Царя бойся и служи ему верою, и всегда о нем Бога моли, и ложно отнюдь не глаголи пред ним; но с покорением истину отвещай ему, яко самому Богу, во всем повинуйся ему. Аще земному царю правдою служиши, и боишися его, тако научишися и небеснаго Царя боятися: сей временен есть, а небесный[4] безначален и безконечен и судия не лицемерен: и воздаст комуждо по делом его. Також и князем покаряйся, и должную честь воздавай им, яко от него посланым, во отмщение злодеем, в похвалуже добродеем. Князю своему прияй[5] и властелем своим, ни по мысли нань зла. Глаголет Павел апостол: вся владычества от Бога учинена суть: да — аще кто противится властелем, то Божию повелению противится. А царю и князю и всякому велможе не тщися служити лжею и клеветою и лукавстом; погубит Господь вся глаголящая лжу. Аще[6] ропотники[7][8] и клеветники от народа прокляти суть. Старейшем себе честь воздавай, и поклонение твори; средних яко братию почитай; маломощных и скорбных любовью привечай[9], и юнейших яко чада люби, и всякому созданию Божию не лих буди. Славы земныя ни в чем не желай[10] вечных благ[11] проси у Бога; всякую скорбь и тесноту со благодарением терпи; обидим не мсти; хулим моли; зла за зло не воздавай; ни клевет за клевету; согрешающая не осуждай; воспомяни своя грехи и о тех крепко пекися; злых мужей совета отвращайся буди ревнитель правоживущим[12] и тех делания написуй в сердцы своем, и сам тако же твори.
Примечания
править- ↑ В ркп. То. № 38 глава 7, а у Коншина VII.
- ↑ Конш. им.
- ↑ Ibid.= меншим.
- ↑ Ibid.= вечен Цар. Арх. Бол. = превечен.
- ↑ Р. Т. № 38 и Конш. всем сердцем.
- ↑ Конш. = а.
- ↑ Ibid. = шепотники.
- ↑ Начиная с этого, номера примечаний на стр. 12 перепутаны. — Примечание редактора Викитеки.
- ↑ Болш. = посещай.
- ↑ Ibid. = ищи.
- ↑ Цар. присно.
- ↑ Конш. = правожительствующим.
