2.—1336—1387. Жалованная грамота Рязанскаго Великаго Князя Олега Іоанновича Ольгову монастырю, на село Арестовское, съ подтвержденіемъ права на владѣніе погостами, землями и другими угодьями данными обители отъ предковъ его и бояръ.
Милосердьемъ Божьимъ и молитвою Святое Богородици, и молитвою отця своего Князя Великого Ивана Олександровича, и благословленьемь Епискупа Рязаньского и Муромского Василья, язъ Князь Великій Олегъ Ивановичь, сгадавъ есмь съ своимь отцемь съ Владыкою съ Васильемь и съ своими бояры (а бояре со мною были: Софоний Алтыкулачевичъ, Семенъ Ѳедоровичь, Микита Аньдрѣевичь, Тимошь Олександровичь, Манасѣя дядько, Юрьи околничий, Юрьи чашьникъ, Семенъ Микитьичъ съ братьею, Павелъ Соробичь), далъ есмь отцю своему Арсѣнью монастырь Святое Богородици, на Ольговѣ, въ свободь, до его живота, а по своемь животѣ воленъ кого въ онь благословить на игуменьство; а далъ есмь Святой Богородици дому Арестовское село, съ винами[1], и съ поличьнымъ, и съ рѣзанькою, и съ шестью-десятъ и со всѣми пошлинами, и съ бортники съ бортными землями, и съ поземомъ, и съ озеры, и съ бобры[2], и съ перевѣсьищи. А возрѣвъ есмь въ даныи грамоты, съ отцемь своимь съ Владыкою съ Васильемъ и съ бояры: коли ставили по первыхъ прадѣди наши Святую Богородицю, Князь Великий Инъгваръ, Князь Олегъ, Князь Юрьи, а съ ними бояръ 300 (
)[3], а мужій 600 (
); тогды дали Святой Богородици дому 9 (
) земль бортныхъ, а 5 (
) погостовъ, Песочна, а въ ней 500 () семий, Холохолна, а въ ней полтораста семий, Заячины, а въ ней 200 (
) семий, Вепрія 200() семий, Заячковъ 100 и 60 (
и 
) семий; а си вси погосты съ землями съ бортными, и съ поземомъ, и съ озеры, и съ бобры, и съ перевѣсьищи, съ рѣзанками и съ шестьюдесятъ, и съ винами, и съ поличнымъ, и со всѣми пошлинами. А хто даныхъ людий прадѣды нашими Святой Богородици дому, гдѣ имутъ сѣдѣти, или бортници, или слободичь, въ моей отчинѣ, ать знаютъ домъ Святой Богородици; а волостели мои ать не вступаются въ нихъ ни о которомъ же дѣлѣ. А Головчинъ далъ Ѳедоръ Борисовичь, а Мордовской далъ Климентъ по Даниловъ дворъ, а Еремѣй Великий съ Глѣбомъ села своя подавали Госпожи Богородици, а мужи Олговскую околицю, купивше у Муромьскихъ Князий, давше 300 () гривенъ, и дали Святой Богородици. А язъ Князь Великий Олегъ Ивановичь, што есмь далъ Арестовское село Святой Богородици дому, и што прадѣди наши подавали которая мѣста и люди, и што бояре подавали дому Святой Богородици, того хочю боронити, а не обидѣти ничимь дому Святой Богородици; а волостели, и даньници, и ямьщики ать не заимають Богородицьскихъ людий ни про штоже; а кто изобидитъ домъ Святой Богородици, или Князь, или Владыка, или волостель, или кто иный, тотъ дасть отвѣтъ передъ Богомъ Святой Госпожи Богородици. А коли есмъ выѣхалъ изъ отчины исъ своее, исъ Переяславля, тогдѣ есмъ обѣтъ учинилъ, къ Святой Госпожи Богородици придалъ есмъ Рязаньское мыто и побережьное, аже ми даеть[4] ...... въ отчинѣ ... своей въ Переяславли.
Подлинникъ писанъ крупнымъ уставнымъ почеркомъ, на пергаментномъ листѣ, длиною 14, шириною 8½ вершковъ. На заглавіи, въ видѣ заставки, изображены живописью Спаситель, Божія Матерь, Іоаннъ Креститель, и Архангелы Михаилъ и Гавріилъ, а по сторонамъ, на поляхъ, Апостолъ Іаковъ (патронъ Князя Олега), съ книгою въ правой рукѣ, и игуменъ Ольгова монастыря Арсеній, въ черной мантіи, молящійся на колѣнахъ. Всѣ святыя лица изображены съ золотымъ сіяніемъ вокругъ ихъ главъ, исключая одного Арсенія. Надписи надъ ними писаны блѣдными чернилами[5]: ІС ХР. МР. Ф. ИВНЪ.[6] МИХАИЛЪ. ГАВРІИЛЪ. АГЫОСЪ ѦКОВЪ. А СЕ ГРѢШЪНЫИ ЧЕРНЕЦЬ АРЬСЕНИИ. Для прямизны строкъ, проведены по всему листу какимъ-то остреемъ линіи, отъ чего онъ по нимъ надрѣзался, въ нѣсколькихъ мѣстахъ прорвался, и подклеенъ холстомъ и бумагою. Внизу грамоты сохранился остатокъ шелковаго малиноваго снурка, на которомъ висѣла княжеская печатъ. — Хранится въ Государственномъ Московскомъ Старыхъ дѣлъ Архивѣ.
Примѣчанія
править- ↑ Въ подлин. слово «съ винами» вырвано, но поставлено здѣсь по контексту.
- ↑ И этого слова въ подлин. недостаетъ.
- ↑ Здесь и далее буквы, обозначающие цифры приводятся без титла. — Примечание редактора Викитеки.
- ↑ Въ подлин. поправлено «далъ есть.» Послѣ сихъ словъ слѣдуетъ пропускъ, кажется, собственнаго имени. Впрочемъ, послѣднія три строки, начиная съ словъ «А коли есмъ выѣхалъ,» до конца акта, приписаны другою рукою, хотя форма буквъ таже.
- ↑ Здесь приведены не изображения ранних кириллических букв как в оригинале, а их дореформенные печатные аналоги. — Примечание редактора Викитеки.
- ↑ До этого места слова находятся под титлами. Далее — без. — Примечание редактора Викитеки.
