Подобает убо всякому христианину по Бозе жити, в православной вере християнской. Первое убо: от всея душа и от всего помышления и всеми чювствы, теплою верою веровати во имя Отца и Сына и святаго Духа в неразделимую Троицу; и в воплощение Господа нашего Исуса Христа сына Божия веруй. Рождьшую его матерь — Богородицу нарицай; Кресту же Христову с верою покланяйся, яко на том, всем человеком[4] спасение содела Господь; иконе же Христове, и пречистой его матери, и Святым небесным безплотным силам, и всем святым честь верою воздавай; яко самем любовь[5] в молитве ее глаголи, и поклонение твори, и на помощь к Богу призывай их; мощи ж Святых с верою целуй и покланяйся им.
