Викитека

Домострой. По рукописям Императорской Публичной Библиотеки (Яковлев 1867)/I/27/ДО

< Домострой. По рукописям Императорской Публичной Библиотеки (Яковлев 1867) | I/27

 

[74]
ГЛАВА КЗ[1].
О ПРАВЕДНОМЪ ЖИТІИ.

Аще кто по Бозѣ живетъ и по заповѣди Господни, и по отеческому преданію, и по христіанскому закону; аще ли властели судятъ праведно и нелицемѣрно, всѣмъ ровно, богату и убогу, ближнему и дальнему, знаемому и незнаемому, такожъ доволни будутъ уроки своими праведными и людемъ своимъ велѣти такожъ творити. Аще ли въ селѣ[2], во градѣ, на сосѣдствѣ кто добръ и у своихъ христіянъ; или на власти, или на приказѣ; праведныя оброки въ подобно время емлетъ ни силою, ни грабленіемъ, ни мученіемъ; а коли чего[3] не родилося и заплатити нечѣмъ и онъ наровитъ[4], а у сосѣда и у своего христіанина чего не достало на сѣмена, и лошади или коровы нѣтъ, или государьскія дани нечѣмъ заплатить; ино его подмочи и ссудити, а у самаго мало, ино въ людяхъ самому государю заняти, а своему христіанину дати; и о нихъ болѣзновати отъ всея душа, а отъ всякаго обидящаго беречи ихъ въ правдѣ. А самому государю и людемъ его[5] въ дому, и въ селѣ, и на службѣ, и на жалованіи, и во всякихъ посылкахъ, отнюдь никого ни въ чемъ не обидѣти: ни въ пашнѣ, ни въ землѣ, и въ въ домашнемъ ни въ какомъ запасѣ, ни въ животинѣ. И всякаго неправеднаго стяжанія не желати,—благословенными плоды и [75]праведнымъ стяжаніемъ жити подобаетъ всякому человѣку[6]. И видя Богъ ваша дѣла, и такову милость, и не лицемѣрную любовь ко всѣмъ, и правду[7] и подастъ Богъ богатую милость свою и гобину[8] плодомъ и всякаго изобилія умножитъ. И милостыня твоя[9] отъ праведныхъ трудовъ и отъ благословенныхъ плодовъ Богу пріятна; и молитву ихъ Богъ услышитъ, и отъ грѣховъ свободитъ, и жизнь вѣчную подастъ[10]. А торговые люди, и мастеровые, и земледержцы такожъ: и рукодѣльничаютъ, и пашутъ не крадчи, ни разбоемъ, ни грабленіемъ, ни поклепомъ; ни вылгавъ, ни выбоживъ, ни которымъ злохитръствомъ, ни рѣзоимствомъ; но прямою своею силою, и благословенными плоды[11], и праведными труды торгуютъ и рукодѣльничаютъ, или пашутъ хлѣбъ, и всякое обиліе, и всякое дѣло творять[12] по христіанскому закону и заповѣдямъ Господнимъ. Въ семъ вѣцѣ Богу угодитъ и жизнь вѣчную наслѣдитъ.

 

Примѣчанія

править
  1. ↑ Р. Т. № 38 и Конш. глава КЕ № 1 гл. Л.
  2. ↑ Р. Т. № 1 и въ породѣхъ.
  3. ↑ Р. Т. № 38=что.
  4. ↑ Ibid.=обноровитъ.
  5. ↑ Конш.=твоимъ.
  6. ↑ Ibid.=христіанину.
  7. ↑ Р. Т. № 38 и Конш. во всемъ.
  8. ↑ Арх.=угобзеніе. Бол. умноженіе.
  9. ↑ Конш.=та.
  10. ↑ Р. Т. № 38 и Конш.=даруетъ, этимъ оканчивается глава.
  11. ↑ Р. Т. № 1 Арх. Бол. Пог. Цар.=приплоды торгуютъ.
  12. ↑ Ibid. добрыя.


Это произведение перешло в общественное достояние в России согласно ст. 1281 ГК РФ, и в странах, где срок охраны авторского права действует на протяжении жизни автора плюс 70 лет или менее.

Если произведение является переводом, или иным производным произведением, или создано в соавторстве, то срок действия исключительного авторского права истёк для всех авторов оригинала и перевода.

Источник — https://ru.wikisource.org/w/index.php?title=Домострой._По_рукописям_Императорской_Публичной_Библиотеки_(Яковлев_1867)/I/27/ДО&oldid=1183214