А кто не разсудя[2] и не смѣтя своего живота[3], и промыслу, и добытку или государьскаго жалованія, и своего уроку и учнетъ, глядя на людей, жити не по силѣ, заимуя или не праведнымъ имѣніемъ,—и та честь будетъ съ великимъ безчестіемъ, и укоризною и поношеніемъ; и во злое время никто ему не поможетъ, отъ своего безумія стражетъ; отъ Бога грѣхъ, а отъ людей посмѣхъ. Ино надобѣ всякому человѣку тщеславія и похвалы бѣгати, и неправеднаго стяжанія[4]; и жити по силѣ и по промыслу и подобытку своему смѣтя, прямою силою. Ино житіе благопріятно и угодно Бугу[5], а отъ людей похвално, и себѣ и дѣтемъ своимъ прочно.
