Открыть главное меню

Страница:Акты исторические. Том 1.djvu/14

Эта страница была вычитана

исполнивайте все елико глаголеть вамъ душеполезная и спасеная; а что будетъ церковная пошлина, а то ему давайте, по давному по церковному обычаю. А милость Божія и Святой Богородици, и мое благословеніе да будетъ съ вами.

Изъ рукописи подъ заглавіемъ: Посланія Россійскихъ Митрополитовъ и другихъ лицъ (in 4°, XVI вѣка, грам. 93, л. 222 об.—223), хранящейся въ Московской Синодальной библіотекѣ подъ № 562.

2.—1336—1387. Жалованная грамота Рязанскаго Великаго Князя Олега Іоанновича Ольгову монастырю, на село Арестовское, съ подтвержденіемъ права на владѣніе погостами, землями и другими угодьями данными обители отъ предковъ его и бояръ.

Милосердьемъ Божьимъ и молитвою Святое Богородици, и молитвою отця своего Князя Великого Ивана Олександровича, и благословленьемь Епискупа Рязаньского и Муромского Василья, язъ Князь Великій Олегъ Ивановичь, сгадавъ есмь съ своимь отцемь съ Владыкою съ Васильемь и съ своими бояры (а бояре со мною были: Софоний Алтыкулачевичъ, Семенъ Ѳедоровичь, Микита Аньдрѣевичь, Тимошь Олександровичь, Манасѣя дядько, Юрьи околничий, Юрьи чашьникъ, Семенъ Микитьичъ съ братьею, Павелъ Соробичь), далъ есмь отцю своему Арсѣнью монастырь Святое Богородици, на Ольговѣ, въ свободь, до его живота, а по своемь животѣ воленъ кого въ онь благословить на игуменьство; а далъ есмь Святой Богородици дому Арестовское село, съ винами[1], и съ поличьнымъ, и съ рѣзанькою, и съ шестью-десятъ и со всѣми пошлинами, и съ бортники съ бортными землями, и съ поземомъ, и съ озеры, и съ бобры[2], и съ перевѣсьищи. А возрѣвъ есмь въ даныи грамоты, съ отцемь своимь съ Владыкою съ Васильемъ и съ бояры: коли ставили по первыхъ прадѣди наши Святую Богородицю, Князь Великий Инъгваръ, Князь Олегъ, Князь Юрьи, а съ ними бояръ 300 (Early Cyrillic letter Tvrido.png)[3], а мужій 600 (Early Cyrillic letter Khieru.png); тогды дали Святой Богородици дому 9 (Early Cyrillic letter Fita.png) земль бортныхъ, а 5 (Early Cyrillic letter Yesti.png) погостовъ, Песочна, а въ ней 500 (Early Cyrillic letter Tvrido.png) семий, Холохолна, а въ ней полтораста семий, Заячины, а въ ней 200 (Early Cyrillic letter Slovo.png) семий, Вепрія 200(Early Cyrillic letter Slovo.png) семий, Заячковъ 100 и 60 (Early Cyrillic letter Ritsi.png и Early Cyrillic letter Ksi.png) семий; а си вси погосты съ землями съ бортными, и съ поземомъ, и съ озеры, и съ бобры, и съ перевѣсьищи, съ рѣзанками и съ шестьюдесятъ, и съ винами, и съ поличнымъ, и со всѣми пошлинами. А хто даныхъ людий прадѣды нашими Святой Богородици дому, гдѣ имутъ сѣдѣти, или бортници, или слободичь, въ моей отчинѣ, ать знаютъ домъ Святой Богородици; а волостели мои ать не вступаются въ нихъ ни о которомъ же дѣлѣ. А Головчинъ далъ Ѳедоръ Борисовичь, а Мордовской далъ Климентъ по Даниловъ дворъ, а Еремѣй Великий съ Глѣбомъ села своя подавали Госпожи Богородици, а мужи Олговскую околицю, купивше у Муромьскихъ Князий, давше 300 (Early Cyrillic letter Tvrido.png) гривенъ, и дали Святой Богородици. А язъ Князь Великий Олегъ Ивановичь, што есмь далъ Арестовское село Святой Богородици дому, и што прадѣди наши подавали которая мѣста и люди, и што бояре подавали дому Святой Богородици, того хочю боронити, а не обидѣти ничимь дому Святой Богородици; а волостели, и даньници, и ямьщики ать не заимають Богородицьскихъ людий ни про штоже; а кто изобидитъ домъ Святой Богородици, или Князь, или Владыка, или волостель, или

  1. Въ подлин. слово «съ винами» вырвано, но поставлено здѣсь по контексту.
  2. И этого слова въ подлин. недостаетъ.
  3. Здесь и далее буквы, обозначающие цифры приводятся без титла. — Примечание редактора Викитеки.