Наоучися вѣрныи члвце быти блгочстью дѣлатель, наоучися жити по евангльскому житию и по словеси: очима оуправление, языкоу оудрьжание (=въздержание), тѣлоу порабощение, помыслъ чстъ имѣи, гнѣвоу потрѣбление, поноужаися на добрыя дѣла Господа ради. Лишаимъ — не мьсти, ненавидимъ — люби, гонимъ — тьрпи, хоулимъ — моли, оумьртви грѣхы, распьнися съ Христъмь, любовь възложи на Господа, да обрящеши (англа), иде[1] же англъ тмы соуть и пьрвѣньць сбори, апльстии прѣстоли и патриаршьстии жьзли, вѣньци мчнць, стии похвалы, — правьдныхъ тѣхъ самъ ся причти и въжелѣи, егда придѣть на тя напасть отъ искоушения Божія, ли нагота, ли скърбь, лі гладъ, ли ино что, ли недоугъ, исоушая тѣло твое, ли кръвопролитие Господа ради, — тьрпи съ похвалою бжиею, надѣяся на нь, яко на млства, да дьрзновеньно и несрамно речеши: проидохомъ скозѣ огнь и водоу, изведѣны въ оутѣхоу.
Примѣчанія править
- ↑ Гдѣ.
