Аще дарует Бог кому жену добру дрожайши есть камения многоценнаго; таковая от добры корысти не лишится, делает мужу своему все благо житие. Обретши волну и лен, творить[3] благопотребная[4] руками своима; бысть яко корабль куплю деющ, из далеча сбирает все[5] богатство; и возстает из нощи дает брашно душу и дело рабыням; от плода руку своею насадит стяжание много; препоясавши крепко чресла своя, утвердит мышца своя на дело; и чад своих научает, такоже и рабынь[6]; и не угасает светилник ея во всю нощь; руце своя прастирает на полезная; локти же своя простирает на веретено; милость же простирает убогу; плод же подает нищим; непечется о дому своем муж ея; многоразличная одеяния и преукрашенна сотворить мужу своему, и себе же, и чадам, и домочадцем своим[7]; и сядет и знаемым велми честен будет[8]; и благоразумно беседует[9] и разумеет яко добро делати; никто ж бо без труда венчан будет. Жены ради добры блажен есть муж и число днии его сугубо[10]; жена добра часть блага в части боящихся Бога[11] да будет; жена бо своего мужа честне творяща, первее: Божиею заповедь совершив и сохранив, благословена будешь, а второе: от человек хвалима есть; жена добра, и страдолюбива[12] и молчалива венец есть мужу своему; обретыи[13] бо муж жену свою добру, износит из дому своего благая. Блажен есть таковыя жены муж: и лета своя исполняет в долзе мире. О доброй жене хвала мужу и честь[14]; добрая жена по смерти мужа своего спасет.
Примечания
править- ↑ В Р. Т. № 38 и Конш. глава 20.
- ↑ Ibid. = женам.
- ↑ Конш. = сотвори.
- ↑ Ibid. = благопотребно.
- ↑ Ibid. = в себе богатество.
- ↑ Ibid. = раб.
- ↑ Р. Т. № 38 и Конш. внегда бысть муж в сонмище с вельможи.
- ↑ = бысть.
- ↑ Ibid. = беседова.
- ↑ Р. Т. № 38 и Конш. жена добра веселит мужа своего и лета его исполни е миром.
- ↑ Конш. = Господа.
- ↑ Болш. = страннолюбива.
- ↑ Конш. = обрете.
- ↑ В Р. Т. № 38 и Конш. здесь оканчивается глава.
