Статут Великого княжества Литовского 1566 года/Раздел 3

Статут Великого княжества Литовского 1566 года — Роздѣлъ третій о вольностяхъ шляхецкихъ и о розмноженью великого князства литовского

Дата создания: 1566. Источник: Статут Вялікага княства Літоўскага 1566 года. — Мінск, 2003. — С.35-263. За виданням 1855 року; [1].

РОЗДѢЛЪ ТРЕТІЙ О ВОЛЬНОСТЯХЪ ШЛЯХЕЦКИХЪ И О РОЗМНОЖЕНЬЮ ВЕЛИКОГО КНЯЗСТВА ЛИТОВСКОГО.

АРТЫКУЛЪ 1.

О розмноженью Великого Князства Литовского.

Мы Господаръ обѣцуемъ тежъ и шлюбуемъ за себе и за потомки наши Великіе Князи Литовскіе подъ тоюжъ присегою нашою, которую есьио учинили всимъ обывателемъ всихъ земль Великого Князства Литовского и всихъ земль ку нему здавна и теперъ належачыхъ у славѣ, титулѣ, столицы, зацность, и владзы, и можность росказованью, и въ иншыхъ всихъ належностяхъ и прислухиванью и въ границахъ ни въ чомъ не вменшати и о вшемъ примножати. И хотя бы панъ Богъ зъ ласки свое светое намъ Господару узычити рачылъ панства^[1] Литовского князей и пановъ радъ духовныхъ и свѣцскихъ и всихъ врядниковъ земскихъ и дворныхъ шляхту рыцерства и всихъ иныхъ становъ ни въ чомъ томъ не понижати, але отъ всякое легкости и пониженья, яко славное памяти продки наши, Великіе Князи Литовскіе, за щастливого панованья своего чынити стеречы и боронити будемъ, съ помочъю Божьею стараючисе о примноженье и вывышенья того панства и всихъ становъ достойности оздобъ и пожытковъ зъ наиболшою пилностью и всилованьемъ нашимъ.

1. Въ трет. ред. Стат. «иного, або и королевства; тогды се сего панства нашого Великого Князства».

АРТЫКУЛЪ 2.

О вольностяхъ шляхецскихъ.

Тежъ мы Господаръ обѣцуемъ словомъ нашимъ за насъ и за потомки наши Великіе Князи Литовскіе подъ такимъ же обовязкомъ нашимъ, яко вышей у первомъ артыкулѣ естъ описано, ижъ всихъ князеи и пановъ радъ, якъ духовныхъ, такъ и свѣцскихъ, и всѣхъ врядниковъ земскихъ и дворныхъ, пановъ хоруговныхъ, шляхту, рыцарство, мѣщане и всихъ людей посполитыхъ у Великомъ Князствѣ Литовскомъ и во всихъ земляхъ того панства намъ заховати при свободахъ и вольностяхъ хрестіянскихъ, въ которыхъ они, яко люде вольные, вольно обираючы изъ стародавна изъ вѣчныхъ своихъ продковъ собѣ пановъ и Господарей Великихъ Князей Литовскихъ, жыли и справовали прикладомъ и способомъ волныхъ панствъ хрестіянскихъ, ровнаючы однако маючы и тыхъ вольностей ужываючы и зъ сусѣды братьею своею рыцерствомъ и иные станы народу Коруны Польское, и особливѣ на то при свободахъ и вольностяхъ и листѣхъ Великихъ Князей Литовскихъ, продковъ нашихъ, и отъ насъ всѣмъ вобецъ яко и кождому зособна на учтивости достоенства вряды на имѣнья на люде на кгрунты и на што кольвекъ даныхъ, и што еще будуть даваны впередъ, непорушнѣ неотмѣннѣ (вѣчными часы ховати). А хтобы тежъ што хотя безъ привильевъ за отчызнымъ правомъ якимъ кольвекъ обычаемъ набытыхъ людей кгрунтовъ своихъ въ держанью былъ, такъ за славного панованья продковъ нашихъ Короля его милости Казимера и Александра, яко тежъ за светое памяти и отца нашого и за нашого щастливого панованья, тые сами съ потомки ихъ близкими своими и теперъ то вѣчнѣ держати мають и будуть.

АРТЫКУЛЪ 3.

Мы господаръ обтьцуемъ розмножати Великое Князство Литовское, а штобы розобрано и одышло зась ку нему привернути.

Тежъ добра Князства Литовского не уменшымъ и то, што будеть черезъ непріятелей того панства нашого отдалено розобрано и ку иншому панству отъ того нашого коли кольвекъ упрошоно, ку Коронѣ ку Мазовшу ку Прусомъ ку Ифлянтомъ, то за се ку власности того Великого Князства привести привлащати и границы оправити обѣцуемъ. А хотя быхъ тежъ кому заграничникомъ при границахъ тыхъ верху мененыхъ земли имѣнья села и люди дали; тогды таковые мають съ того служыти Великому Князству Литовскому, а хтобы не хотѣлъ служыти, таковыхъ прывильевъ не маемъ мы и потомки наши держати.

АРТЫКУЛЪ 4.

О неданье шляхты и ихъ имѣней кгрунтовъ и всякихъ вольностей и тежъ неданье листовъ и привильевъ против сему статуту.

Уставуесъ и вѣчными часы ховати и держати обѣцуемъ, ижъ яко продки наши Великіе Князи Литовскіе, такъ и мы незвыклые никому ни которымъ способомъ бояръ шляхецскихъ имѣней кгрунтовъ и земль давати, такъ и теперъ на всѣ потомные часы обѣцуемъ и прирѣкаемъ подъ тою жъ присегою нашою, которую есьмо учнили обывателемъ сего панства нашого Великого Князства Литовского, бояръ шляхты и ихъ имѣней кгрунтовъ и всякое маетности и иныхъ свободъ и вольностей и правъ въ нихъ отбирати и отводити, и ни якимъ особамъ, которымъ кольве въ томъ панствѣ обывателемъ яко и заграничникомъ и постороннимъ и жадному иному, давати записовати и ни которымъ способомъ отдаляти не маемъ. А гдѣ бы што одержано и вышло якимъ же кольвекъ обычаемъ противъ сего статуту; то с права и суду справедливость черезъ насъ и потомки наши за радою радъ нашихъ Великого Князства на сторону отложоно и ни во што обернено быти маеть. А про то привильевъ такъ въ посполитомъ яко и кождому зособна не маемъ ани будемъ мочы давати противъ сего статуту и артыкуловъ въ немъ описаныхъ; а которые бы передъ тумъ вышли и про то съ канцляреи нашое по выданью сего статуту отъ насъ черезъ кого кольвекъ одержаны были, таковыхъ мы и потомки наши держати не хочемъ, але справа и суду сказовати и ни во што оборочати будемъ. Вѣдже кому быхмо зъ ласки нашое дали и давати хотѣли родичомъ Великого Князства имѣнья наши спадковые, и въ нихъ бояре хотя бы шляхта была, а имѣныша свои здавна и ново тежъ черезъ данину оныхъ пановъ, по комъ на насъ Господаря тые спадки пришли, (мели) и имъ служыли, а листы потверженьемъ нашимъ не вызволили, въ томъ моцы рукъ и щодробливости нашое и потомковъ нашихъ не замыкаемъ.

АРТЫКУЛЪ 5.

О соймикохъ повѣтововыхъ и о выправованъю и посланъю зъ нихъ пословъ земскихъ на вальный соймъ.

Уставуемъ для лѣпшого порадку во всѣхъ речахъ и въ способу ку справедливости и оборонѣ, абы за волею всѣхъ на соймикахъ потребы се земскіе становили и отправованы были, абы вѣчными часы передъ сеймомъ великимъ вальнымъ, которымъ маемъ мы и потомки нашы завжды, коли того потреба окажеть Речы Посполитое Великого Князства, порядою радъ нашихъ тогожъ панства складати листы нашими соймики повѣтовые, а меновите на тыхъ мѣстцахъ и воеводствахъ нижей суть написаныхъ и постановленныхъ, которые соймики также листы нашыми даны будуть не на близшей часъ и рокъ, толко за чотыры недѣли передъ соймомъ великимъ. На которые соймики мають зъѣжджатися и бывати тые воеводове и каштелянове врядники земскіе, потомужъ князове панове шляхта того жъ повѣту и воеводства, а намовляти о тыхъ речахъ и потребахъ земскихъ, которые имъ на мѣстцахъ нашихъ ознайменены будуть, на мней тежъ о своихъ и о всѣхъ потребахъ земскихъ и долеглостяхъ оного повѣту и воеводства; и зволившыся вси одностайнымъ зданьемъ мають обирати пословъ своихъ, то естъ отъ кождого суду земского, колко ихъ у томъ воеводствѣ будеть, по двѣ особы, послати ихъ на соймъ ознаймившы и вручившы то все имъ, о чомъ водлѣ листовъ нашихъ господарскихъ, и тежъ во всѣхъ потребахъ, радити намовляти и становити мають, даючы имъ моцъ на томъ таковомъ вальномъ соймѣ поступовати и кончыти тые и иные припалые речы водлѣ часу и потребы. Вѣдже князей, пановъ, маршалковъ и иныхъ всихъ урядниковъ земскихъ и дворныхъ подлѣ старого обычаю маемъ листы нашими на таковый вальный соймъ взывати; и тые вси въ радѣ посполитой мѣстца и воты свои будуть мѣти способомъ звычаю стародавного, а послове земскіе мѣстца и воты свое мають мѣти водлѣ порадку нижей написаного.

АРТЫКУЛЪ 6.

О сойму вальномъ.

При том тежъ уставуемъ, съ призволеньем радъ нашихъ духовныхъ и свѣцкихъ и зо всими станы сойму належачыми, на теперешнем сойму великомъ Виленьскомъ, хотечы то все мѣти вѣчными часы, ижъ маемъ мы и потомки наши Великіе Князи Литовскіе съ потребы Речы Посполитое за радою радъ нашихъ того жъ панства, або за прозбою рыцерства, складати сеймы вальные въ томъ же панствѣ Великомъ Князствѣ Литовскомъ завжды, коли колко того будеть потреба.

АРТЫКУЛЪ 7.

Абы шляхтичъ безправнѣ не былъ иманъ ани сажонъ.

Тежъ обѣцуемъ и вѣчными часы мѣти хочемъ мы Господаръ и потомки наши, ижъ все рыцерство шляхту Великого Князства при вольностяхъ звыклыхъ, которые отъ насъ Господаря и отъ продковъ нашихъ имъ суть наданы, будемъ повинни мѣти заховати и держати. Тежъ кождый шляхтичъ осѣлый подлѣ права позваный, непоконаный правомъ, отъ насъ Господара и отъ кождого вряду иманъ и въ везенье сажонъ быти не маеть.

АРТЫКУЛЪ 8.

Абы панове шляхту о почтивостъ ихъ сами не судили.

Тежъ уставуемъ, ижъ княжата и панове рада наша шляхту и кождого бы зъ рицерства нашого, которые тежъ шляхту нашу служебниками въ себе ховаютъ, не мають сами о почтивость судити кромѣ насъ; бо тотъ судъ никому иному не належитъ одно Господару. А што се дотычеть злодѣйства и иншыхъ речей выступковъ — то волни будуть панове ихъ зъ ними, осадившы при собѣ пред се шляхту людей добрыхъ, справедливость чынити, а въ чомъ бы былъ хто съ права поконанъ, тогды тотъ за выступокъ свой терпѣти и каранъ маеть быти бы и горломъ.

АРТЫКУЛЪ 9.

Ижъ достоенствъ врядовъ въ дѣдицтво чужоземцомъ давано быти не маеть.

Такъ тежъ мы Господаръ обѣцуемъ и шлюбуемъ подъ присегою нашою, которую учынили есьмо Великому Князству Литовскому и всимъ станомъ и обывателемъ его, беручы то изъ статуту старого пана отца нашого Короля его милости тому панству Великому Князству Литовскому даного, а въ сесь выкладаючы и на то позволяючы, штожъ въ томъ панствѣ Великомъ Князствѣ Литовскомъ и во всихъ земляхъ ему прислухаючыхъ достойностей духовныхъ и свѣцкихъ городовъ дворовъ и кгрунтовъ староствъ ^[1] въ держаньи и пожываньи и вѣчностей жадных чужоземцомъ и заграничникомъ ани сусѣдомъ таго панства давати не маемъ; але то все мы и потомки наши Великіе Князи Литовскіе давати будуть повинни только Литвѣ а Руси, родичомъ старожитнымъ и врожонцамъ Великаго Князства Литовского и иныхъ земль тому Великому Князству належачыхъ. А хтобы съ чужоземцовъ заграничников и сусѣдъ таго панства и всихъ земль ему прислухаючихъ важылъ се што съ того упросить взяти и въ держане прійти, а впомненый будучы того заразомъ не пустилъ; тогды маетность его вся маеть быти взята до столу и скарбу нашого Великого Князства Литовского. А хотя бы хто обчого народу за свое заслуги въ той речы посполитой пришолъ ку осѣлости зъ ласки и данины нашое, албо которымъ иншимъ правомъ; тогды таковые толко осѣлости оное ужывати мають будучы обывателемъ обѣцнымъ Великаго Князства и служачы службу земскую томужъ панству. Але на достоенства и всякій врядъ духовный и свѣцкій не маеть быти обиранъ, ани отъ насъ Господаря ставленъ, толко здавна продковъ своихъ уроженецъ Великого Князства Литовского Литвинъ и Русинъ. А гды бы одержалъ обчого народу человѣкъ которій кольвекъ врядъ духовный и свѣцкій противъ сему статуту, напомненый того пустити не хотѣлъ; тогды таковый маетность свою на насъ Великаго Князя Литовского тратитъ, кгдыжъ около того и въ статутѣ судейскомъ Польскомъ естъ описано.

1. Въ третьей редакц. Стат. прибавлено: «державъ, врядовъ земскихъ и дворныхъ посесый, або».

АРТЫКУЛЪ 10.

Достойности и вряды давные не мають быти нарушоны.

Тежъ обѣцуемъ и хочемъ вѣчными часы мѣти, абы панове рада наша, такъ духовные яко и свѣцкіе, и вси иные врядника нашы земскіе и дворные, въ томъ панствѣ нашомъ Великомъ Князствѣ Литовскомъ были во всякихъ достоенствахъ и у почтивостяхъ захованы водлѣ давного обычаю и кождый подлѣ зацности и мѣстца своего. А што се дотычеть владности и справъ ихъ судовыхъ; въ томъ се они мають заховати и справовати, яко нижей въ семъ статутѣ естъ описано.

АРТЫКУЛЪ 11.

Достоенствъ и врядовъ на заочное обмовенье не маемъ одыймовати.

Тежъ обѣцуемъ, ижъ достойностей всякихъ врядовъ староствъ державъ тивунствъ на справу чію кольвекъ и на обмовы заочные мы и потомки наши не мають отнимати; але коли бы который изъ врядниковъ нашихъ былъ роспрошытель або шкодникъ нашъ и дворовъ нашихъ, и до нас бы въ томъ обмовенъ и обвиненъ былъ; тогды обоя сторона, якъ тая хто ведетъ, такъ на кого менитъ, мають передъ нами очевисто стати, а мы съ паны радами нашими Великого Князства Литовского, выслухавшы ихъ и розознавшы тую речъ, винного водле выступку его карати маемъ, а безвиннѣ и безъ права на заочное повѣданье не будемъ ни в кого врядовъ брати, ани ихъ зъ нихъ рушати.

АРТЫКУЛ 12.

О держанью старыхъ уставъ, а новыхъ безъ сейму вальнаго не встановляти.

Тежъ прирекаемъ вси привелея земскіе стародавные и ново отъ насъ наданые волности и звычай добрый стародавный тымъ статутомъ нашимъ ховати и ни въ чомъ ни нарушати, а нового ничого не встановляти. А вѣдъ же была ль бы того потреба што нового прибавити ку доброму речы посполитой; тогды того не маемъ чынити ани вставъ жадныхъ дѣлати, ажъ на вальномъ соймѣ того панства нашого и въ здѣшнемъ панствѣ нашомъ Великомъ Князствѣ Литовскомъ, зъ вѣдомостью порадою радъ нашихъ и призволеньемъ всихъ земль того панства нашого.

АРТЫКУЛЪ 13.

О волности выѣханья нашого изъ земли кромъ земль непріятельскихъ.

Тежъ узычаемъ и уфаляемъ вѣчными часы, абы княжата и панове хоруговные шляхты и кождый человѣкъ рыцерскій и всякого стану того панства нашого Великого Князства Литовского мѣли вольность и моцъ выѣхати и выйти съ тыхъ земль нашихъ Великого Князства Литовского мѣли вольность и моцъ выѣхати и выйти съ тыхъ земль нашихъ Великого Князьства^[1] для наукъ у письмѣ цвиченя учынковъ рыцерскихъ и лѣпшаго счастья своего, и тежъ будучы неспособного здоровья своего для лекарствъ до всякихъ сторонъ и земль, кромѣ земль непріятелей нашихъ Московского бесурманскихъ и иншыхъ, съ кимъ тое панство наше на онъ часъ вальчыло; а вѣдьже такъ, абы изъ имѣней ихъ подъ тымъ часомъ въ небытности ихъ самихъ службы земское не были омѣшканы, але намъ и потомкомъ нашымъ яко при нихъ были завжды, только иле кроть бы потребы вказовали подлѣ уфалы и уставы земское были заслугованы. А если бы сынъ поѣхалъ по рыцерству, а отца собѣ зоставилъ, а въ небытности его отецъ бы вмеръ, а не оставилъ бы по собѣ другого сына дорослого або опекуна або близкаго кревнаго прирожоного въ имѣняхъ; тогды мы Господаръ маемъ опекуна установити на тые имѣнья, хто бы зъ нихъ службу земскую заступовалъ и имѣнья отъ кривды и шкодъ боронилъ, а кгды тотъ съ чужыхъ земль пріѣдетъ, маеть имѣнья и маетность свою до рукъ взяти яко властность свою.

1. Так напечатано в издании 1855 г.

АРТЫКУЛЪ 14.

По смерти отцовъ и матокъ и иныхъ кровныхъ и близкихъ ихъ дѣтей и потомковъ отъ кождого дѣдицтва спадкомъ выслуги и всякого набытья не отдаляти.

Тежъ уставуемъ, ижъ по смерти отцовъ и маток ихъ дѣти сынове и дочки отчизны и материзны не мають быти отдалены, але они сами и щадки ихъ властные кровные и близкіе правомъ прирожонымъ и слушне набытымъ звычаемъ стародавнымъ и тежъ статутомъ першым и теперешнимъ мають посягнути и одержати, и тые добра на пожытокъ свой оборочати вѣчными часы. А то се тежъ будетъ розумѣти о близкостяхъ спадкохъ выслугахъ и всякомъ набытью водлугь права тымъ же обычаемъ, естли бы было колко братьи и сестръ рожоныхъ выданыхъ албо и не выданыхъ замужъ, а тые бы братья межы собою отчызною подѣлилися, албо еще не подѣлили, а который бы зъ нихъ потомъ умеръ не зоставивившы по собѣ плоду; тогды его часть отчызны только на братью приходить и на ихь потомство, а на сестри толко выправа съ четвертое части всякого имѣнья, естли бы передъ тымъ которая зъ нихъ замужъ идучы от отуа своего або тежъ отъ тое жъ братьи не была дана, поколь бы се были межы собою не подѣлили; а если бы была матерызна, тогды мають братья зъ сестрами ровно подѣлити межы собою. Паклижъ бы Богь такъ допустилъ, же бы оная братья померли вси, а у жадного потомства по нихъ не зостало, а хотя жъ бы и было, а потомъ се звело; тогды оная вся отчызна и всякимъ обычаемъ набытые имѣнья засе на сестры и на ихъ потомство спадываеть. Нижли если бы еще такжо панъ Богъ допустилъ, же бы оныхъ братьи и ихъ сестры ани ихъ потомства и щадковъ не зостало; тогды оная отчызна ихъ вся также всякимъ обычаемъ слушное набытье имѣнья и маетности на близкихъ спадывати маеть, который естъ наиблизшій до отчызны по мечу, водлѣ того жъ поступку также тежъ и материстые мають спасти на тыхъ, которые будуть до материстого имѣнья и маетности наближшіи по матцѣ оныхъ змерлыхъ, если бы черезъ нихъ кому слушнымъ записомъ не было заведено. Кромѣ тежъ того которые безъ потомства близшыхъ щадковъ и наслѣдниковъ своихъ зомруть, а ни на кого права своего прирожоного выслужного и набытого не влившы а ни записавшы; бо по тыхъ тымъ обычаемъ имѣнья спадкомъ на насъ Господаря Великаго Князства Литовского и потомковъ нашихъ Великихъ Князей Литовскихъ приходять и приходити будуть. А гдѣ потомства близкихъ и щадковъ изъ слядковъ (наследниковъ) и надальшаго вже бы въ поколѣнью кровныхъ близкихъ не достало, и никому отъ нихъ записано и заведено не было; тогды по тыхъ и по таковыхъ обычаемъ имѣнья спадковъ на насъ Господаря Великаго Князя Литовского, и потомковъ Великаго Князства Литовского приходити будеть.

АРТЫКУЛЪ 15.

Людей простыхъ надъ шляхту не повышати.

Тежъ простыхъ людей надъ шляхту не повышати, на достойности ихъ прекладати и врядовъ нашихъ простымъ людемъ давати не маемъ, а шляхтѣ кождому рыцерскому человѣку тутошнего панства нашого Великого Князства Литовского родичу мы Господаръ, зъ ласки нашое господарское за службами за годностями ихъ намъ господару, обѣцуемъ ихъ водлѣ годностей достойностями и вряды опатровати и въ службахъ нашихъ заховати, яко вѣрныхъ подданыхъ.

АРТЫКУЛЪ 16.

О зводъ шляхецтва.

Уставуемъ тежъ, естли бы хто кому рекъ, жебы не былъ шляхтичъ, тогды тотъ, хто ся выводитъ, маеть поставити зъ отца и матки двохъ шляхтичовъ прирожоныхъ, и на то имъ поприсегнути, ижъ ихъ естъ прирожоный а правдивый шлихтичъ. А пакъ бы се будетъ родъ звелъ, а онъ бы тутошнего панства нашого тубылецъ; тогды бояръ шляхту околичныхъ маеть поставити двохъ шляхтичовъ, которые мають при немъ присегнути, же онъ есть зъ роду шляхтичъ. Пакли бы тежъ который шляхтичъ нешляхтянку жону свою мѣлъ, тогды жону и дѣти свои зъ нею спложоные собою и шляхецтвомъ своимъ ошляхтитъ, и таковые жоны и дѣти ихъ за правдивыхъ шляхтичовъ быти мають. А вѣдже естли бы таковая невѣста бывши за шляхтичомъ, а завсе бы потомъ пошла за простаго человѣка а не за шляхтича; тогды тая засе учтивость свою шляхецкую тратить, и въ таковомъ станѣ быти маеть яко мужъ ее, за кимъ въ тотъ часъ будеть; а дѣтемъ тымъ, которые съ первым мужомъ своимъ шляхтичомъ прыбыла, то предсе шкодити не будеть, толко бы ремесломъ а ни шынкомъ се не жывили и локтями не мѣрили, а вѣдже и таковый, если бы шынкъ и ремесло мѣстское хлопское покинулъ и опустилъ, а поступковъ шляхецскихъ и рыцерскихъ наслѣдовалъ, тогды предся за шляхтича почытанъ быти маеть.

АРТЫКУЛЪ 17.

О чужоземцу наганеномъ о шляхецство.

Тежъ если бы хто чужоземецъ былъ наганенъ о шляхецство; тогды маеть ѣхать до земли своее, отколь естъ, и тамъ передъ врядомъ вывести шляхецство свое, а зъ уряду подъ ихъ печатьми листы принести, съ которими шляхецства своего маеть довести. А еслибы валка съ тое стороны была, отколь онъ естъ; тогды маеть поставити двохъ особъ правдивыхъ шляхтячовъ съ тоежъ стороны своее, або тутошнихъ бывалыхъ въ той земли, которые бы были свѣдомы шляхецства его, а тые мають также при немъ присегнути, ижъ онъ естъ шляхтичъ, таковымъ обычаемъ чужоземцу выводъ шляхецства его будеть. А кгды вже тотъ^[1], который ему приганилъ^[2], якимъ кольвекъ обычаемъ слушнымъ набылъ собѣ имѣнье шляхецское, а хотѣлъ вольностей шляхецскихъ ужывати; тогды первѣ маетъ оказати передъ врядомъ тымъ, гдѣ купилъ имѣнье, если естъ шляхтичъ правдивый; а гдѣ бы не показалъ, тогды хотя имѣнье купитъ, предсе зъ вольностеи шляхецскихъ веселитися и ихъ ужывати не маеть, ни под хороговью заровно зъ шляхтою стояти не будеть, але близкіе его мають съ того имѣнья скупити и службу земскую зъ него стужыти, а предсе достоенствъ и врядовь одержати не маеть, хотя бы и шляхтичомъ былъ.

1. Трет. Редак. стат. «приганеный выведетъ шляхетство свое, тогды тоть».
2. «якого кольвекъ стану будетъ, маеть шкоду и накладъ, на чомъ тотъ, хто се вывелъ, присягнетъ, ему заплатити. А пакъ ли бы которой чужоземецъ, пріѣхавши доздѣшнего панства нашого, купилъ и».

АРТЫКУЛЪ 18.

Если бы хто кому приганилъ, а самъ не былъ шляхтичъ.

Уставуемъ тежъ, ижъ кгды бы хто самъ не будучы шляхтичъ приганилъ человѣку доброму шляхтичу, а тотъ шляхтичъ въ томъ станѣ своемъ шляхецскомъ былъ, и доводъ на шляхецство учынилъ, а то показалъ, ижъ не шляхтичъ тотъ, хто ему приганилъ; тогды тотъ шляхтичъ тому нешляхтичу таковое приомве не будеть повиненъ справоватися, и таковая примовы ничога ему шкодити не маеть, але того который важылся тую примовку учинити, маеть врядъ нашъ урѣзаньемъ языка карати.

АРТЫКУЛЪ 19.

О наганене шляхтича забитого.

Тежъ если бы кому дана была вина о головщызну шляхецскую, а онъ бы подвѣдилъ, ижъ тотъ забитый не былъ шляхтичъ; тогды кгды того доведутъ кровные, же былъ шляхтичь, маеть быти каранъ, яко о томъ нижей написано, а зособна и навезка зъ имѣнья его маеть быти плачона, яко бы жывому шляхтичу наганиль.

АРТЫКУЛЪ 20.

О шляхтѣ, которые бы въ мѣстѣ осѣлость прынели.

Тежъ уставуемъ, ижъ кгды бы шляхтичъ занехавшы имѣнья шляхецскаго, а ищучы пожывенья, шолъ бы собѣ до мѣста и мѣшкаючы тамъ, торгъ мѣскій ведучы або шынкъ въ дому маючы або ремесло робечы, понехавшы на тотъ часъ шляхецтва своего подлѣ уставы нижей у артыкулѣ описаное; тогды сынове такового, кгды бы потомъ шынком и ремеслом мѣстскимъ обходитися не хотѣли и локтемъ не мѣрили, а наслѣдовали поступковъ рыцерскихъ продковъ своихъ, таковые мають быти за правую шляхту почытаны.

АРТЫКУЛЪ 21.

О простыхъ людехъ, кгдыжъ повышеня чести и становъ за годностями заслугами могут мети^[1].

Кождого властнѣ рукамъ и шафунку зверхности нашое господарское належыть, и тежъ постерегаючы всякого обелженя стану шляхецкого отъ людей^[2] простого стану, окромъ особливое ласки и надареня отъ зверхности нашое господарское, вольности прывильевъ стану шляхецского самъ собѣ прывлащати и ихъ никоторымъ обычаемъ ужывати не можеть.

1. Въ трет. ред. Стат. «Кгды жъ повышенья чьсти и стану за годностями и за слугами».
2. Тамъ же «простыхъ, уставуемъ, ижъ нихто изъ люде».

АРТЫКУЛЪ 22.

Кгды бы шляхтичъ шляхтичу примовку якую учинилъ, такъ о шляхецство яко и о иные речы, заочнѣ и у въ очы.

Тежъ уставуемъ, ижъ кгды бы князъ панъ котораго кольвекъ стану и достойности, будучы толко бы одно роду шляхецского человѣкъ, заровно всихъ въ томъ почытаючы отъ вельможного и до навбожшого шляхтича, однако розумѣючы, одинъ другому такъ о шляхецство яко и о иншые речы шкодливые доброй славѣ очевисто и заочнѣ примовку учынилъ, а о то бы обѣ стороны ку праву приточили, а тотъ хто примовилъ передъ правомъ того се запрѣлъ; тогды оному примовеному шокдити не маеть, и того онъ не будеть повиненъ справоватися, а тежъ тая примовка далѣй на того, хто се запрѣлъ, не маеть быти довожона.

АРТЫКУЛЪ 23.

О примовку, ижъ бы хто не былъ чистого ложа сынъ.

Тежъ уставуемъ, ижъ коли бы хто кому рекъ, же ты нетыстого ложа сынъ, а того бы на него не довелъ; тогды сказуемъ, ижъ таковый маеть тую примовку передъ судомъ такъ очистити и тыми словы отмовити: што есмо менилъ на тебе, же бы ты не быль чыстого ложа сынъ, въ томъ на тебе брехалъ якъ песъ. А гдѣ бы такъ упорный былъ, а тыми словы у того суда отмовити не хотѣлъ; тогды маеть седѣти у везенью на замку нашомъ такъ долго, ажъ тыми словы яко въ томъ артыкулѣ написано отмовитъ, а врадъ нашъ въ томъ упорномъ никоторое фолкги чинити на маеть. А вѣдьже доводъ на бенкарты не инакшый одно таковый быти маеть, хтобы дѣти не зъ вѣнчалною нешлюбною жоною мѣль; и таковымъ дѣтемъ отецъ отъ правыхъ дѣтей и отъ кровныхъ ничого записати не можеть. А таковые дѣти надъ даръ надъ бенкарты^[1] розумѣти (розумены) быти мають, которыхъ бы отецъ при властной жонѣ съ чужолозницою мѣлъ, а хотя бы по смерти правое малжонки тую подложницу свою понялъ, а дѣтей зъ нею прибылъ; тогды яко тые першые блудные, такъ и тые хотя по вѣнчанью а въ шлюбѣ съ таковою жоною мѣти будутъ, предсе за бенкарты мають быти розумены. Которого бы се отецъ за жывота вырекъ и не своимъ сыномъ быти его созналъ, одно же бы того не чинилъ зъ вазни и зъ гнѣву противъ сыну або жоны своей и матцѣ его почтивой, або бы тежъ жебы его часъ не малый за дитя мѣлъ, и по его пороженью и съ собою маткою его а жоною своею терпѣлъ, бо яко вже его разъ за дитя свое признавши маючы его при собѣ въ дому своемъ терпеливостью своею за дитя свое призналъ; такъ вже его потомъ чинити злымъ не маеть и не можеть, кгды жъ доброму ничого злого и непочтивого въ дому своемъ терпѣти не годитца. А особливе отецъ сына бенкартомъ учинити не можеть за другое жоны своее маючы его, а звлаща естли будетъ того сына своего съ першою жоною своею маткою его мѣшкаючы за сына мѣли; тогды вже при мачосѣ отъ имѣнья отчизного отдаляти не можеть потомужъ. А матка яко за першого мужа своего такъ тежъ и за другого пошедши дѣтей своихъ^[2] тымъ правомъ и обычаемъ яко о отцы написано и сужона быти маеть.

1. Трет. ред. Стат. «таковые дѣти надъ дерь бенкартами».
2. Трет. ред. Стат. «А матка яко за первшого мужа своего такъ тежъ и за другого мужа пошодши противъ дѣтей своихъ».

АРТЫКУЛЪ 24.

О вызволенье отплатовъ новыхъ и подводъ кромей стародавного обычаю, якъ тежъ по дорогамъ.

Тежъ уставуемъ и хочемъ мѣти, абы вси посполитые люди тяглые и вси поданые княжатъ пановъ хоруговныхъ шляхтъ бояръ и мѣщанъ тыхъ земль Великого Князства Литовского отъ кождое дани плаченья и податку серебщизного, и тежъ дѣла и ото всякихъ беременъ каменья дерева або дровъ ку паленью плиты и вапна на замки наши, кромъ стародавного обычаю, такъ и подводы хтобы передъ тымъ давалъ и подыймованье станцыи на станехъ и на мѣстцахъ звычаныйхъ намъ Господарю посломъ гонцемъ нашимъ, такъ тежъ и мосты поправовати и новые на старихъ звычайныхъ мѣстцахъ будовати замки старіе поправовати, такъ и на тыхъ старихъ мѣстцахъ дѣленицы свое знову будовати и пословъ подыймовати, то водлугъ стародавного обычаю въ цѣлости заховуемъ. А княжата панове рады воеводове старостове украинные и нихто зъ шляхты, ѣздечы по дорогамъ отъ имѣнья до имѣнья своего и въ войско на замки украинные ѣдучы, имѣней шляхецскихъ и ихъ подданыхъ не мають шкодити, стаціи и подводъ брати, але собѣ и слугамъ и конемъ своимъ за пенези водлугъ торгу цѣною куповати будуть повинни; а хтобы надъ сюю уставу нашу што учинилъ, тотъ сторонѣ жалобливой кгвалту дванадцать рублей грошей платити маеть, а шкоду совито опраивти за слушнымъ доводомъ.

АРТЫКУЛЪ 25.

Естли бы которыи съ подданыхъ нашихъ на князей панохъ або на комъ иномъ выслужылъ имѣнье лежачое.

Коли бы который съ подданыхъ нашихъ выслужылъ на князехъ або на панохъ або на комъ иномъ имѣнье лежачое, и будучы того имѣнья въ держанью онъ самъ або и потомки его отъити прочъ гдѣ хочеты зо всими статки и зо всимъ набытьемъ своимъ и накладомъ або будованьемъ, што будетъ на тое имѣнье наложылъ, нижли еслибы листы ему даными и то выражоно ему было, же бы могъ тымъ имѣньемъ служыти ему^[1] хотечи.

А вѣдьже хтобы таковый листъ слузѣ своему дати хотѣлъ, тотъ маеть дати оному листъ подъ печатью своею и подъ печатми и свѣдомомъ людей добрихъ шляхты, а предсе то княжа або паня маеть обличнѣ пришедшы намъ Господарю, а въ небытности нашой господарской, тогды по вряду земскому оповѣдати, тогды таковый листъ маеть быти держанъ. А которій бы выслужылъ имѣнье на комъ кольвекъ, а по смерти того пана, на комъ бы тое имѣнье выслужылъ, дѣти хотѣли ся дѣлити, а тотъ слуга въ тотъ часъ на дѣлу ся не припоминалъ, а листъ свой на тое имѣнье выслужоное въ дѣлъ пустилъ поступилъ; тогды таковые листы и вольности его вжо никоторое моцы мѣти не будеть, бо самъ того замовчалъ, и спадываетъ тое имѣнье на сына отчича. Который слуга естли будетъ тому служыти, и ему се въ дѣлу останетъ, а естли бы служыти ему не хотѣлъ, воленъ имѣнье зоставити тому пану съ тымъ всимъ съ чимъ ему дано, самъ взявши статки свои, которые въ тое имѣнье внесъ, або што властнымъ грошомъ своимъ прибавилъ, пойти прочь. А которій бы бояринъ шляхтичъ князскій панскій выслужывшы на панѣ своемъ имѣнье и на немъ мѣшкаючи, а тому пану своему съ того имѣнья служечи, потомъ безъ воли и вѣдомости оного пана своего съ тымъ имѣньемъ пана своего поддался под кого иного; тогды о то позваный до суду, кгды на него то переведено будеть, маеть быти каранъ, у везеньи седѣти чверть лѣта.

1. Трет. ред. Стат. («вмѣсто ему стоитъ, кому»).

АРТЫКУЛЪ 26.

О позыванье свѣцскихъ въ духовное право.

Тежъ уставуемъ, ижъ бискупове и вси прелаты стану духовного и ихъ справцы княжатъ пановъ и всее шляхты рыуерства, мѣщанъ и всихъ подданныхъ нашихъ яко и шляхецскихъ не мають никого ку собѣ до духовного права о свѣцкіе речы вызывати; такъ и сами шляхта мѣщане и вси подданые наши и тежъ подданые шляхецскіе якого кольвекъ стану не мають се до духовного права утекати и повызывати о речи свѣцскіе, подъ закладомъ сторонѣ позваной дватцатма рублями грошей и подъ нагороженьемъ утратъ всихъ зъ совитостью, нижли што духовному праву належыть и прислухать будеть, то въ духовномъ правѣ справовано и сужоно быти маеть.

АРТЫКУЛЪ 27.

О мѣщанехъ мѣста нашого Виленского, якимъ правомъ шляхту зъ мѣщаны судити мають.

Тежъ уставуемъ, ижъ кгды бы се трафило жаловати которому шляхтичу на подданыхъ нашихъ мѣщанъ Виленьскихъ о раны о головщизны; тогды о то судить врядъ мѣскій маеть своимъ судомъ, Майдеборскимъ правомъ, водлугъ привильевъ и наданья имъ отъ насъ Господаря и отъ продковъ нашихъ. Гдѣ бы се тежъ трафило якій кгвалтъ мѣщанину отъ шляхтича, хотя бы въ томъ мѣстѣ нашомъ Виленьскомъ; тогды таковые речы врядъ замковый земскій справедливость чинить будуть правомъ земскимъ и статутомъ правъ посполитыхъ сего панства великого Князьства Литовского, и карати ведлугъ права и статуту земского. А мѣщане иныхъ мѣстъ шляхту судити мають о раны о головщизны ихъ шляхецскіе земскимъ правомъ, водлугъ стародавного статуту Короля его милости Жикгимонта пана отца нашого.

АРТЫКУЛЪ 28.

О мѣщанехъ, ижъ селянъ не мають на торгу грабити.

Тежъ уставуемъ, ижъ мѣщане подданые наши о долги свои якіе кольвекъ не мають селянъ ани тежъ духовныхъ и свѣцскихъ ани чіихъ на торгу заповѣдати и грабити, ани тымъ собѣ справедливости на нихъ доводити; але о тые долги съ тыми виноватыми у пановъ ихъ, а зъ нашими поддаными у врядниковъ нашихъ, будуть повинни справедливости доходити, а нашы врядники и панскіе мають имъ справедливости чинити. А естли бы хто пограбилъ не доводечи права; тогды маеть дати вины намъ Господарю три рубли грошей, а сторонѣ три рубли грошей, а грабежъ совито навезати и шкоду также совито оправити.

АРТЫКУЛЪ 29.

О слуги и о люди шляхецскіе челядъ неволную, которіе до мѣстъ входятъ.

Уставуемъ, которіе бы слуги и люде отчизные або челядь невольная втекли отъ княжатъ пановъ або отъ которого шляхтича, и пришли до столечного мѣста нашого Виленского, або до иныхъ мѣстъ нашихъ князскихъ панскихъ и духовныхъ, въ земляхъ панства нашого Великого Князства Литовского; ижъ тыхъ людей слугъ мають войтове бурмистрове радцы наши зъ мѣстъ нашихъ выслухавшы слушного доводу отъ пановъ ихъ^[1] судечи земскимъ правомъ, кромей которое бы слуги шляхецскіе до мѣстъ нашихъ, а принемши право въ которомъ зъ мѣстъ нашихъ^[2] войтове и врядники наши выдати не мають. А што се дотысечь челяди неволное, которые бы пришли до мѣстъ нашихъ; тымъ ани права Майдеборского принятье аии оселость ани тежъ заседене десети лѣтъ ку помочы быти не маеть, и повинны будуть войтове и державцы и врядники наши имъ выдати^[3]. Такъ тежъ старостамъ и державцамъ и врядникомъ нашимъ, гдѣ права Майдеборского нѣтъ, на врядѣхъ нашихъ тымъ же обычаемъ противко таковымъ збѣгомъ заховатися мають.

1. Трет. ред. Стат. «отъ пановъ ихъ, чіи будутъ, або за ихъ властнымъ признаньемъ выдавати, судечи земскимъ правомъ».
2. Тамъ же: «и оселость маючи, а за десеть лѣтъ, таковыхъ слугъ зъ мѣстъ нашихъ войтовѣ».
3. Тамъ же, словъ: «А што се до тычеть челяди. . . . врядники нашимъ имъ выдавати» не написано.

АРТЫКУЛЪ 30.

О мѣрахъ, абы были ровны.

Уставуемъ, абы въ мѣстѣ нашомъ столечномъ Виленскомъ и въ кождымъ мѣстѣ нашомъ панства нашого Великого Князства Литовского, такъ тежъ въ мѣстѣхъ князскихъ, панскихъ, духовныхъ и свецскихъ, въ торгохъ збожье всякое продавати мѣра была однакова ровна: то естъ, абы была бочка, въ которой бочцѣ маеть быти чотыри корцы мѣры нашое дворное ровныхъ безъ верху и тресенья, але подъ стрыхъ; которая мѣра маеть быти чотыри корцы вымѣрена у Вильни отъ вряду пана воеводы Виленского, а при собѣ мають мѣти урядъ мѣстскій, гдѣ въ которыхъ мѣстехъ право Майдеборское есть. А по иншыхъ, воеводствахъ и староствахъ и державствахъ и тивунствахъ нашихъ, также воеводове старостове и державцы и тивунове наши тые жъ мѣры постановити мають, абы не тресены и безъ верховъ были и кглейта на тыхъ мѣрахъ положыти. Абы бочка была въ чотыри корцы, а чверть бочки одинъ корецъ, въ той мѣрѣ всякое збожъе мѣрено быти маеть подъ стрыхъ; таяжъ мѣра збожъя маеть быти по мѣстомъ и торгомъ князскимъ панскимъ и земянскимъ, а по стодолахъ и въ корчмахъ въ дорозехъ. А хто бы кольвекъ смѣлъ ся того важыти, а иншіе мѣры уставлялъ и ихъ уживалъ, таковый маеть заплатити намъ Господарю вины три рубли грошей. Тымъ же обычаемъ панове воеводове старостове на врядехъ своихъ съ таковыми уряды мѣсткими, около мѣри и цѣны шынкованья питья привозного мушкетлы малмазеи и меду пива, также около ваги и локтя, черезъ врядниковъ своихъ постановенье чинити мають.

АРТЫКУЛЪ 31.

Кнегинь, паней, дѣвокъ, вдовъ не маемъ ни за кого кгвалтомъ давати.

Тежъ обѣцуемъ и приказуемъ кнегинъ, паней вдовъ, княжонъ, паненъ дѣвокъ шляхтянокъ и всякого иного стану рожаю земского, яко людей вольныхъ подъ вольнымъ панованьемъ нашимъ господарскимъ, заховати ихъ при вольностехъ ихъ, а кгвалтомъ ни за кого их давати не маемъ без воли ихъ, за кого хотя, за того волно пойти.

АРТЫКУЛЪ 32.

Отецъ за жывота своего змушенья не повиненъ имѣнья дѣтемъ поступовати, лечъ по доброй воли части его.

Уставуемъ тежъ, ижъ отецъ дѣтемъ за жывота своего змушенья не повиненъ имѣнья жадного поступовати, нижли по доброй воли своей, што воля его будеть. Также невѣста, которая будеть имѣнья свои отчызные або материстые мѣти, змушенья не повинна за живота своего дѣтемъ поступовати, але што будеть добрая воля ее, то можетъ поступити. А што се до тычеть материстыхъ имѣней, не будуть ли мѣти на то слушного права и описовъ, повиненъ то сыну дорослому и дѣвцѣ замужъ ее выдавши поступити; а сынъ и дочка на отцу жадныхъ шкодъ и личбы съ тыхъ имѣней поискивати не мають.

АРТЫКУЛЪ 33.

Всимъ станомъ народу шляхецского, якъ хотя, волно имѣньями шафовати.

Тежъ уставуемъ, ижъ всимъ станомъ шляхецского народу яко и людемъ вольнымъ вольно естъ и будетъ имѣньями своими отчизными материстыми и якимъ жъ кольвекъ обычаемъ набытыми шафавати, подлѣ потребы воли и подобанья своего отдати, продати, доровати, записати, заставити въ долгу и въ сумахъ завести, замѣняти; вѣдже водлѣ того, яко о томъ шырей у роздѣлѣ о записехъ естъ описано.

АРТЫКУЛЪ 34.

О вольности шафовати выслугою своею.

Тежъ хто кому дати хотѣлъ даровати записывати або продати имѣнье выслугу свою на насъ Господарю; тотъ не можеть того никому передъ жаднымъ урядомъ записати, только пришедшы и постановившы се передъ нами Господаремъ и зъ вѣдомомъ нашимъ, а мы того боронити не будемъ. Вѣдже которые бы мѣли привилья наши, а въ нихъ то доложоно, ижъ волно ему отдати даровати и записати; таковые могутъ оное имѣнье записовати передъ кождымъ врядомъ, яко отчызну свою або куплю. А звлаща тые которые бы собѣ и потомкомъ своимъ на вѣчность описаную мѣли, а тые привилья мають на врядехъ оказываны быти; а которые бы леннымъ правомъ або дожывотьемъ або до воли и ласки нашое господарское мѣли, тыхъ маемъ заховати водлѣ привильевъ ихъ и ласки нашое господарское.

АРТЫКУЛЪ 35.

О вольности шляхтѣ имгьнья лежачые и иные маетности свои намъ Господарю записовати.

Тежъ хтобы хотѣлъ што намъ Господарю записати такъ имѣней лежачыхъ яко и иныхъ маетностей; тогды вольно будеть кождому такъ передъ судомъ земскимъ яко и замковымъ, и тежъ сознаньемъ своимъ очевистымъ до книгъ нашихъ канцлярейскихъ и за листы нашими водле права записовати, а форіе (хорые) могуть то намъ Господарю описовати тестаменты своими.

АРТЫКУЛЪ 36.

Хто чого за Короля Казимера и за Александра и за отца нашого Короля его милости Жикгимонта былъ въ держанью, тотъ вѣчнѣ таеть держати.

Хочемъ тежъ мѣти и уставуемъ, абы вси подданые наши, такъ духовные такъ и свѣцкіе, княжата и панове и вси шляхта, которые имѣнья свои отчызные выслужоные и купленые и якіе кольвекъ набытые, за продковъ нашихъ славное памяти Короля Казимера або дядка нашого Короля Александра, такъ тежъ и за отца нашого Короля его милости Жикгимонта и за нашого щастливого панованья, спокойнѣ держали; тые мають таковые имѣнья вѣчнѣ съ покоемъ держати, отъ сихъ часовъ и на потомные часы вжывати они сами и потомки ихъ, бы добрѣ и листовъ ни которых на то не мѣли.

АРТЫКУЛЪ 37.

Хто бы имѣнье отъ насъ въ кого отыймовалъ.

Тежъ уставуемъ, кому быхмо мы Господаръ имѣнье або люди и земли дали, а хто иншый по той данинѣ нашой тое имѣнье отнялъ; тогды тотъ, у кого отнято, можеть того доходити и правомъ поискивати, нижли большей искати не можеть одно, яко ему дано и якъ на насъ Господаря то держано, толко бы давности земское отъ того часу, яко ему дали, не омѣшкалъ.

АРТЫКУЛЪ 38.

Што бы кому черезъ листъ дано або упрошоно, а онъ бы того не ужывалъ и въ молчанъи былъ черезъ давность земскую, и тежъ о лѣта дѣтиные, которые бы въ чужой земли были.

Тежъ уставуемъ, естли бы што кому дано або продано за записомъ слушнымъ, будь тежъ и передъ нами Господаремъ, або и передъ судомъ земскимъ было объявлено, а оный бы што ему дано продано або записано въ держанью и въ пожыванью десеть лѣть не былъ, и о то се врядовнѣ не упоминалъ; таковый по выйстю лѣтъ десети того доходить не можеть, але держачый то вѣчнѣ маеть мѣти. А вѣдже тотъ, хто се впоминаеть маеть его впоминати черезъ листы наши господарскіе и земскіе позвы, припозываючы его ку праву и становечыся за позвы; а хто бы позвы взявшы у себе держалъ, а сторону ку праву не припозвалъ, таковое упоминанье за упоминанье у права не маеть быти пріимовано. Лечъ естли бы было написано дѣтемъ лѣтъ дорослыхъ не маючымъ; тогды имъ въ молодости лѣтъ ихъ давность земская не шкодить, хотя бы того въ держанью и въ поминанью не были и не припоминалисе, то есть лѣта дорослые мужчызнѣ осмнадцать лѣгь а дѣвцѣ петнадцать лѣтъ. Хтобы тежъ въ чужой земли былъ, тогды томужъ также давность земская не шкодить; нижли толко дѣти лѣтъ своихъ доросшы, такъ тежъ и тотъ, хто въ чужой земли былъ, съ чужое земли пріѣхавшы давности земское десети лѣтъ не омѣшкалъ.

АРТЫКУЛЪ 39.

Мы Господаръ шлюбуемъ однакую справедливость всимъ чинить, а передъ судомъ^[1] мы и панове рады наши брати не маемъ.

Обѣцуемъ тежъ зъ ласки и добрости и милости нашой господарской ку подданнымъ нашимъ, всему рицерству Великого Князства Литовского, подъ сумненьемъ нашимъ, ижъ мы Господаръ и панове рада наши иаемъ кождому стану всимъ заровно однакую справедливость чинить безъ отволоки, а отъ права не маемъ ничого брати; потомужъ и панове рада наша, а не маемъ тежъ стати и зычностью быти одной сторонѣ, але просто кождому справедливость дѣлати будемъ повинни, такъ тежъ и панове рада наши подъ присегою, которую до рады вчинили, справедливость чинити будуть повинни. А што се дотычеть почтивостей шляхецскихъ, о то жаденъ съ пановъ радъ ани судъ замковый ани тежъ судъ земскій повѣтовый не маеть судити, толко мы сами Господаръ съ порадою пановъ радъ нашихъ Великого Князства Литовского судити маемъ обычаемъ вышейписанымъ. Вѣдже што здавна и теперъ въ семъ статутѣ суду замковому належыть, то судъ замковый судити и отправовати маеть.

1. Трет. Стат. «а пересуду».

АРТЫКУЛЪ 40.

О тыхъ, которые ѣдучи въ дорогу на поляхъ се становять, а збожью шкоду чинять.

Уставуемъ, хтобы ѣдучи дорогою бралъ албо жалъ жито и иное жито збожъе, або выпаствилъ и вытопталъ конми, и за ишпашъ грабити се не далъ; таковый будеть повиненъ сторонѣ жалобливой три рубли грошей платити, а шкоду, што люди сторонніе на испаши ошацують, также платити и оправовати маеть.

АРТЫКУЛЪ 41.

О невывоженью приправъ военныхъ до земли непріятельское.

Уставуемъ и вѣчными то часы мѣти хочемъ, постерегаючи того, абы зо всихъ земль панства нашого Великого Князства Литовского яко жидове татарове купцы и вси подданые наши, которого кольвекъ стану, явнѣ и таемнѣ всякихъ броней желѣза ручницъ нажовъ стрѣлъ и всякого иншого наряду военного не выпущали и не вывозили, посломъ не продавали, съ чого бы непріятель силитись могъ. А хто бы се того смѣлъ важыти надъ тое росказанье и уставу нашу; тотъ ничимъ инымъ одно горломъ каранъ быти маеть, а товари и вся маетность его маеть быти до скарбу нашого взята, а того съ пильностью на всѣхъ замкохъ украинныхъ сторожове и вси врядники наши постерегати мають, а то се розумѣти будеть въ покою и подъ не впокоемъ.