Предисловіе и начало книги сея, поученіе[2] и наказаніе отецъ духовныхъ ко всѣмъ православнымъ христіанамъ: како вѣровати Богу[3] и кресту Христову, и небеснымъ силамъ, и святымъ мощемъ покланятися и святымъ таинамъ причащатися[4]. Царя чтити и его князи и вельможи, по апостолу, рекшу: ему же честь честь, ему же дань,—дань, ему же урокъ, урокъ. Не туне носитъ мечь въ похвалу добро творящимъ, безумнымъ же,—въ наказаніе[5]. Аще хощеши не боятися власти, твори всегда добро предъ Богомъ и предъ нимъ; и во всемъ покорайся имъ, и право служи и будеши сосудъ избранъ и царьское имя носиши[6]. И какъ чтити святительскій чинъ, и священническій, и мнишескій и пользоватися отъ нихъ и молитвы прошати[7] на благословеніе дома своего, и во всякихъ вещехъ душевныхъ и тѣлесныхъ, наиначе[8] же духовныхъ, и съ прилежаніемъ внимати и ученія ихъ слушати, яко отъ божіихъ устъ. И еще въ сеи книге изнаидеши отъ нѣкоего о мирскомъ строеніи, како жити православнымъ христіаномъ въ миру съ женами и дѣтми и и съ домочадцы и ихъ наказывати и учити и страхомъ спасати, и грозою претити и во всякихъ дѣлѣхъ беречи, душевныхъ и тѣлесныхъ, чистымъ быти. И во всемъ самому стражу надъ ними быти, и о нихъ пещися, аки о своихъ удехъ. Господу рекшу: «будета оба въплоть едину». Апостолу рекшу: «аще страждетъ единъ удъ, то всѣ уды съ нимъ страждутъ»; такожъ и ты не о себѣ идиномъ пещися, но о женѣ и о дѣтяхъ своихъ и о прочихъ и о послѣднихъ домочадцѣхъ—вси бо есмы связаны единою вѣрою къ Богу, и съ добрымъ симъ прилѣжаніемъ имѣй любовь ко всѣмъ, по Бозѣ живущимъ, и око сердечное взирающе къ Богу, и будеши сосудъ избранъ не себѣ единого несыи къ Богу, но многи, и услышиши добрыи рабе и вѣрныи, буди въ радости Господа Бога своего. И еще въ сеи книгѣ изнаидеши о домовнемъ строеніи: какъ наказъ имѣти къ женѣ, и дѣтемъ и слугамъ, и како запасъ имѣти всякои хлѣбнои, и мяснои, и рыбнои, и овощнои и дворовои порядне, паче же въ недоумѣваемыхъ, по главамъ изнаидеши вся.
Примѣчанія
править- ↑ По рукописи Императорской Публичной Библіотеки. Древнехранилища Погодина, № 1627.
- ↑ Съ этого слова начинается 1-ая глава ркси Цар.
- ↑ Въ предисловіи нап. Забѣлинымъ Вр. М. Об. И. и Др. 1850 г. кн. VI по ркс. Цар.=во Святую Троицу и Пречистую Богородицу.
- ↑ Ibid. и како прочеи Святыни прикасатися.
- ↑ Ibid. на казнь.
- ↑ Ркп. Цар. въ себѣ носи всегда.
- ↑ Ibid. намъ, и благословенія. Этимъ оканчивается первая глава ркси Цар.
- ↑ Вероятно, должно быть «наипаче». — Примечание редактора Викитеки.
