Викитека

Домострой. По рукописям Императорской Публичной Библиотеки (Яковлев 1867)/I/3/ДО

< Домострой. По рукописям Императорской Публичной Библиотеки (Яковлев 1867) | I/3

 

[8]
ГЛАВА Г.
КАКО ТАИНАМЪ БОЖІИМЪ ПРИЧАЩАТИСЯ И ВѢРОВАТИ ЯКО БУДЕТЪ В0СКРЕСЕНІЕ МЕРТВЫМЪ, И СТРАШНАГО СУДА ЧАЯТИ, И КАКО КАСАТИСЯ СВЯТЫНИ ВСЯКІЯ.

Таинамъ Божіимъ вѣруи, тѣлу и крови его вѣрою[1] причащаися и со страхомъ, на очищеніе и на освященіе души[2] и тѣлу и во оставленіе грѣховъ и во жизнь вѣчную. Вѣруи быти воскресенію мертвыхъ и жизни будущаго вѣка. Помяни страшныи судъ и возданіе по дѣломъ будетъ намъ; аще когда преочистивъ себѣ духовне, въ чистеи совѣсти коснутися и съ молитвою и моленіемъ цѣловати животворящіи крестъ, и Святыя, честныя и чюдотворныя образы, и многоцѣлебныя мощи: по моленіи прекрестяся поцѣловати духъ въ себѣ удержавъ, а губаше не плескати[3]. А благоволитъ Богъ[4] причаститися Божественныхъ[5] таинъ, ино лжицею, отъ иерея пріемля во уста опасно: губами не [9]сверкати, руцѣ имѣя ко персемъ согбени крестообразно[6], а дора, и просфира, и всякая святая вкушати бережно съ вѣрою и со страхомъ, крохи на земь не уронити, а зубомъ[7] не кусати, яко же прочіи хлѣбы; уломываючи кусовцемъ[8], класти въ ротъ, а ясти зубами[9] и ртомъ не плескати[10], а просфиры съ вологою не ясти токмо вода прихлебывати[11] или вина служебнаго въ укропъ прибавити; а иного ничего не примѣшивати, а прежъ всякія ѣствы вкушается[12] просфира въ церкви или въ дому; а съ кутіею ни како жъ просфиры[13] ни канономъ, и ни съ какою вологою не вкушати; ни на кутію просфиры не класти. Аще съ кѣмъ о Христѣ цѣлованіе сотворити, такожъ—духъ въ себѣ удержавъ поцѣловатися; а губами не плескати, поразсуди человѣческія немощи, нечювственаго духа гнушаемся хмѣлнаго, чесночнаго, болнаго и всякаго смрада; толь[14] мерзко Господеви нашъ смрадъ и обоняніе; сего ради со опасеніемъ сіетворите.

 

Примѣчанія

править
  1. ↑ Ibid.=тѣлу Его, крови вѣруи, и.
  2. ↑ Ibid. же.
  3. ↑ Ibid. Р. Т. № 38=а губъ не разѣваючи.
  4. ↑ Конш. кому.
  5. ↑ Ibid. Христовыхъ.
  6. ↑ Арх. Бол. и Пог. аще кто достоинъ.
  7. ↑ Конш.=зубами просфиры.
  8. ↑ Р. Т. № 38 и Конш.=не велики кусочки.
  9. ↑ Конш.=губами.
  10. ↑ Р. Т. № 38 и Конш.=чавкати.
  11. ↑ Конш.=или укропу, съ виномъ служебнымъ или безъ вина.
  12. ↑ Конш.=свершается.
  13. ↑ Ibid. не ѣсти.
  14. ↑ Ibid. коль.


Это произведение перешло в общественное достояние в России согласно ст. 1281 ГК РФ, и в странах, где срок охраны авторского права действует на протяжении жизни автора плюс 70 лет или менее.

Если произведение является переводом, или иным производным произведением, или создано в соавторстве, то срок действия исключительного авторского права истёк для всех авторов оригинала и перевода.

Источник — https://ru.wikisource.org/w/index.php?title=Домострой._По_рукописям_Императорской_Публичной_Библиотеки_(Яковлев_1867)/I/3/ДО&oldid=1181319