Къ святительскому чину всегда прибѣгаи, и должную честь воздаваи имъ; благословенія и духовнаго поученія требуи отъ нихъ; и припадаи къ ногамъ ихъ и во всемъ повинуися имъ по Бозѣ; такожъ священническому чину и мнишескому велію вѣру, и любовь, и повиновеніе и всякое покореніе предъ ними имѣи; и духовную ползу отъ нихъ внимаи[3], а о недоразумныхъ[4] и о душевныхъ совѣстѣхъ и о всякихъ грѣховыхъ винахъ, безъ всякого зазору спрашиватися у нихъ; и аще нѣкокая скорбь посѣтить тя душевная или тѣлесная, или болѣзнь, или какои недугъ, или пожаръ, и потопъ, или татба, или разбои, или царьская[5] опала, или властелинъ гнѣвъ, или поклепъ, или оговоръ, или продажа зла, и всякая неизбытная печаль[6],—о всѣхъ сихъ не отчаися; воспомяни своя предняя согрѣшенія; еже зла содѣя къ Богу и человѣкомъ, и пролеи теплыя слезы милостивому Владьщѣ и Пречистой Богородицѣ и ко всѣмъ Святымъ; и прибѣгни къ необоримому пристанищу, къ симъ духовнымъ наказателемъ исповѣждь своя согрѣшенія, скорбь, со умиленіемъ, и со слезами и сокрушеніемъ сердечнымъ: могутъ тя уврачевати во всякихъ скорбѣхъ и духовную[7] ползу даровати; а еже повѣлятъ ти сіе твори отъ божественнаго исправленія[8] тіи бо суть слуги и молебники небеснаго Царя; имѣютъ дерзновеніе у Господа просити добрыхъ и полезныхъ душамъ и тѣломъ нашимъ, и оставленія грѣховъ и жизни вѣчныя.
