Викитека

Домострой. По рукописям Императорской Публичной Библиотеки (Яковлев 1867)/I/12/ДО

< Домострой. По рукописям Императорской Публичной Библиотеки (Яковлев 1867) | I/12

 

[28]
ГЛАВА ВI[1].
КАКО МУЖУ СЪ ЖЕНОЮ И ДОМОЧАДЦЫ ВЪ ДОМУ СВОЕМЪ МОЛИТИСЯ БОГУ.

По все дни, въ вечерѣ, мужу съ женою, и съ дѣтми, и съ домочадцы и кто умѣетъ грамотѣ отпѣти вечерня, и повечерница, и полунощница съ молчаніемъ[2] и съ кротостію съ стояніемъ[3], и съ молитвою, и съ поклоны;—пѣти внятно и единогласно. А послѣ правила, отнюдь, ни пити, ни ясти, ни молвы творити всегда, а всему тому наукъ; а ложася спати, всякому христіанину по три поклона въ землю предъ Богомъ положити; а въ полунощи всегда таино воставъ помолитися о своемъ согрѣшеніи, елико вмѣстимо; а во утре, воставая, такожъ творити и комуждо противу силы и по желанію, а не празднымъ[4] женамъ кланятися[5] до пояса. Всякому жъ христіанину молитися о своемъ согрѣшеніи и о отпущеніи грѣховъ и о царѣ, и о царицѣ и о ихъ чадахъ, [29]о здравіи[6] и о благовѣрныхъ князехъ, и болярехъ, и о христолюбивомъ воинствѣ, о помощи на враги о плѣненныхъ свободѣ, о святительскомъ и священническомъ и мнишескомъ[7] чину и о отцехъ духовныхъ и о болящихъ и въ темницахъ заключенныхъ и за вся христіяны. Женѣ такожъ молитися о своемъ согрѣшеніи, и о мужѣ, и о чадѣхъ, и о домочадцѣхъ и о сродницѣхъ и о отцѣхъ духовныхъ[8]; и по моленіи семъ утре, въставая, отпѣти заутреняя и часы[9], и молебенъ, съ молитвою и съ молчаніемъ и съ кротостію и съ кроткостояніемъ и единогласно пѣти, и со вниманіемъ слушати, и съ святымъ каженіе. А гдѣ некому пѣти, ино молитися доволно, въ вечере и утре; а мужемъ отнюдь не погрѣшати церковнаго пѣнія вечерни и заутрени и обѣдни[10]; а женамъ и домочадцемъ какъ вмѣстимо, по разсуженію въ недѣлю и въ праздники и во святыя дни.

 

Примѣчанія

править
  1. ↑ Р. Т. № 38 продолжается таже глава. Конш. гл. XII.
  2. ↑ Р. Т. № 38 и Конш. и со вниманіемъ.
  3. ↑ Ibid.=и съ кроткостояніемъ.
  4. ↑ Цар.=бременнымъ.
  5. ↑ Ibid.=поклоны класть.
  6. ↑ Р. Т. № 38 и Конш. и о братіи его.
  7. ↑ Арх.=иноческомъ.
  8. ↑ Конш. а мужу тако же.
  9. ↑ Ibid. а въ недѣлю и въ праздникъ.
  10. ↑ Въ Р. Т. № 38 и Конш. здѣсь оканчивается глава.


Это произведение перешло в общественное достояние в России согласно ст. 1281 ГК РФ, и в странах, где срок охраны авторского права действует на протяжении жизни автора плюс 70 лет или менее.

Если произведение является переводом, или иным производным произведением, или создано в соавторстве, то срок действия исключительного авторского права истёк для всех авторов оригинала и перевода.

Источник — https://ru.wikisource.org/w/index.php?title=Домострой._По_рукописям_Императорской_Публичной_Библиотеки_(Яковлев_1867)/I/12/ДО&oldid=1181773