Аще даруетъ Богъ кому жену добру дрожаиши есть каменія многоцѣннаго; таковая отъ добры корысти не лишится, дѣлаетъ мужу своему все благо житіе. Обретши волну и ленъ, творить[3] благопотребная[4] руками своима; бысть яко корабль куплю дѣющь, изъ далеча сбираетъ все[5] богатство; и возстаетъ изъ нощи даетъ брашно душу и дѣло рабынямъ; отъ плода руку своею насадитъ стяжаніе много; препоясавши крѣпко чресла своя, утвердитъ мышца своя на дѣло; и чадъ своихъ научаетъ, такоже и рабынь[6]; и не угасаетъ свѣтилникъ ея во всю нощь; руцѣ своя прастираетъ на полезная; локти же своя простираетъ на веретено; милость же простираетъ убогу; плодъ же подаетъ нищимъ; непечется о дому своемъ мужъ ея; многоразличная одѣянія и преукрашенна сотворить мужу своему, и себѣ же, и чадамъ, и домочадцемъ своимъ[7]; и сядетъ и знаемымъ велми честенъ будетъ[8]; и благоразумно бесѣдуетъ[9] и разумѣетъ яко добро дѣлати; никто жъ бо безъ труда вѣнчанъ будетъ. Жены ради добры блаженъ есть мужъ и число дніи его сугубо[10]; жена добра часть блага въ части боящихся Бога[11] да будетъ; жена бо своего мужа честнѣ творяща, первѣе: Божіею заповѣдь совершивъ и сохранивъ, благословена будешь, а второе: отъ человѣкъ хвалима есть; жена добра, и страдолюбива[12] и молчалива вѣнецъ есть мужу своему; обрѣтыи[13] бо мужъ жену свою добру, износитъ изъ дому своего благая. Блаженъ есть таковыя жены мужъ: и лѣта своя исполняетъ въ долзѣ мирѣ. О доброи женѣ хвала мужу и честь[14]; добрая жена по смерти мужа своего спасетъ.
Примѣчанія править
- ↑ Въ Р. Т. № 38 и Конш. глава К.
- ↑ Ibid.=женамъ.
- ↑ Конш.=сотвори.
- ↑ Ibid.=благопотребно.
- ↑ Ibid.=въ себѣ богатество.
- ↑ Ibid.=рабъ.
- ↑ Р. Т. № 38 и Конш. внегда бысть мужъ въ сонмище съ вельможи.
- ↑ =бысть.
- ↑ Ibid.=бесѣдова.
- ↑ Р. Т. № 38 и Конш. жена добра веселитъ мужа своего и лѣта его исполни е миромъ.
- ↑ Конш.=Господа.
- ↑ Болш.=страннолюбива.
- ↑ Конш.=обрѣте.
- ↑ Въ Р. Т. № 38 и Конш. здѣсь оканчивается глава.
