А въ погребѣхъ, и на лѣдникахъ, и на погребицахѣ[1], хлѣбы, и калачи, сыры, и яица, забѣла, и лукъ, чеснокъ, и мясо всякое свѣжее, и солонина, и рыба свѣжая, и просолная, и медъ преснои, и ѣства вареная, и мясная, и рыбная, и всякои запасъ ѣстомой[2], и огурцы, и капуста, соленая и свѣжая, и рѣпа, а всякіе овощи, и рыжики, и икра, росолы ставленые, и морсы[3], квасы яблочные; и воды брусничные, и вина фряскіе[4], и горючіе[5], меды всякіе, и пива,— сыченые, и простые, и брага,—и всякаго того запасу ключнику вѣдати; и сколко чего на погребѣ[6] поставлено, и на ледникѣ, и на погребцѣ,—всебъ то сочтено было, и перемѣчено: что въ полне и что не въ полне; и перемѣчено[7], и записано: и сколко куды чего отдастъ по приказу государеву,—и сколко чего разойдется; то бъ было все въ счетѣ,—было бъ что государю сказати, и отчетъ во всемъ дати; а всебъ то было чисто, и въ покрытѣ, и не затхлося, и не заплесневѣло[8], и не прокисло; а вина фряскіе, и сыченые, перевара, всякое лутчее питіе, въ оприченномъ[9] погребѣ, за замкомъ держати; а самъ бы тамо ходилъ.
Примѣчанія
править- ↑ Арх. и Цар.=погребцахъ.
- ↑ Арх.=съѣстной. Пог. Цар.=ѣстовной.
- ↑ Арх. Пог. Цар. и вишневой въ патокѣ, и малиновой; и яблоки, и груши, и дыни, и арбузы въ патокѣ, и сливы, и лимоны, и левашники, и пастилы.
- ↑ Пог.=ѳряжкіе.
- ↑ Арх. Пог. Цар.=горячіе.
- ↑ Конш.=погрѣбицѣ.
- ↑ Арх. Цар. и перемѣрено.
- ↑ Ibid. и не текло, и не изгибло.
- ↑ Конш.=опришенномъ.
