Въ Б. прислучившихся; въ К. приключившихся.
- ↑ Въ Р. и К. изъ начала; въ Б. и Э. и сначала.
- ↑ Въ Р. и К. Княжать.
- ↑ Въ Р. и К. чародѣйницами; въ Б. и чародѣйцамъ (посредствомъ женъ).
- ↑ Въ П. супротивныхъ.
- ↑ Въ Р. и К. Соломонидою; въ Б. Соломяніею.
- ↑ Въ Э. повелѣлъ; въ П. на полѣ: повелѣлъ.
- ↑ то есть: тѣсную, трудную.
- ↑ Изъ Б; въ П. возбраняющу.
- ↑ Изъ Б; въ П. мниси и сигклитове (Сановники)
- ↑ Въ Э. Патрикіева.
- ↑ Въ Э. и тамъ.
- ↑ Въ К. и Э. да не зазритъ; въ Р. да не зазрите; въ Б. да не зазрится (неукорите.)
- ↑ Въ Б. равностью.
- ↑ Въ Э. рекомый.
- ↑ Въ Б. но игеръ безщенъ.
- ↑ прибав. изъ Р.
- ↑ т. е. Россіянъ.
- ↑ Въ Э. злодѣямъ.
- ↑ Изъ Р. въ П. и Б. презлыхъ Осифляномъ. Въ К. приб. Іосифа Волоколамскаго монастыря монахомъ.
- ↑ потворщики, потатчики.
- ↑ т. е. въ послѣдствіи.
- ↑ въ Э. родися; въ В. родихъ; въ Р. родилась.
- ↑ Въ Э. Златоустивый.
- ↑ Въ Б. возвѣщалъ; въ Э. возвѣщася.
- ↑ Въ Р. и Э. скутался; въ К. окутался; въ Б. спутался (притупился).
- ↑ Въ Э. о мучителяхъ.
- ↑ т. е. или.
- ↑ Въ Э. Боляре. т. е. на Русскомъ языкѣ.
- ↑ Въ Э. ярящеся.
- ↑ Въ Р. иные и иные; въ Б. и инные.
- ↑ Въ Э. или.
- ↑ Въ Б. немилосердіе.
- ↑ Въ Б. отъ нихъ; въ Э. отъ юныхъ.
- ↑ Въ Б. о храбрыхъ.
- ↑ Въ Б. порущати; въ П. покущати.
- ↑ Въ Б. Персискаго.
- ↑ Военачальника.
- ↑ Въ Э. многомь.
- ↑ Въ Э. нѣсколько.
- ↑ Въ Р. и К. по малѣ же; въ Б. по малемъ.
- ↑ Въ Э. отъ сестры.
- ↑ Въ Э. нарочитые.
- ↑ Въ Э. Решскихъ; въ К. племянники Княжать Рѣшскихъ. (Имперскихъ).
- ↑ Въ Э. честный. (знатный).
- ↑ Такъ въ Б. и въ Р.; лъ Э. и К. памятась ми; въ П. памятались. (помнится мнѣ).
- ↑ Въ Э. Овчинина; въ Р. и К. Овчину.
- ↑ Въ Э. закланы.
- ↑ Въ Б. наусни; въ К. наусій (въ юношествѣ).
- ↑ Въ Э. или.
- ↑ Въ Э. и въ П. на полѣ: Крымскаго.
- ↑ Въ Э. мужлаго (мощнаго).
- ↑ Въ Э. во множествѣ неисповѣдимомъ.
- ↑ Въ Э. такъ что; въ Р. и К. такъ же уже.
- ↑ Въ Э. до града Москвы.
- ↑ Въ Р. або; въ Э. или.
- ↑ Изъ Р. и К. въ Э. воинъ; въ В. отъ вои; въ П. отъ вой. (вуй — дядя по матери).
- ↑ Въ Э. братъ его; въ П. вой.
- ↑ Такъ въ Э.; въ П. Б. и К. нѣ яко; въ Р. не яко.
- ↑ Въ Р. и съ розе; въ Э. лютѣ; въ К. строзе; въ П. на полѣ: люте.
- ↑ Изъ К. и Р.; въ Б. питающе; въ Э. пущаше; въ П. пакъ ужаснованія пущающе.
- ↑ Въ Б. по повелѣніяімъ.
- ↑ Въ Б. не мню; въ Э. и сей мню.
- ↑ изъ К. и Р. въ Э. малую благокознію; въ П. Б. малую благокозненію.
- ↑ Антоновъ огонь.
- ↑ Въ Б. подобно Іоаннъ блаженный льстецъ; въ Э. отецъ. въ К. лечецъ.
- ↑ Въ Б. повѣмъ.
- ↑ Въ Э. иже и Цареви въ то время.
- ↑ Въ Б. и язвилъ.
- ↑ Въ Э. другими.
- ↑ Въ Б. мерзкими.
- ↑ Въ Э. въ новѣ.
- ↑ Въ Э. не пощаде. (не пожалѣлъ).
- ↑ Въ Р. и К. сладострастіяхъ; въ Э. злестрастіяхъ.
- ↑ Въ Э. понеже.
- ↑ Въ Р. узидаютъ; въ Э. обуздываютъ; въ К. уздаютъ. (Обуздываютъ).
- ↑ Въ Р. воздержаютъ; въ Э. и К. воздерживаютъ.
- ↑ Въ Э. со тщаніемъ.
- ↑ Въ Р. ничесомъ.
- ↑ Въ Р. презвитеровъ.
- ↑ Въ Э. уже возмужаютъ.
- ↑ Изъ Б; въ П. отъ него; въ Р. и К. отъ онаго прежде; въ Э. они послѣжде.
- ↑ Въ Р. сей; въ Э. сіе; въ Б. и сія.
- ↑ В. Р. и К. маститей.
- ↑ Въ Р. наикрѣпчайшими.
- ↑ Въ Б. избранная радь; въ Э. дума. (Совѣтъ).
- ↑ Въ Э. лучшее.
- ↑ Въ Э. конными.
- ↑ Въ Б. окровилъ; въ Э. окровавилъ; въ К. окропитъ.
- ↑ Въ Э. пораженныхъ (паразитъ, блюдолизъ, объѣдало).
- ↑ Въ Б. творяще; въ Э. творящіи.
- ↑ въ Б. и Э. блаженствомъ. (шутовство, фиглярство).
- ↑ Насмѣхаются надъ кормомъ.
- ↑ Скоморохами, шутами.